Lewi 13 - Bibilia Buk na Ŋun nagon koti luŋu a

Saresi i kulya ti rimajin ko mönyu

¹ A MATAT kulyani ko Mose ko Arona adi,

² Ko lele ŋuto gwon ko gwönit i ’böriköt lo mugun nanyit kode a totoset kode a ’do ’dotet, a worani a twanti lo rimajin i ’böriköt lo mugun nanyit, a kirut nye ködyö jweni ko koane Arona ni kode ko lele lo ŋwajik kanyit koanejin kulo,

³ a koane ködyö gwulu ’ye lu twanti ko ŋilo ŋuto i mugun; a ko kupir ti nu pirit na lu twanti a kwekweja, a meta na lu twanti gwe gwoso nye a gumba i lukata na ’böriköt lo mugun nanyit, a lu gwe a twanti lo rimajin; a koane ködyö gwulu ’ye lepeŋ a tuŋge adi nye a lut i kulya ti keri.

⁴ Ama ko nu ’do ’dotet a nakwe i ’böriköt lo mugun nanyit, a meta adi nye a ko gumba i ’börikötlukata, a kupir lo gwon kanyit lukata kulo gwe a ko kwekweja, a koane ködyö kinikiŋdye lu ŋuto lo gilö nyu ko perok buryo.

⁵ a koane mo ko gwulu ’ye lepeŋ i lor toburyo lonyit, a ko ködyö lepeŋ a met adi lu twanti a kö ’yu, a lu twanti gwe a ko nyalakaddu ŋerot ko lu ŋuto i ’böriköt, nyena a koane ködyö kinikiŋdye lepeŋ nyu ko kulye perok buryo köti.

⁶ A koane mo gwulu ’ye lepeŋ köti i lor toburyo lonyit, a ko nu pirit na twanti gwe a nanyut, a lu twanti gwe a ko nyalakaddu ŋerot kanyit i ’böriköt, nyena a koane ködyö tuŋge adi ŋilu ŋuto a loke i kulya ti keri; ŋinu gwon a totoset kana; nye ködyö

⁷ Ama ko nu totoset nyalakaddu ŋerot kanyit i ’böriköt, i mukök na kwekiŋdye nye mugun ko koane kogwon tokela nanyit nu, a nye ködyö kwekiŋdye mugun köti ko koane i komor;

⁸ a koane gwulu ’ye lepeŋ, a ko nu totoset aje nyalakaddu ŋerot kanyit i ’böriköt, a kirut koane ködyö tuŋge adi nye a lut i kulya ti keri; kine a rimajin.

⁹ A ko lele ŋuto gwon ko twanti lo rimajin, a nye ködyö jweni ko koane ni;

¹⁰ a koane gwulu ’ye gwulu ’ya, nyena, ko nene gwönit nakwe kata kanyit i ’böriköt nagon a tiŋdu kupir i kwekweja, a ko nene ’dika gwon i nu gwönit,

¹¹ a kine gwe a rimajin na yiyiŋun i ’börikötlo mugun nanyit, a koane ködyö tuŋge adi nye a lut i kulya ti keri; a nye mo tine kinikin lepeŋ kadi kogwon nye a lut.

¹² A ko kunu rimajin a pu ’dd kanyit i ’böriköt, anyen muluja ’böriköt lu ŋuto lo gilö liŋ suluja i kwe tojo i mokosi, gwoso na meddi koane nu,

¹³ nyena a koane ködyö gwulu ’ye gwulu ’ya, a ko rimajin aje mulu mugun na ŋilo ŋuto ’bukuluŋ, a nye tuŋge adi ŋilo ŋuto gwe a loke i twanti lonyit. ŋo liŋ aje wora a nakwe, ŋilo ŋuto aje kelan.

¹⁴ Ama ko nene ’dika a pukun ko lepeŋ i mugun, a nye ködyö gwe a lut.

¹⁵ A koane gwulu ’ye nu ’dika, a tuŋge adi ŋilo ŋuto a lut i kulya ti keri; ’dika gwon a lut kogwon nye a rimajin.

