Katokuönit 6 - Bibilia Buk na Ŋun nagon koti luŋu a

¹ Nan a met nene ŋo naron nagon kitarikin i kak ni, nagon a sopaki pomoni ko ŋutu loki.

² Yeyeji ŋuto logon Ŋun aje tikin toro ’bo, ko tukwö­rienjin, se ko bula, anyen nye gwon ti yoŋo ŋo liŋ nagon nye ’de ’dekan, ama Ŋun a ko tikin lepeŋ riŋit nagon nyesi se, ama a lepetyo lo nyesi se; kine ŋo a kopurot kana ko a sasanyet duma.

³ Ko ködyö ŋuto a yuŋweki ŋwajik mia geleŋ, a gwolope ko kiŋajin Jore, ama ma ’di nagon perok kanyit gwon Jore, ko ködyö lepeŋ ti nyö go na ’but ti na gwiliŋit, ko koti a tine nuka, nyena a nan kulyani adi kulya ti ŋuro lo yoyoŋe a na ’but parik lwölwöŋ kulya kanyit.

⁴ Kogwon lepeŋ yoŋe a kopurot kana, ko a iti i mudwe, a karin kanyit iŋge mukoki i mudwe;

⁵ nye a ko meddya ma ’di kolor kode dendya na nene ŋo, ama a nye ryeji yukan lwölwöŋ lu ŋuto.

⁶ ’Bulit a nyo ma ’di ködyö lu ŋuto a si ’da kiŋajin aliŋ geleŋ daŋin murek ama lyoŋon ’bayin? Se liŋ ŋona ti tu i pirit geleŋ le?

⁷ Ŋuto kita kitajin liŋ kogwon kutuk nanyit, ama a pele nanyit tine yimönö.

⁸ ’Bulit na ŋuto lokoŋ a nyo i ŋuto lu ’böri? ’Bujit na ŋuto lomeri a nyo logon deden si ’da ko ŋutu kiden?

⁹ Bia a na ’but i meddya na ŋo nagon do memet ko konyen lwölwöŋ ’dekesi na wörö abur. Kine ŋo köti a köpuröt kana ko a köbuŋöt logon ti bulö moka.

¹⁰ Ŋo nagon aje ’beron gwon na aje ’beron gwiki karin, ko köti kulya ti ŋuto aje dena ko nye a ŋo, adi nye ködyö ti jukin rerenya ko ŋuto logon lwöŋgu nye lo.

¹¹ Kulyaesi jore tundijö ŋo nagon a koŋurot kana, a kirut ŋuto ryeji nan ’bulit?

¹² Kogwon ŋa logon deden ŋo nagon a na ’but ko ŋuto i na diŋit nagon nye gwon jörun na? Ru nanyit gwon a ŋo kana, a nye lwöŋöddi i perok kanyit gwoso tölimöt. ŋa logon bubulö takindya lepeŋ ŋo ti molu i mukök na twan nanyit i kita na kitarikin i kak ni?