Amosa 3 - Bibilia Buk na Ŋun nagon koti luŋu a

Kita na nebi a nyo

¹ Ta ŋutu ti Yisaraele, yiŋge ta kulyaesi logon nan MATAT aje jamakin ta arabat i kulya ti ŋutu ti jur losu ’bukuluŋ, logon nan a jon kaŋo i jur lo Ejipeto kulu.

² Ta ka ’de logon nan aje den i kiden na juron liŋ ti kak, nyenagon nan mo ririŋ ta kogwon kulya ti toronjin kasu lio.

³ ŋona ŋutu murek jöjölö i pirit na geleŋ ko se a ko torukökin ko ’borik le?

⁴ Komiru ŋona rurumon i rudu ko nye a ko ryo lokore? Komiru titinti ŋona wuwuŋun kaŋo kanyit i kuggi ko nye a ko morga nene ŋo?

⁵ Kwenti ŋona susu ’duki i pata loket na gwon kak ko kinyo lokesi ’bayin logon lokari lepeŋ? Loket ŋona wiwisaddu ki ko a ko morga nene ŋo?

⁶ Ko ŋuto kuddya tore köji, a ŋutu ŋona gwe ti kujono le? A ko kulya narok a ’dukin köji, ŋina ŋona ’bayin a kita na MATAT le?

⁷ ’Diri gwak MATAT ŊUN ti koŋdya nene ŋo ko a ko kwekin wono kanyit i kölipönök kanyit logon a nebijin.

⁸ Ŋa logon gŋgo kujono ko komiru a rumön? Koti lon nebi logon teteŋ mugun i tokuoddu na kulya ko MATAT ŋun aje jambu? koti layiara ta se i kadijik ti Ejipeto ti tumatyan;

Kulya narok nagon pokin Samaria Layiara ta kine kulya i kadijik ti Asedoda ti tumatyan,

⁹ kulyani ta adi, Ti ŋutu momoruŋdye i loki na merya ti Samaria, ko ti se meddi woŋon duma na ŋutu se ko rudesi na kona i lukata na köji.

¹⁰ MATAT a kulya adi, kilo a ŋutu lo ’de ’ya ’bulit nagon se a ryöun i ŋonyan ko i ryaggu, a tiŋdi se i kadijik kase ti tumatyan kilo, lepeŋat a ko den koŋdya ŋo nagon a na ’but.

¹¹ Nyenagon MATAT ŋun lo kulya adi, Miriku mo tutum jur losu, a piritön kasu nago na titiyu mo dukakine kak, a kadijik kasu ti tumatyan mo ryakani ryaka.

¹² MATAT lo kulya adi, ŋutu ti Yisaraele logon si ’da Samaria i dotoesi nakwekwelen ko i loki na boŋgwat namunyak kilo ku ’dik kase mo lwölwökwe ka ’de, gwoso na lwökuŋdye kayukunit mokosi ti kine ko pitönö lo swöt i kutuk na kömiru na.

¹³ MATAT ŋun logon a ŋun lo kurumi lo kulya adi, Tiŋdi ta swö kasu i yiŋga ko tokuruki ta kine kulya narok i kötumit na Yakobo,

¹⁴ adi, i lor logon nan ririŋ ŋutu ti Yisaraele kogwon toronjin nagon se a kon aka kune, a nan mo konakiŋdye piritön ’yuresi ti rubaŋgajin na gwon Betele yu kune nene ŋo; nan mo totok oŋgwora ti kine piritön ’yuresi ti rubaŋgajin a se mo ’do ’done kak.

¹⁵ Nan mo kökör kadijik nagon ta si ’da kata i diŋit nagon kak lilik se ko i diŋit nagon kak yuyuk, a kadijik na tokwelenyo ko kala ti tome mo koröni körö, a kadijik dumalak mo ’duddye ’duddyö. Kilo a kulyaesi kwe ti MATAT.