Delyasi 3 - Bibilia Buk na Ŋun nagon koti luŋu a

Ŋutu yeŋdu lwökö i yatet na Ŋun

¹ Nan a ŋuto logon aje tomie parik i ’bitö ko ture lo woran na MATAT.

² Lepeŋ a jikörö nan a kölökiŋdye nan i wörö i mudwe logon ’bak parara.

³ ’Diri nye a mörö ko nan daŋin jore i lor ’bukuluŋ.

⁴ Nye aje tosogga nan a ’böriköt lio iŋge ruruŋga, a nye iŋge ’be ’beleŋgu kuyu kwe;

⁵ nye aje tumba ko aje lopakiŋdya nan kiden ko kulya na pötwör se ko daraesi.

⁶ Lepeŋ a tikin nan si ’da i mudwe gwoso ŋutu logon köju a ’beron twatwa.

⁷ Lepeŋ a ririkakin nan kiden anyen nan gwon ti bulö rwöddu; a nye iŋge rerek nan ko toŋot lo pömöni;

⁸ ma ’di ködyö ko nan a gwien parik a luŋgi luŋgu anyen nan paparaki, ama a nye iŋge kinikin kwakwasesi kwe kaŋo;

⁹ lepeŋ aje teŋgu kikolin kwe ko ŋurupö lo tuturu, a nye iŋge tukwölöŋgu gwokiot kwe.

¹⁰ Lepeŋ a domba nan gwoso gworoŋ, nye a ’dana gwoso kömiru i domba na nan;

¹¹ lepeŋ aje togirara nan kaŋo a kereŋdi nan ka ’de ka ’de, a nye iŋge kölökin nan ka ’de.

¹² Lepeŋ aje rokuŋdya daŋ nanyit a lisaŋdi nan;

¹³ a nye tu ’ye puleŋa kwe ko loya lo ’dutwe kanyit i gwolo.

¹⁴ Ŋutu liŋ ti jurön kwekweni ’e nan, a yoloni kölisi ’dö ’döyösi perok liŋ.

¹⁵ Lepeŋ aje toyimönöju nan ko delyaesi na pötwör, a nye iŋge tomeŋa nan ko lo ’bur-tölöŋ.

¹⁶ Lepeŋ aje ’be ’beleŋgu kala kwe ko torok, a bubuddye nan ko kurök ti kimaŋ;

¹⁷ taliŋ aje tu kaŋo pajo köyö, a nan iŋge böŋö si ’da ko lyöŋön.

¹⁸ Nyena a nan kulyani adi, Riŋit nio gwe ’bayin, köti yenet nio na yeŋdi nan MATAT na aje ’baka.

¹⁹ Yeyene yeye sasanyesi kwe ko delyaesi kwe nagon pötwör gwo so lo ’burtölöŋ ko gwoso kisum kune.

²⁰ Töili lio ŋupi yeyeju se, a rorö-kara kak köyö lukata.

²¹ Ama nan a yiyiun kine ŋo a nan gwe ko yenet adi:

²² MATAT ti kö ’yu nyaŋu ŋutu ko nyaret nanyit nagon ti ’duddyö kwöŋ, a won nanyit na konyen tine ’duddyö kwöŋ;

²³ a gwe a ludukö temba i ko ’bure; lepeŋ a lo to ’diri parik.

²⁴ A nan kulyani adi, MATAT gwon a tukwörien nio, nyena a nan yeŋdi lepeŋ.

²⁵ MATAT a lo ’but i ŋutu logon möŋdu lepeŋ kulo, nye a lo ’but i se liŋ logon ga ’yu lepeŋ.

²⁶ Ködyö gwon a na ’but ko ŋuto gwon ko taliŋ i möŋdu na MATAT anyen MATAT lwöggu lepeŋ.

²⁷ Köti gwon a na ’but ko ŋuto tojumu ko ŋo nago i toteton nanyit gwoso ŋuto lo ’doggu gwu-luŋi.

²⁸ Ti lepeŋ si ’dani geleŋ ko ti gwe taliŋ i diŋit nagon MATAT aje sobba lepeŋ ko ŋilo gwuluŋi nu;

²⁹ ti lepeŋ dulaki kutuk nanyit i kujöŋ, kode ŋona yenet na lwökö nyuŋ gwon kata;

³⁰ ti lepeŋ löpuköki kagwutönit ŋebi lonyit, anyen ’dö ’döyö a tömönik.

