Luka 7 - Bibilia Buk na Ŋun nagon koti luŋu a

Yesu a toke ’ya köliŋönit lo duma lo kamörök ti Roma

¹ A nagon Yesu aje tutuŋgo jama-kiŋdya ŋutu kulya liŋ nu, a nye iti Kaperanauma.

² A duma lo kamorok ti Roma mia geleŋ gwe ko ’dupiet logon nye nyanyar parik. A ŋilo ’dupiet iŋge ŋilo a gwe nyona ko twan.

³ A na yiŋge duma lo kamorok lore i kulya ti Yesu nu, a nye soŋdi temejik ti Yudayaki ko lepeŋ yu, i pija na lepeŋ anyen po i toke ’ya na ’dupiet lonyit.

⁴ A se ’dure ko Yesu yu, a mamaŋdi lepeŋ parik, adi, Do ködyö ŋaparakin lepeŋ kogwon lepeŋ a lo ’but,

⁵ kogwon lepeŋ nyanyar jur likaŋ a iŋge ’dukokiŋdyö yi kadi momoret.

⁶ a Yesu moruŋdye ko lepeŋat. A nagon nye gwe nyona ko ’dur i ŋinu kadi nu, a duma lo kamörök soŋdi julin kanyit i takiŋdya na lepeŋ adi, Ko tudara mugun pon MATAT, kogwon nan ti jukin adi ti do lupöni koyo kadi.

⁷ Ŋina a kwe nagon nan a yeyeju adi nan ti jukin po konut ni; ti do tun Tamuŋdye kulyaet, a ’dupiet liŋ de kele kelan.

⁸ Nan koti a nuto logon sara ko temejik kwe, a nan koti gwe ko kamorok lo gwon koyo i mukok. Ko nan takiŋdya lele adi, Iti, a nye iti tu; a ko nan luŋgu lele adi, Po, a nye poŋdi po; a ko nan takiŋdya ’dupiet liŋ adi, Koŋdi na ŋo, a nye koŋdi koŋdya.

⁹ A na yinge Yesu kine kulya nu a nye iŋge söŋu ko lepeŋ, a nye boŋgi ŋutu jore lo kipuŋdyo nye kulo, a nye kulyani adi, Nan takiŋdya ta adi, Nan a ko ryo yupet duma gwoso na ’bayin ma ’di i Yisaraele.

¹⁰ A nagon ŋutu lo sonyo kulo aje yito mede nu, a se ryeji ’dupiet lo gwe a lo ’but.

Yesu a torujo ŋuro lo karu ’be i twan

¹¹ A i mukok na ŋina, a Yesu iti i köji na luŋu a Naina, a ŋutu kanyit kajujumuk se ko ŋutu jore parik moraddi ko lepeŋ.

¹² A nagon nye gwe nyona ko ’dur i kötumit na köji nu, mete, a nuto logon aje twan lo ’dokoni kano. Ŋilo nuto a pilili lo ŋote nagon a karu ’be. A nutu jore ti köji inge moruŋdya ko nina nuto.

¹³ A na meddi MATAT nina nuto nu, a nye wone konyen ko lepeŋ, a kulyani ko lepeŋ adi, Mama, an do ko gwien.

¹⁴ A nye iti nerot, a taŋdi par, a ka ’dokök kulo gwo ’de gwo ’dan. A nye kulyani adi, Do nilo titinti, nan takiŋdya do adi, Ŋine ki.

¹⁵ A nuto logon a twan lo nine ŋien a si ’dani si ’da, a suluje jambu. A Yesu ŋutukiŋdye note.

¹⁶ A nutu liŋ inge moka ko kujono, a se pupurje Ŋun adi, Nebi duma aje pukun kayan kiden, koti adi, Ŋun aje ’yo ’yu nutu kanyit.

¹⁷ A nilo lore reara kano i kulya kanyit, i Yudaya liŋ ko i juron liŋ lo didino.

Yoane Kabatisanit a soŋdu luyökie ko Yesu yu

¹⁸ A nutu ti Yoane kajujumuk takindye Yoane kine no liŋ.

¹⁹ A Yoane lupundye kulye kajujumuk kanyit murek, a sonyoddi se ko MATAT yu adi, Do a nye lo popo lo kode yi mordu lele?

²⁰ A nutu kulo ’dure ko lepeŋ yu, a kulyani adi, Yoane Kabatisanit lo sunyuŋdyo yi konut ni i pija na do adi, Do a nye lo popo lo kode yi mordu lele?

²¹ A i ŋinu diŋit a Yesu inge toke ’ya nutu jore logon ko gilosi, ko logon ko twana, ko logon ko muloko lorok, a nye inge na konyen ti nutu jore logon a mo ’dokeno.

²² A nye waddi nutu lo sunyue kulo adi, Iti ta, ko taki ta Yoane no na met ta ko na yin ta kine, adi nutu mo ’dokeno meddi meddya, nodeki woroni woro, nutu ti rimajin aje tokela, mineki yinge yinga, nutu lo twatwa aje toniyu i twan, nutu lomerika aje tokuki Loŋe Lo ’but;

²³ nyena nuto logon a ko kopuko ko kulya kwe lo a kalyoni.

²⁴ A nagon nutu lo son Yoane kulo aje tu nu, a Yesu suluje pija lodir lo nutu i kulya ti Yoane adi, Ta a tu i yobu i meddya na nyo? Ta a tu i meddya na pa ’duni lo wino ko kobunot le?

²⁵ Ama ta a tu kano i meddya na nyo? Ta a tu i meddya na ŋuto lo jupu bongo naparere na gworo go le? ’Diri nutu logon jupu boŋgwat nakwekwelen ko a monyota ko no na ’but kilo si ’da i kadijik ti moran.

