Eyobo 2 - Bibilia Buk na Ŋun nagon koti luŋu a

¹ Lor lele koti ŋwajik ti Ŋun a momoraddu i jambu na kulya ko MATAT i komor, a Satani koti lo ’duröki kase kiden.

² A MATAT pipije Satani adi, Do po ya? A Satani nyobbi adi, Nan woro abur i swötön liŋ ti kak.

³ A MATAT pipije Satani adi, Do ŋona a timun koliponit liŋ Eyobo? Lele ŋuto ’bayin i kak ni gwoso lepeŋ. Nye a ŋuto loke ko a lo rigwo, ko kukujono nan ko maman kulya narok. Lepeŋ nyuŋ ’depakiŋdya go i ’busan nanyit, ma ’di do kodyo a jujukin nan i tukaŋu na lepeŋ ’bak kwe na kulya.

⁴ A kirut Satani waddi MATAT adi, ŋo liŋ kitarikin ko ropet! Ŋuto mo tiŋdu ŋo kanyit liŋ i lwöggu na ru nanyit.

⁵ Ama soŋinana rioro könin ilot i konakiŋdya na mugun nanyit nene ŋo, kweja adi kuyu ko lokore, a nye mo lombi do a lokomor.

⁶ A MATAT kulyani ko Satani adi, Mete, nye gwon konut i könisi; ama ka ’de kölöki ru nanyit.

⁷ A kirut Satani ŋiörö kaŋo ko MATAT i komor a gwuddye Eyobo ko ’dikasin narok na wowon, suluja i ’dapan tojo ko jurku ’diet.

⁸ A Eyobo ’dumuŋdye ta ’dök na gwalaka, a goddi mugun na si ’dani lepeŋ i kurök ti kamaŋ nu.

⁹ A kirut narakwan nanyit pipije lepeŋ adi, Do nyuŋ ’depakiŋdya go i ’busan inot le? Lombi Ŋun anyen do twatwan!

¹⁰ Ama a nye waddi lepeŋ adi, Do jambu gwoso ŋuto na mamala. Koyi a wuju ŋo na ’but ko Ŋun i könin, a yi kodyo tine wuju ŋo narok koti le? I kine ŋo liŋ Eyobo a ko toroŋdya i jamesi kanyit.

¹¹ A nagon julin musala ti Eyobo logon a ko Elipaja lo po Teman, ko Biladada lo po Suak, se ko Sopar lo po Nama ko yiŋge ŋo narok liŋ nagon a pokin ko lepeŋ ki kunu, a se liŋ ŋine ŋien kase i piritön, a se torukoki anyen tu i delya ko i sugga na lepeŋ.

¹² A na meddi se lepeŋ pajo nu a se tine gwulu lepeŋ; a se luluoddi ki, a kekereŋdi boŋgwat kase muisi, a raddi kurök ki kase i kusik.

¹³ A se si ’dani kak lo lepeŋ yu perok buryo, a lele ŋuto gwe ’bayin lo jambu ko lepeŋ; kogwon se a met adi lepeŋ ŋoŋoŋga parik.