Epeso 6 - Bibilia Buk na Ŋun nagon koti luŋu a

Ŋwajik ko kayuŋwök kase

¹ Ta ŋwajik, twöji ta kayuŋwök kasu koŋwon ködyö a na ’but i koŋdya sona ko Matat likaŋ i mugun.

² Saret togeleŋ logon ruköki ’e ŋuro ŋo na ’but i pirit na geleŋ lo kulya adi, Bule bu munyi se ko ŋuti,

³ anyen kulya kunök mo gwon ’bura, a do mo gwolore gwolor diŋit a najo i na kak.

⁴ Ta komorye, ko tomijö ta ŋwajik kasu ko kulya an se woran, ama wowoji ta se ko tojumisi se ko jujuwesi na po ko Matat likaŋ.

’Dupi ko komorye kase

⁵ Ta ’dupi, twoji ta komorye kasu ti na kak ko kujönö se ko böboŋdu, kitakiŋdye ta se ko toili geleŋ gwoso nagon ta kodyo kitakiŋdye Kristo na.

⁶ Kitani ta kita ti gwon anyen komorye kasu memet a lyoŋi lyöŋön, ama kitani ta gwoso ’dupi ti Kristo i koŋdya na ’deket na Ŋun ko toilyet kasu liŋ,

⁷ kitani ta ko lyoŋön gwoso nagon ta kitakiŋdye Matat likaŋ ti gwon a ŋutu na.

⁸ Ta deden adi, Matat mo ropakiŋdya ŋutu liŋ ŋo na ’but nagon se a kon kune kode se a ’dupi ko luŋa a lui.

⁹ Ta komorye kita, konaki ta lepeŋat sona köti. Kölöki ta woŋon ko se ko kulyaesi tokujönöesi. Dene ta den adi ta se ko lepeŋat Duma losu lu ki yu. Lepeŋ ti gwon a kanyunyumönit lo ŋutu.

Jupukiŋdye ta tito liŋ ti Ŋun moriesi

¹⁰ Kune gwe a kulya ti ’dutet, adi, Gwe ta a iŋgo ko Matat likaŋ i mugun, togo ’yi ta ’börik ko riŋit nanyit.

¹¹ Jupukiŋdye ta tito liŋ ti Ŋun nagon a moriesi, anyen ta bubulo gwo ’dan go i mumulukesi ti ŋilo kaobonit.

¹² Kogwon yi ti moro ko merok logon a ŋutu, ama yi moro ko merok logon a teŋon ti muloko ti toron lo gwon ki yu i jur logon ti meta; kilo merok a kimak ko a kasarak ko a riŋiton lo joŋdya mudwe i na kak kilo.

¹³ Nyenagon morgi ta tito lio ti Ŋun nagon a moriesi, anyen ta bubulo teŋgu merok i lor loron lu, a nagon ta aje moro i ŋo liŋ nu a ta nyuŋ gwo ’dan go.

¹⁴ Nyenagon ta kodyo gwo ’dan a doggu mukökö kasu ko kulya ti to ’diri, ko a jupukiŋdya loti lo rigwo a witi gayet na kido,

¹⁵ ko a sukiŋdyö Loŋe Lo ’but lo taliŋ a kamuka.

¹⁶ I kine ŋo liŋ, morgi ta yupet a ’buku, anyen ta bubulo gaju ’borik i peŋga na loya liŋ logon a kimaŋ kulo ti ŋilo loron.

¹⁷ Moggi ta lwökt a gayet na kwe, morgi ta kulyaet lo ŋun a baŋdu moriet logon Mulökö tyo Loke a tikin ta lo.

¹⁸ Kwakwaddi ta i diŋitan liŋ, momo ’yi ta momo ’yu i riŋit na Mulokotyo Loke. Gwe ta ko konyen ŋa, ko dara ta i mumulukiŋdyo na ŋutu liŋ ti Ŋun.

¹⁹ Koti momo ’yi ta i kulya kwe, anyen Ŋun böŋö tiŋdu nan i jambu na kulyaesi lotolokok, anyen nan gwon ko topurwan i tiŋdu na Iwono ti Loŋe Lo ’but i dena.

²⁰ Nan a luyökie lo ŋilo Loŋe Lo ’but ma ’di nagon nan a rereka ko toŋot. Momo ’yi ta anyen nan boŋo tokujö Loŋe Lo ’but a purutat gwoso nagon nan ködyo totokuje na.

Romesi ti ’dutet

²¹ Tukiko luŋaser lo nyanyara ko a kakitanit lo yiyiniki ko Matat likaŋ i mugun lo, lepeŋ mo tatakin ta kulya kwe liŋ anyen ta boŋö deden ko nan gwon ada.

²² Ko ŋina kwe nan aje sonyoro lepeŋ kasu ŋini, anyen ta boŋo deden koyi gwon ada, ko anyen nye boŋo togo ’yu toilyet kasu.

²³ Ti ŋun Monye se ko Matat Yesu Kristo tiŋdi luŋasirik liŋ lo yubbo kilo taliŋ ko nyaŋu se ko yupet.

²⁴ Ti ’busan gwe ko ŋutu liŋ logon nyanyar Matat likaŋ Yesu Kristo ko nyaŋu nagon ti bulö ’duddyö na.