Ejira 10 - Bibilia Buk na Ŋun nagon koti luŋu a

ŋutu a paju wate nagon a ti kulye jurön se ko ŋwajik kase

¹ A nagon Ejira nyuŋ kwakwaddu nu ko tutuggö toronjin, a lepeŋ gwine gwien a gumbe mugun kak i komor na kadi na Ŋun, a lodir duma parik lo ŋutu ti Yisaraele, lulyan ko nawate ko lupudiet momoruŋdye ko lepeŋ ni gwigwiun parik.

² A Sekania ŋuro lo Yekiele lo nyakwariat ti Elam suluje jambu ko Ejira adi, Yi a lauŋdya Ŋun likaŋ i yemba na wate nagon ’bayin a gweyari nikaŋ nagon a ti kulye juron, nyena ma ’di yi a koŋdya kine kulya, sopinana kötumit na Yisaraele nyuŋ kata ko yenet.

³ Nyenagon ti yi koŋdi ta tomoret ko Ŋun likaŋ anyen yi paju kine wate liŋ ko ŋwajik kase, gwoso i jujuwet inot pon duma lio, ko gwoso i jujuwesi ti ŋutu logon kukuk saret lo Ŋun likaŋ kilo; ko ti konani gwoso i saresi.

⁴ Nyena ŋine ki, kogwon ŋina a kita inot, koyi köti kilo töggu do; gwe do a iŋgo ko kitani kita.

⁵ Nyena a Ejira ŋine ki a tiŋdi temejik ti koanejin ko Lewijin ko Yisaraele liŋ i milyeju anyen se ködyö koŋdya gwoso na jamarikin na. A kirut se milyeji milyeju.

⁶ A Ejira wuddye wuddya i komor na kadi na Ŋun a iti ko Yokanan kadi ŋuro lo Eliasiba, a lepeŋ iŋge doto nyu a ko nyesu nene ŋo ma ’di ambata kode möju na pioŋ; kogwon lepeŋ gwon ko durwe a kwe na kulya ti ŋutu lo yitwe i to ’dupien logon a kalaak.

⁷ A lalyet iŋge kona i jur lo Yuda ’bukuluŋ ko Yerusalema ko ŋutu liŋ lo yitwe i to ’dupien kulo anyen lepeŋat ködyö momora Yerusalema,

⁸ adi ko lele ŋuto a ko po i kilo perok musala gwoso i saret lo ŋutu temejik ko lokukwön, a ti toro ’bo kanyit liŋ mokani moka, a lepeŋ ko mugun nanyit gelajine kaŋo i kiden na ŋutu logon aje yitwe i to ’dupien kulo.

⁹ Nyena a ŋutu ti Yuda ko ti Benya­mina liŋ momoruŋdye Yerusalema i perok musala; ŋilu a lor tomerya murek lo yapa tobuŋwan. A ŋutu liŋ si ’dani kaŋo i komor na kadi na ŋun, böböŋdu ko kine kulya, köti kogwon kudu ’do ’don a duma parik.

¹⁰ A koane Ejira gwo ’de gwo ’dan a kulyani ko lepeŋat adi, Ta aje lyapara i kiko loron i yemba na wate nagon ’bayin a gweyari nasu, a iŋge ’ya ’yu toron na Yisaraele.

¹¹ Nyenagon tuköki ta toro­ njin kasu ko MATAT ŋun lo merenyejin kasu, ko koŋdi ta gwoso ’dekesi kanyit; koru ta ’börik kaŋo i ŋutu ti kilo jurön se ko wate nagon ’bayin a gweyari nasu kine.

¹² A kirut lodir lo ŋutu liŋ rupe ruggö ko gworolo lobot parik adi, Ti gwe sona; ti yi koŋdi gwoso na kulyari do ŋina.

¹³ Ama ŋutu kata jore parik, köti kudu a duma i na diŋit; yi ti bulö gwo ’dan kaŋo. Kine kulya ti bulö tetena i lor geleŋ kode i perok murek; kogwon yi a giran parik i kine kulya.

¹⁴ Ti temejik kaŋ ködyö gwo ’de i pirit na lodir liŋ; a ŋutu liŋ ti köjinö kaŋ logon a yemba wate nagon ’bayin a gweyari nikaŋ kulo ti se ködyö poŋdi i diŋit nagon a wulwe, nyönyömwe ko ŋutu temejik se ko ka ’dupök ti köjinö ka ’de ka ’de, tojo woran na pape na ŋun likaŋ i kine kulya a löpuköddu kaŋo kayaŋ.

¹⁵ A Yonatana ŋuro lo Asaele ko Yakejeya ŋuro lo Yikewa ka ’de lo renyani kine kulya, a Mesulam ko Sabeta i Lewityo lo töggi se.