²⁶ Ama ta a tu kano i meddya na nyo? Ta a tu i meddya na nebi? Inkoi, nan takiŋdya ta adi ta ’diri a met nuto logon Iwolwon nebi.

²⁷ Ŋilo nuto a nye logon kulya kanyit a wuro adi, Mete, nan soson luyökie liŋ konut nerot, logon mo tetenaddu kiko ilot.

²⁸ Nan takiŋdya ta adi, i kiden na nutu logon a yunwe ko nutu wate kilo lele gelen ’bayin logon a duma lwolwon Yoane; ama nuto logon a lo ’dit bia parik i Tumatyan na Ŋun lo a duma lwolwon lepeŋ.

²⁹ A na yinge se kine kulya nu, a nuto liŋ se ko kapepenak ti usur inge liliun adi Ŋun a lo ’but, kogwon se a ruk Yoane batiddya se.

³⁰ Ama a Parusijin se ko bodwat ti Saresi ti Mose inge renya no nagon ŋun a jujukin se kune, kogwon se a ko ruk Yoane batiddya se.

³¹ Nyenagon nan de töjukin nutu ti na toberon i nyo? Se gwon gwoso nyo?

³² Se gwon gwoso ŋwajik logon sisi ’datu i pirit gworiet a toluŋi ko ’börik adi, Yi a kutakiŋdya ta kili ’bajin, ama a ta tine gwoja; yi a yo ’yu köli lo twan, ama a ta tine gwien.

³³ Kogwon Yoane Kabatisanit aje po a gwe a ko nyesu kinyo a gwe a ko möju binyo, nyena a ta kulyani adi, Lepeŋ ko mulökötyo loron.

³⁴ Ama nan Ŋuro lo ŋuto aje po nyenyesu ko mömöju, a ta kulyani adi, Meddi ta ŋilo kanyöönit, ko a kamere. Lepeŋ a ju lo kapepenak ti usur, ko a ju lo katoronyak.

³⁵ Ama ŋutu liŋ logon Koŋon a yuŋun kilo iŋge gwulu adi nye a Koŋon nagon a gwak.

Yesu a nyesu ko Simona logon a Parusityo midi

³⁶ A lele Parusityo luŋgi Yesu i nyesu ko lepeŋ; a nye lupöni ko Parusityo lo kadi, a si ’dakine kak i nyesu.

³⁷ Nyena mete, a ŋuto na ŋinu köji nagon a katoronyanit na iŋge den adi Yesu gwon i nyesu ko Parusityo kadi, a ŋina ŋuto joŋdi lupunit logon a ŋurupit lo luŋu a alabasata. Ŋilo lupunit a jore ko welet na mon ’bura nagon a na mur.

³⁸ A ŋuto na gwo ’de i ki ’diŋ ko Yesu i mokosi gwigwien, a ŋolitan kanyit ’done ko lepeŋ i mokosi, a nye seji se ko kupir kanyit ti kwe, a nye ’biuŋdye mokosi kanyit, a we ’yi se ko welet.

³⁹ A nagon Parusityo lo lupuŋdya Yesu lo ko meddi ŋina ŋo, a nye kulyani ko mugun adi, Ko lo ŋuto ködyö a nebi, nye ködyö deden ko ŋina ŋuto a ŋa nagon ’bo ’yu lepeŋ na, köti ko gwiliŋit lonyit gwon ada. Nye ködyö deden adi lepeŋ a katoronyanit.

⁴⁰ a Yesu waddi lepeŋ adi, Simona, nan gwon ko nene ŋo nagon nan ’dek jamakiŋdya do. A Simona kulyani adi, Kulyani koi, Katodinönit.

⁴¹ Adi, Lele ŋuto gwon ko kakurök murek; lele a kuŋö ginejin mukanat, lele ko gurut merya mukanat.

⁴² A nagon se tine jukin robba nu, a nye pitökiŋdye lepeŋat liŋ murek. Nyena lon lose nyanyar lepeŋ bia parik?

⁴³ A Simona waddi adi, Nan yeyeju adi ŋuto logon a pitöki gurut jore lo. A Yesu kulyani ko lepeŋ adi, Do aje lilija ’bura.

⁴⁴ A kirut nye boŋgi ŋina ŋuto a nye pije Simona adi, Do a met na ŋuto le? Nan a lupe konut kadi a do gwe a ko tikin nan pioŋ nagon lalaarikin mokosi kwe, ama na ŋuto a lalaju mokosi kwe ko ŋolitan kanyit, a seji se ko kupir kanyit ti kwe.

⁴⁵ Do a ko roman ko nan ko ’bi ’biyet, ama suluja i diŋit na lupe ’i nan ni na, na ŋuto a ko kö ’bi ’bija mokosi kwe.

⁴⁶ Do a ko we ’ya kwe nio ko welet, ama nye a we ’ya mokosi kwe ko welet na mon ’bura.

⁴⁷ Nyena nan takiŋdya do adi, Toronjin kanyit na gwon jore kine aje pitöki; ŋina a kwe nagon lepeŋ nyaŋi nan parik; ama ŋuto logon a pitöki ku ’dik lo nyaŋu nanyit a na ’dit.

⁴⁸ a nye takiŋdye ŋina ŋuto adi, Toronjin kunök aje pitöki.

⁴⁹ a ŋutu lo si ’da i nyesu ko lepeŋ kulo suluje totopi ko ’börik adi, Ŋilo ŋuto a ŋa logon pitökiŋdyö ma ’di toronjin?

⁵⁰ A nye kulyani ko ŋina ŋuto adi, Yupet inot aje lwök do. Iti ’bura ko taliŋ.