¹⁶ Ama ko nu ’dika a löpuggö köti a worani a nakwe, nyena a lu ŋuto ködyö poŋdi ko koane ni,

¹⁷ a koane gwulu ’ye lepeŋ, a ko lu twanti a wora a lokwe, a kirut a koane ködyö tuŋge adi lu nuto lo gilö lo gwe a loke i kulya ti keri; lepeŋ aje kelan.

¹⁸ A ko mugun nanyit gwe ko mörikö na körurutöt kanyit i ’böriköt,

¹⁹ a ko nene gwöŋit nakwe, kode nene pirit nagon a nakwe mora ko nator a ruddya pukun i nu pirit na pukuŋdye köru-rutöt nu, a ködyö kwekine koane;

²⁰ a koane gwulu ’ye gwulu ’ya, a ko nye a met adi nye a gumba i ’böriköt lukata, a kupir kanyit aje kwekweja, nyena a koane ködyö tuŋge adi lo ŋuto a lut i kulya ti keri, ŋilo a twanti lo rimajin, nye a pu ’do ’e kaŋo i körurutöt kata.

²¹ Ama ko koane a gwulu ’yu lepeŋ adi kupir kanyit a ko kwekweja, a nye gwe a ko gumba i ’böriköt lukata, ama nye a nanyut, nyena a koane ködyö kiniki-ŋdye lu ŋuto nyu ko perok buryo;

²² a ko nu gwöŋit nyalakaddu ŋerot i ’böriköt, a koane ködyö tuŋge adi nye a lut i kulya ti keri; ŋilo a twanti.

²³ Ama ko nu gwöŋit a karakin i nu pirit geleŋ a tine nyalakaddu ŋerot, a nye gwe a mörikö na körurutöt, a koane ködyö tuŋge adi lo ŋuto a loke i kulya ti keri.

²⁴ A ko ködyö mugun na ŋuto a nokan i ’böriköt, a lokore na ’yura na inge ruŋuŋdya a gwe a marala nagon a nakwe mora ko nator kode a nakwe liŋ,

²⁵ a koane ködyö gwulu ’ye lepeŋ. A ko kupir ti nu pirit a kwekweja a meta adi nye a gumba i ’böriköt, nyena a gwe a rimajin; nye aje pu ’do ’e kaŋo i pirit na nokan na, a koane ködyö tuŋge adi lo ŋuto a lut i kulya ti keri; ŋilo twanti a rimajin.

²⁶ Ama ko koane a gwulu ’ya nye, a kupir ti nu pirit gwe a ko kwekweja a tine gumba i ’böriköt, ama a gwe a nanyut, a koane ködyö kinikiŋdye lepeŋ nyu ko perok buryo,

²⁷ a koane mo gwulu ’ye lepeŋ köti i lor toburyo lonyit; a ko nye a nyalakaddu ŋerot i ’böriköt, nyena a koane ködyö tuŋge adi lo ŋuto a lut i kulya ti keri; ŋilo twanti a rimajin.

²⁸ Ama ko nu gwöŋit a karakin i nu pirit geleŋ a tine nyalakaddu ŋerot i ’böriköt, ama a gwe a nanyut, a nu gwe a gwöŋön na pukun i pirit na nokan, a koane ködyö tuŋge adi lo ŋuto a loke; kogwon ŋina a mörikö na ’yura.

²⁹ A ko lele ŋuto kode nene ŋuto gwon ko twanti i kwe kode i kupir ti nyekem,

³⁰ a koane ködyö gwulu ’ye lo twanti, a ko nye a met adi nye a gumba i ’böriköt, a kupir kanyit gwe a loporoŋok ko a lomin, nyena a koane ködyö tuŋge adi nye a lut i kulya ti keri; ŋina a ŋo na pupuri, nye a rimajin ti kwe kode a lo kupir ti nyekem.

³¹ A ko koane a gwulu ’ya lu twanti lo pupuri, a nye metani adi nye a ko gumba i ’böriköt, a kupir lurwök gwe ’bayin lukata, nyena a koane ködyö kinikiŋdye ŋuto logon ko twanti lo pupuri lo nyu ko perok buryo.