¹⁶ Nyena a ŋutu lo yitwe i to ’dupien kulo koŋdi sona. A koane Ejira wuluŋdye kusik ti kötumitön ti merenyejin gwoso a ’dinya i kötumitön ti merenye­jin kase ka ’de ka ’de. A lepeŋat si ’dani kak i ga ’yu na kine kulya i lor lo kokwe lo yapa topuök;

¹⁷ a i lor geleŋ lo yapa togeleŋ, a se iŋge tutuŋgö ga ’yu ŋutu liŋ logon a yemba wate nagon ’bayin a gweyari nase kulo.

¹⁸ A i kiden na koanejin, ŋutu logon a yemba wate nagon ’bayin a ti gweyari nase kulo iŋge rye. Karin kase a ko Maseya, ko Eliejer, ko Yariba, ko Gedalia. Kilo ŋutu a ti nyakwariat ti Yesu a ŋuro lo Yosadak ko luŋasirik kanyit.

¹⁹ A lepeŋat iŋge ruggö paju wate kase, a se wukiŋdye lopijot duma lo teŋ a rubaŋga lo toron nase.

²⁰ A i nyakwariat ti Imer, ŋutu logon a rye kulo a ko Kanania se ko Jebadia.

²¹ A i nyakwariat ti Karim, ŋutu logon a rye kulo a ko Maseya, ko Eliya, ko Semaya, ko Yekiele, se ko Ujiya.

²² A i nyakwariat ti Pasur, ŋutu logon a rye kulo a ko Elionai, ko Maseya, ko Yisamaele, ko Netanele, ko Yojabada, se ko Elasa.

²³ A i kiden na Lewijin, ŋutu logon a rye kulo a ko Yojabada, ko Simei, ko Kelaya (ŋilo a Kelita), ko Petakia, ko Yuda, se ko Eliejer.

²⁴ a i kiden na kayolok, ŋuto logon a rye lo a Eliasiba. A i kiden na katiyuk ti kotumiton, ŋuro logon a rye kulo a ko Salum, ko Telem, se ko Uri.

²⁵ A i kiden na Yisaraele, i nyakwariat ti Parosa, ŋutu logon a rye kulo a ko Ramia, ko Yijiya, ko Malekiya, ko Miyamin, ko Elejara, ko Malekiya, se ko Benaya.

²⁶ A i nyakwariat ti Elam, ŋutu logon a rye kulo a ko Matania, ko Takaria, ko Yekiele, ko Abedi, ko Yeremot, se ko Eliya.

²⁷ A i nyakwariat ti Tatu, ŋutu logon a rye kulo a ko Elionai, ko Eliasiba, ko Matania, ko Yeremot, ko Tabada, se ko Ajija.

²⁸ A i nyakwariat ti Bebai, ŋutu logon a rye kulo a ko Yeyokanan, ko Kanania, ko Tabai, se ko Atelai.

²⁹ A i nyakwariat ti Bani, ŋutu logon a rye kulo a ko Mesulam, ko Maluk, ko Adaya, ko Yasuba, ko Seala, se ko Yeremot.

³⁰ A i nyakwariat ti Pakat-moaba, ŋutu logon a rye kulo a ko Adena, ko Kelala, ko Benaya, ko Maseya, ko Matania, ko Besalela, ko Binui, se ko Manase.

³¹ A i nyakwariat ti Karim, ŋutu logon a rye kulo a ko Eliejer, ko Yisiya, ko Malekiya, ko Semaya, ko Simasona,

³² Benyamina, ko Maluk, se ko Semaria.

³³ a i nyakwariat ti Kasum, ŋutu logon a rye kulo a ko Matenai, ko MATAT a, ko Tabada, ko Elipelet, ko Yeremai, ko Manase, se ko Simei.

³⁴ a i nyakwariat ti Bani, nutu logon a rye kulo a ko Madai, ko Ameran, ko Uele,

³⁵ ko Benaya, ko Bedeya, ko Kelui,

³⁶ ko Wania, ko Meremot, ko Eliasiba,

³⁷ ko Matania, ko Matenai, se ko Yasu.

³⁸ A i nyakwariat ti Binui, ŋutu logon a rye kulo a ko Simei,

³⁹ ko Selemia, ko Natana, ko Ada­ya,

⁴⁰ ko Makenadebai, ko Sasai, ko Sarai,

⁴¹ ko Ajarele, ko Selemia, ko Semaria,

⁴² ko Salum, ko Amaria, se ko Yosepa.

⁴³ A i nyakwariat ti Nebo, ŋutu logon a rye kulo a ko Yejele, ko Matitia, ko Tabada, ko Jebina, ko Yadai, ko Yoele se ko Benaya.

⁴⁴ Kilo liŋ a ŋutu logon a yemba wate nagon ’bayin a gweyari nase, a se paji lepeŋat se ko ŋwajik kase.