Lewi 20 - Bibilia Buk na Ŋun nagon koti luŋu a

Ŋutu kalaak roröpaki ŋo narok

¹ A MATAT jambi ko Mose adi,

² Kulyani ko ŋutu ti Yisaraele adi, Ko lon ŋuto lo ŋutu ti Yisaraele, kode lo ŋutu logon si ’da i Yisaraele a lepelok, logon a tiŋdu Molek lele lo ŋwajik kanyit a rubaŋga, a nye ködyö tatuani tatua: ŋutu ti jur ködyö gugubuja lepeŋ ko ŋurupö.

³ A nan köti mo tiŋdi komor nio a naron ko ŋilo ŋuto, a mo ’duŋörö lepeŋ kaŋo i kiden na ŋutu kanyit, kogwon nye a tiŋdu Molek lele lo ŋwajik kanyit a rubaŋga, i toluddya na pirit nio nake na rurwan ko i topoŋdya na karin kwe nake.

⁴ Ama ko ŋutu ti jur ŋona a muggö konyen kase kogwon lu ŋuto, na tiŋdi nye Molek lele lo ŋwajik kanyit a rubaŋga nu, a se tine tatuja lepeŋ,

⁵ nyena a nan mo tiŋdi komor nio a naron ko lu ŋuto se ko mede nanyit, a nan mo ’duŋörö lepeŋat kaŋo i kiden na ŋutu kase, kweja adi ŋilo ŋuto ko se liŋ lo kepödöu lepeŋ i biryeni na ’börik ko Molek gwoso kalupök kulo.

⁶ A ŋuto logon a löpuköddu i se logon do ’ya ko kwen ti mulökö ko ’bunuk kawanak, i biryeni na ’börik ko lepeŋat gwoso kalupök, nan mo tiŋdu komor nio a naron ko lu ŋuto, a mo ’duŋörö lepeŋ kaŋo i kiden na ŋutu kanyit.

⁷ Nyenagon geluŋdye ta ’börik, ko gwe ta a loke; kogwon nan a MATAT ŋun losu.

⁸ A ta ködyö ’debbi saresi kwe lo wurö a koŋdi lepeŋat; nan logon a MATAT logon a geluŋdya ta a loke.

⁹ Kogwon ŋutu liŋ logon moru monye kode ŋote ködyö tatatua; nye aje moru monye kode ŋote nanyit a rima kanyit gwe kanyit i kwe.

¹⁰ A ko lele ŋuto a lubbö nakwan na leŋe, a ŋilo kalupönit se ko kalupe na ködyö tatuani tatua.

¹¹ ŋuto logon a doto ko nakwan na monye lo aje toyujö kwe na monye; a se murek liŋ ködyö tatuani tatua, a rima kase ködyö gwe kase i kusik.

¹² A ko lele ŋuto a doto ko nakwan na ŋuro lonyit, a se murek liŋ ködyö tatuani tatua; se aje koŋdya ŋo nagon köŋu gwiliŋit lo ŋutu, a rima kase gwe kase i kusik.

¹³ A ko lele ŋuto a dotori ŋuto lalet gwoso ŋuto nakwan, a se murek liŋ aje koŋdya ŋo na mamana; a se ködyö tatuani tatua, a rima kase mo gwe kase i kusik.

¹⁴ A ko lele ŋuto a dotori nene nakwan ko ŋote nanyit köti, ŋina a ŋo naron parik; a ŋilo ŋuto se ko kine ŋutu liŋ ködyö ’yurani ’yura ko kimaŋ, anyen ŋonyan böŋö gwon ’bayin kasu kiden.

¹⁵ A ko lele ŋuto a dotori nene turu ’buti, a ŋilo ŋuto ködyö tatuani tatua, a ta ködyö ’duŋge nu turu ’buti.

¹⁶ A ko nene ŋuto a ŋun ko lele turu ’buti nyona a dotoni ko lepeŋ, a ta ködyö tatuje nu nakwan se ko lu turu ’buti; iŋkoi a se ködyö tatuani tatua, a rima kase gwe kase i kusik.

¹⁷ A ko lele ŋuto a joŋga kiaser nanyit nagon a ŋuro na monye lonyit kode a ŋuro na ŋote nanyit, a nye meddi tolimuön nanyit, a ŋuro meddi tolimuön na luŋaser, a kine kulya gwe a yu na kwe, a se ködyö ’duŋöjine kaŋo i komor na ŋutu kase; ŋilo ŋuto aje doto ko kiaser nanyit, a nye ’doggi ŋonyan nanyit.

¹⁸ A ko lele ŋuto a doto ko nene ŋuto na gwon ko perok kanyit ti yapa, a nye toyuje kwe nanyit, ŋilo ŋuto aje ŋaju won nanyit, a ŋina ŋuto aje kwekiŋdya won na rima kanyit; a se murek liŋ ködyö riköjine kaŋo i kiden na ŋutu kase.

¹⁹ A do ködyö tine doto ko kiaser na ŋuti kode na waso inot, kogwon ŋina gwon gwoso do ŋaju tolimuön na ŋutu nagon a kötumit geleŋ ko do; a se mo ’doggi ŋonyesi kase.

²⁰ A ko lele ŋuto a doto ko nakwan na luŋaser monye, a nye aje toyujö kwe na luŋaser monye; a se murek liŋ mo ’doggi ŋonyan nase, a se mo twatwane ’bak ŋwajik.

²¹ A ko lele ŋuto a joŋga nakwan na luŋaser, a ŋina gwe a tolutet; lepeŋ aje toyujö kwe na luŋaser lonyit, a se mo gwe ’bak ŋwajik.

²² Nyenagon a ta ködyö ’debbi saresi kwe liŋ lo wurö, ko kulya liŋ na ’duŋ nan kune, a ta ködyö koŋdi se; anyen jur logon nan joŋga ta i si ’da kata lu böŋö gwon ti jaun ta kaŋo.

²³ A ta ködyö tine wörö i keriat ti gweyari lo ŋutu logon nan rikörö kaŋo kasu ŋerot kulu; kogwon se aje koŋdya kine ŋo liŋ, nyenagon a nan iŋge man lepeŋat.

²⁴ Ama nan aje kulya ko ta adi, Ta mo ruddya jur lose, a nan mo tiŋdi ta nye a lomore, ŋilu a jur logon ’dokon a le ko siwatat. Nan logon a MATAT Ŋun losu logon aje koruŋdya ta kaŋo i gweyajin ti ŋutu.

²⁵ Nyenagon a ta ködyö koruŋdye i kiden na kijakwa loke ko logon a lut i kulya ti keri, ko i kiden na kwen nagon a lut ko nagon a nake; a ta ködyö tine koŋdya ’börik a ŋo lo mamana i kulya ti kijakutat, kode ti kwenti, kode ti ŋo liŋ logon gwogwo-Otu i na kak, logon nan a korakin ta adi se a lut kulo.

²⁶ A ta ködyö gwe a loke köyö, kogwon nan MATAT lo a loke, a nan aje koruŋdya ta kaŋo i kiden na gweyajin ti ŋutu, anyen ta gwon a ŋutu kwe.

²⁷ A ŋuto lalet kode ŋuto nakwan nagon do ’ya ko kwen ti mulökö kode nye a ’bunit kawananit ködyö tatuani tatua; a se ködyö gugubani ko ŋurupö. a rima kase mo gwe kase i kusik.