³² A i lor toburyo lonyit a koane ködyö gwulu ’ye ŋilo twanti; a ko pirit na pupuri na a ko nyalakaddu ŋerot, a kupir loporoŋok gwe ’bayin kanyit lukata, a pirit na pupuri na metani gwe a ko gumba i ’böriköt,

³³ nyena a ŋilo ŋuto ködyö ’bariŋdi mugun, ama a nye ködyö tine ’bariŋdu pirit na pupuri na; a koane ködyö kinikiŋdye ŋuto logon ko twanti lo pupuri lo nyu köti ko kulye perok buryo.

³⁴ A i lor toburyo lonyit a koane ködyö gwulu ’ye pirit na pupuri na, a ko pirit na pupuri na a ko nyalakaddu ŋerot i ’böriköt a nye metani adi a ko gumba i ’böriköt, nyena a koane ködyö tuŋge adi lu ŋuto a loke i kulya ti keri, a nye lalaji boŋgwat kanyit a gwe a loke.

³⁵ Ama ko pirit na pupuri na nyalakaddu ŋerot i ’böriköt i mukök na tokela nanyit,

³⁶ a koane ködyö gwulu ’ye lepeŋ, a ko pirit na pupuri na aje nyalakaddu ŋerot i ’böriköt, a kulya mo gwe ’bayin ko koane i galaddu na kupir loporoŋok; kweja adi ŋilo ŋuto a lut i kulya ti keri.

³⁷ Ama ko ködyö koane a met adi twanti lo pupuri lo aje kö ’yu, a kupir lurwök aje punun kata, a pirit na pupuri na aje lik, ŋilu ŋuto a kelan; a koane ködyö tuŋge adi nye a loke i kulya ti keri.

³⁸ A ko kunie ŋo na ’do ’doddu a pukun i ’böriköt lo ŋuto lalet kode lo ŋuto nakwan i mugun nagon a ’do ’dotesi nakwe,

³⁹ a koane ködyö gwulu ’ye se, a ko kine ŋo na pukun i ’böriköt lo mugun kune gwe a nakwe ko a nanyut. a ŋina gwe a ŋo kana na pukun i ’böriköt; ŋilo ŋuto a loke i kulya ti keri.

⁴⁰ A ko kupir ti lele ŋuto aje ’doddu kaŋo kanyit i kwe, ma ’di nagon kwe nanyit a namelen, lepeŋ a loke i kulya ti keri.

⁴¹ A ko kupir ti lele ŋuto aje ’doddu kaŋo kanyit i komor, ma ’di nagon komor nanyit a namelen, ama lepeŋ a loke.

⁴² Ama ko ködyö lele twanti lo ’do ’doddu a lokwe a mora ko lotor a pukun i kwe nagon a namelen na, kode i komor nagon a namelen na, a ŋilo twanti gwe a rimajin na pukun i kwe nanyit namelen, kode i komor nanyit namelen na.

⁴³ Nyena a koane ködyö gwulu ’ye lepeŋ, a ko ködyö lu twanti lo ’do ’doddu lo i kwe nanyit namelen, kode i komor nanyit namelen na gwe a lokwe mora ko lotor, gwoso meta na rimajin i ’böriköt lo mugun,

⁴⁴ a lu ŋuto gwe ko rimajin, nye a lut i kulya ti keri; a koane ködyö tuŋge adi nye a lut; twanti lonyit gwon kanyit i kwe.

⁴⁵ A ŋuto lo rimajin lo gwon ko ŋilo twanti lo ködyö jupukiŋdye boŋgwat kereketwat a laggi kupir kanyit ti kwe, a nye ködyö muŋge lo ’biu lonyit lo ki, a gwiörö adi, Nan a lut, nan a lut.

⁴⁶ A nye yeŋe gwon a lut i kulya ti keri gwoso i diŋit na gwoŋdi lepeŋ ko ŋilo twanti nu; iŋkoi lepeŋ a lut, a nye ködyö si ’dani ka ’de i nene pirit na gwon i kaŋo na mera.

