Katokuönit 9 - Bibilia Buk na Ŋun nagon koti luŋu a

ŋo geleŋ pokin i ŋutu liŋ

¹ A nan tindi töili liŋ i kine ŋo liŋ, ko i temba na se adi ŋutu lo rigwo se ko ŋutu lokoŋ konesi kase gwon ko ŋun i könin; kode a nyaŋu kode a mandu ŋutu ti den. ŋo liŋ na gwon kase i komor a köŋuröt kana,

² kogwon ŋo geleŋ ŋokin i ŋutu liŋ, i ŋuto lo rigwo ko i ŋuto loron, i ŋuto lo ’but ko i ŋuto katoronyanit, i ŋuto loke ko i ŋuto lut, kode i ŋuta lo wukindya rubaŋga ko i ŋuto logon ti wukindya rubaŋga. ŋo liŋ konaki jojo i ŋuto lo ’but ko i ŋuto katoronyanit, ko i ŋuto lo mimilyeju se ko i ŋuto lo kukujönö i milyeju.

³ ŋina a ŋo naron i ŋo liŋ na kitarikin i kak ni, adi ŋo geleŋ ŋokin i ŋutu liŋ; köti töilyet ti ŋutu liŋ a jore ko toronjin, a tumalyan gwe kase i töilyet na gwiliŋgi se nu, a i mukök na ŋina a se moraddi i lo twatwa.

⁴ Ama ŋuto logon a morakindya i ŋutu liŋ logon jörun lo gwon ko yenet, kogwon ’diŋo logon jörun a lo ’but Iwolwöŋ kömiru logon aje twan.

⁵ Kogwon ŋutu logon jörun kulo deden adi se mo twatwa, ama ŋutu lo twatwa a ko den nene ŋo, a se gwe ’bak nene roŋet köti; ama a yeyeŋ na lepeŋat iŋge likin.

⁶ Nyaŋu nase, ko mandu nase se ko be ’ya nase aje ’beron kakaŋu, a se tine parundya nene ŋo asut i ŋo liŋ na kitarikin i kak ni kune.

⁷ Iti, nyesi kinyo ilot ko lyöŋön, ko möji binyo kunök ko nyola na töili; kogwon ŋun aje ’beron ruggö ŋo nagon do kökon na.

⁸ Ti do ŋupi jupuni boŋgwat nagon a nakwe, an do ko jaran i we ’ya na kwe inot ko welet.

⁹ Gwolore ko lyöŋön ko nakwan nagon do nyanyar na, i perok liŋ ti gwiliŋit ilot logon a köŋuröt kana logon ŋun aje tikin do i ŋo na kitarikin i kak ni kune, kogwon kine a koraki do i na gwiliŋit ko i kita inot nagon do a kitari i kak ni.

¹⁰ Kondi kita nagon könisi kulök a ryöun ko riŋit inot liŋ, kode a nyo; kogwon kita, kode yeyeet, kode dendya na kulya, kode koŋon ’bayin kak yu i ŋirit na mulökö nagon do tu kata nu.

¹¹ A nan köti meddi adi i kita na kolor ti gwon a ŋutu lo wökön ’de ’de ka ’de logon tete ’ya i wökön, kode ti gwon a ŋutu ti riŋit ka ’de logon tete ’ya gor. Ti gwon a ŋutu lokoŋ ka ’de lo ryeju kinyo, kode ti gwon a ŋutu lotolokok ka ’de lo ryeju tukwörienjin, kode ti gwon a ŋutu logon a bodwat ka ’de lo ryeju ’busan; ama a diŋitan na ’but ko narok ’bunyökindye se liŋ jojo.

¹² Kogwon ŋutu ti den diŋitan kase. Lepeŋat a loka na pondi diŋitan narok ’de ’de kijek kase loki nu, gwoso somot logon a moka i ku ’yi dumet, ko gwoso kwen nagon a moka i patala lokesi.

Kuŋon a na ’but lwölwöŋ riŋit

¹³ Nan köti aje met ŋina miret na koŋon i kita na kitarikin i kak ni, a nan mete a ŋo duma parik.

¹⁴ Kweja adi koju ’beron köji kata a na ’dit nagon ko ŋutu ku ’dik, a mor duma ŋondi i mörö ko lepeŋ, a tumbe lepeŋ, a ’duluddi liŋo ki a lojo anyen mörörikin ŋinu köji.

¹⁵ Ama a ŋuto lomeri logon a lokoŋ iŋge rye i ŋinu köji, a lepeŋ ko koŋon nanyit iŋge lwök ŋinu köji, ama a lele ŋuto gwe ’bayin lo yeyeju ŋilu lomeri.

¹⁶ A kirut nan kulyani adi, Koŋon a na ’but lwölwöŋ riŋit, ma ’di ködyö koŋon na ŋuto lomeri a ’dö ’döyö a kulyaesi kanyit tine yiŋa.

¹⁷ Kulyaesi ti ŋuto lokoŋ lo jama madaŋ yiyiŋa ’bura lwölwoŋ woŋon na kasaranit i kiden na ŋutu lu ’böŋ.

¹⁸ Koŋon a na ’but lwölwöŋ tito möriesi ti gor, ama ŋuto geleŋ logon a lyaŋan kököroŋ na ’but jore.