³¹ Kogwon MATAT ti renya ŋutu kanyit ŋupi,

³² nyena ma ’di nagon nye totomöŋ ŋutu, ama nye wowon konyen ko se gwoso nagon nyaŋu nanyit a duma nagon ti ’duddyö kwöŋ na;

³³ kogwon lepeŋ a ko ’dekan topo-ŋga ŋutu kode tomöŋ se.

³⁴ Nye ti ’bön ŋutu ti jur lo rereka kilo i ryokaki kak;

³⁵ Nye ti ’bön ŋuto i dukaji a swöt logon joŋdya putet lonyit i yiŋa ko Katoŋanit lo ki liŋ i komor;

³⁶ nye ti ’bön ŋuto logon ko kulya anyen tutukwölöŋö i putet— MATAT ti ’bön ŋo gwoso kine asut.

³⁷ ŋilo a ŋa lo jambu adi ti nene ŋo konani kona a iŋge kona, ko MATAT a ko tiŋdu saret?

³⁸ ŋo na ’but ko narok a ko lupu-ŋdyö ko Katoŋanit lo ki liŋ i kutuk le?

³⁹ Ko nyo ŋuto lo gwon jörun ködyö wiwinya? Nyo ŋuto logon a katoronyanit wiwinya?

⁴⁰ Ti yi gale ta ga kikolin kaŋ ko ti yi teme ta tem se, ko ti yi löpukuŋdye ta ko MATAT ni!

⁴¹ Ti yi ’biluddi ta töilyet kaŋ ki ko Ŋun lo ki yu i mamanyaddu ko könisi kaŋ adi,

⁴² Yi aje toroŋdya aka ko aje renya do, a do gwe a ko pitökiŋdyö yi.

⁴³ Do aje jupukiŋdya woran gwoso boŋgo, do a rikuŋdyö yi i mukök, a tatuje yi ’bak yatet;

⁴⁴ do aje jupukiŋdya ’diko a kwasesi kaŋ tine yeŋga konut yu.

⁴⁵ Do aje tiŋdu yi a tumi ko a korodo i kiden na gweyajin ti ŋutu.

⁴⁶ Merok kaŋ aje ŋaju kutusen kase a nagalaŋak i ’dö ’döju na yi.

⁴⁷ Kujönö, ko meyi, ko tukara, ko körit aje ’dukin kayaŋ loki.

⁴⁸ A konyen kwe ’buŋge a politan gwoso karya kogwon kö ’disi ti ŋutu kwe tutu-kara.

⁴⁹ A konyen kwe ’buköjine a politan a tine goggu, ama a se won a ’döri,

⁵⁰ tojo MATAT ki yu a ku ’diluŋdyö kak i meddya na kine kulya.

⁵¹ Konyen kwe mimien kogwon nan a gwien parik i kulya ti kö ’disi liŋ ti köji nio.

⁵² Ŋutu logon a ŋisa ko nan ’bak kwe kulo a riköddu nan gwoso kwenti;

⁵³ a se gubaddi nan jörun i dili, a gumbe ŋurupö köyö loki;

⁵⁴ a pioŋ muluje kwe nio; a nan luluje adi, Nan kakaran.

⁵⁵ A nan luŋgi karin kunok i dili nagulu pon MATAT,

⁵⁶ a do iŋge yiŋ nan i gwien; boŋo an do ko ’dija swo kulok i diŋit nagon nan gwi paraki na.

⁵⁷ Do a mijun koyo nyona i diŋit na luŋgi nan do nu; a do iŋge kulya adi, Ko kujono.

⁵⁸ Do a juŋdyo kulya kwe i putet pon MATAT, a do iŋge lwokuŋdyo nan.

⁵⁹ Do aje met ŋonyan nagon kona-ki nan na pon MATAT, ti do ’duŋge putet lio.

⁶⁰ Do a met manesi kase liŋ ko ŋo lio nagon se a teten i mwon ko nan kune.

⁶¹ Do aje yio ’dö ’döyösi kase pon MATAT, se ko liŋ lio nagon se a teten i mwon ko nan kune.

⁶² Do aje yio jamesi ko yeyeesi ti kaŋisak kwe nagon pisarikin nan tuparan lio kune.

⁶³ Lepeŋat yolo ’do ’doju nan kode se sisi ’da kode ŋien ki.

⁶⁴ Ropaki se toronjin kase pon MATAT, gwoso i konesi kase.

⁶⁵ Tiki lepeŋat toilyet iŋgo, ti lomit inot ’duki kase loki.

⁶⁶ Rikoddi se i mukok ko woran, ko tukare lepeŋat kaŋo i na kak adi sit pon MATAT.