⁴⁷ A ko lele twanti logon tiŋdu boŋgo i buggi, kode a boŋgo na kupir kode na waratat,

⁴⁸ kode kanyit i patala mönikön, kode kanyit i patala gweyesi ti waratat, kode ti kupir, kode i lele gober, kode i nene ŋo na gweya ko ’böriköt,

⁴⁹ a ko lu twanti a kweja mugun a lorem kode a lotor i nu boŋgo kata, kode kanyit i patala mönikön, kode kanyit i patala gweyesi, kode i gober, kode i nene ŋo na gweye i ’böriköt, a ŋilu twanti gwe a buggi, a ködyö kwekine koane.

⁵⁰ a koane ködyö gwulu ’ye ŋilo twanti, a kinikiŋdye ŋo na gwon ko twanti na nyu ko perok buryo;

⁵¹ nyena a nye mo gwulu ’ye ŋilo twanti i lor toburyo lonyit. A ko ŋilo twanti aje nyalakaddu ŋerot i nu boŋgo kata, i patala kanyit mönikön, kode i patala kanyit gweyesi, kode i gober, kode i ŋo na kikitarikin ko ’böriköt, a ŋilo twanti gwe a buggi lo nyönyööddu; ŋina ŋo a lut i kulya ti keri.

⁵² A nye ködyö ’yuŋe nu boŋgo, kode lu twanti gwon i patala kanyit mönikön, kode i patala kanyit gweyesi ti kupir, kode ti waratat, kode a nene ŋo na gweye i ’böriköt, kogwon nye a buggi lo nyönyööddu; a ŋinu boŋgo ködyö ’yurani ’yura ko kimaŋ.

⁵³ A ko koane a gwulu ’yu adi lu twanti a ko nyalakaddu ŋerot i nu boŋgo, kanyit i patala mönikön, kode kanyit i patala gweyesi, kode i nene ŋo na gweye i ’böriköt,

⁵⁴ nyena a koane ködyö saŋi adi ti se lalaji ŋo na gwon ko twanti nu, a nye kinikiŋdye lepeŋ nyu ko kulye perok buryo;

⁵⁵ a koane mo gwulu ’ye nu ŋo na gwon ko ŋilo twanti i mukök na lalari nye nu. A ko pirit na gwon ko twanti na a ko löpuggö ka ’de; ma ’di ko lu twanti a ko nyalakaddu ŋerot, a ŋilu gwe a lut i kulya ti keri; a do ködyö ’yuŋe lepeŋ ko kimaŋ, ma ’di ko buggi gwon i ki ’diŋ kode i komor.

⁵⁶ Ama ko koane aje gwulu ’yu adi lu twanti gwe a lonyit i mukök na lalari nye nu, a nye ködyö kerenyuŋdye nu pirit kaŋo i nu boŋgo kode i lu gober, kode i kulu patala mönikön, kode i kunu patala gweyesi;

⁵⁷ nyena ko nye a pukun köti i nu boŋgo, i patala kanyit mönikön, kode i patala kanyit gweyesi, kode i nene ŋo na gweye i ’böriköt, a lu twanti nyalakaddi ŋerot; a do ködyö ’yuŋe ŋo na gwon ko ŋilu twanti kata nu ko kimaŋ.

⁵⁸ Nyena i mukök na lalaji do lepeŋ nu, ko ködyö lu twanti aje kö ’yu nu boŋgo i patala kanyit mönikön, kode i patala kanyit gweyesi, kode i nene ŋo na gweye i ’böriköt, a nu boŋgo ködyö lalani lala köti daŋ tomurek, a mo gwe a nake i kulya ti keri.

⁵⁹ Ŋilo a saret i kulya ti twanti logon tiŋdu nene boŋgo na gweya ko kupir, kode ko waratat i kulya ti buggi, i patala kanyit mönikön, kode gweyesi, kode i nene ŋo na gweye i ’böriköt, anyen koruŋdya kode nu boŋgo a nake kode a lut i kulya ti keri.