Katokuönit 3 - Bibilia Buk na Ŋun nagon koti luŋu a

Ŋo liŋ gwon ko diŋitan kase

¹ Kogwon po liŋ gwon ko dipitan kase, dipitan kata a ti po liŋ geleŋ geleŋ i na kak ni;

² kweja adi: diŋit yuŋweet kata, ko diŋit twaet kata; diŋit ’yutit kata, ko diŋit gwunyet kata na po logon aje ’yutu;

³ diŋit tatuet kata, ko diŋit toliketkata; diŋit kata nagon dukaki ’e po kak, ko diŋit kata nagon gweye ’i ki;

⁴ diŋit gwiet kata, ko diŋit na kweni ko lyöpön kata; diŋit delyaet kata, ko diŋit gwoet kata;

⁵ diŋit gubet na ŋurupö kaŋo kata, ko diŋit kata nagon pepenarikin ŋurupö i pirit na geleŋ;diŋit kalapet na mugun kata, ko diŋit kata nagon ’bayin a kalapet na mugun;

⁶ diŋit galet kata, ko diŋit tolikietkata; diŋit ’delet kata, ko diŋit kata nagon gubarikin kaŋo;

⁷ diŋit kerenyet kata, ko diŋit ripet kata; diŋit nagon yiparikin taliŋ kata, ko diŋit jamet kata;

⁸ diŋit nyaret kata, ko diŋit manet kata; diŋit na gor kata, ko diŋit na taliŋ kata.

⁹ Kakite ŋona ryeju ’bulit a nyo i kita nanyit?

¹⁰ Nan aje met kitajin nagon ŋun aje tin ŋutu anyen kikitari kune.

¹¹ Nye aje tetendya ŋo liŋ kwekwelen i diŋitan kase; köti nye aje tindu ŋutu denesi anyen yeyeji kulya ti köju kunu se ko ti molu, kölumbö a tine jukin denundya kapo po nagon ŋun aje kon suluja i suluet tojo ko ’dutet kune.

¹² Nan a den adi nene ŋo ’bayin nagon a na ’but ko lepeŋat lwölwöŋ kine adi se ködyö lyöŋi lyöpön ko ti si ’dani ’bura gwoso na gwiliŋgi se na;

¹³ köti adi a ’doket nagon ŋun a ’doggi ŋutu adi ti ŋutu liŋ ködyö nyesi nyesu ko ti möji möju, ko ti lyölyöpine lyölyöpi i kitajin kase liŋ.

¹⁴ Nan a den adi ŋo liŋ nagon ŋun kökon kune yeyeŋon ŋupi; a nene ŋo gwe ’bayin nagon ’yalaki nyin, kode ’dume kaŋo kata; Ŋun aje kon kine ŋo sona, adi anyen ŋutu ködyö kukujönö kanyit i komor.

¹⁵ Ŋo nagon soŋinana kata na köju ’beron gwon kata, a ŋo nagon molu popo köju ’beron gwe kata, a Ŋun ga ’yi ŋo nagon aje riköji.

Ŋo ti na gwiliŋit a ko ’duŋoki gwogwo

¹⁶ A nan koti iŋge met adi i ŋo nagon kitarikin i kak ni toron kata i pirit nagon ködyö putesi ’duŋoki gwogwo, ko koti adi toron kata i pirit nagon ködyö a na loti lo rigwo.

¹⁷ A nan kulyani koyo i toili adi, ŋun mo ’duŋgo putet lo ŋuto lo rigwo se ko lo ŋuto loron; kogwon diŋit kata a na ŋo liŋ ko a na kitajin liŋ.

¹⁸ nan kulyani koyo i toili i kulya ti ŋutu adi ŋun tetem se anyen kwekindya se adi se ko ’borik gwoso kijakwa.

¹⁹ Kogwon ŋo nagon ’dukin i ŋutu kune a ŋo nagon ’dukin i kijakwa koti; gwoso na twaji ŋutu na a kijakwa twatwane twatwa koti. Lepeŋat liŋ yuyukan kobuŋot, a ŋutu tine Iwoŋ kijakwa; kogwon se liŋ a köpuröt kana.

²⁰ Se liŋ tu i pirit geleŋ; se liŋ a ti ŋutut, a se liŋ koti mo worani a ŋutut.

²¹ ŋa lo dendya kode ŋona kodudwo na ŋuto tu ki a na kijakutat iti kak i kujoŋ?

²² Nyena a nan meddi adi nene ŋo ’bayin na ’but Iwolwoŋ nagon adi ŋuto ködyö lyolyoŋi ko kita nanyit, kogwon Ŋina a ŋo nagon a koraki lepeŋ; ŋa logon bubulo jondya lepeŋ i meddya na ŋo nagon mo gwe kanyit i mukök kune?