2 Yoane 1 - Bibilia Buk na Ŋun nagon koti luŋu a

Romesi

¹ Nan temejiktyo roman ko do ŋuto duma nagon Ŋun a wulun na, se ko ŋwajik kulok logon nan nyanyar i kulya ti to ’diri kilo—ti gwon a nan ka ’de ama köti se liŋ logon deden kulya ti to ’diri kilo nyanyar ta.

² Yi nyanyar ta kogwon kulya ti to ’diri nagon gwolor kayaŋ i mugunya na, a mo gwe koyi ŋupi.

³ Na gwoŋdi yi i kulya ti to ’diri ko i nyaŋu kata na, a yi gwe ko ’busan, ko yatet, se ko taliŋ na po ko Ŋun Monye na po ko Yesu Kristo Ŋuro lo Ŋun Monye.

Gwolore ta i kulya ti to ’diri ko i nyaŋu

⁴ Nan a lyoŋon parik i ryeju na kulye ŋwajik kulok logon gwolor i kulya ti to ’diri, gwoso nagon Ŋun Monye a sarakiŋdye yi na.

⁵ Nyena, soŋinana nan mo ’yu do pon ŋote nikao, ’bayin gwoso nan wurokiŋdyo do saret ludukotyo, ama a saret logon yi aje wu i suluwa lo, adi yi ködyo tutunyar ko ’borik.

⁶ Nyaŋu gwon sona adi, yi ködyö gwolor i saresi kanyit. Ŋilo a saret logon ta aje yiŋ i suluwa lo adi, Gwolore ta i nyaŋu.

⁷ Kamumulukak jore aje rekin i na kak. Kilo ŋutu ti ruggö adi Yesu a Masia logon a po i na kak a ŋuto. Ŋuto lo kulya sona lo a kamumulukanit ko a ŋilu Miriku lo Kristo.

⁸ Kunyar ta ’börik anyen ta böŋö gwon ti tolikiŋdyö ŋo bo nagon yi a kitari kine, anyen ta böŋö wuju ropet a duma.

⁹ Ŋuto logon a jalatara ŋerot a gwe a ko ’depakiŋdya i todinesi ti Kristo lo, lepeŋ ’bak Ŋun. Ama nye logon ’depakiŋdya go i todinesi ti Kristo lo, lepeŋ kata ko Ŋun Monye se ko Ŋuro lonyit.

¹⁰ Ko lele ŋuto a tu kasu Ŋini a gwe a ko jakiŋdya ta kine todinesi, an ta ko wuju ta lepeŋ kasu midi, koti ko roman ta ko lepeŋ.

¹¹ Kogwon Ŋuto lo roman ko nye lo paruŋdya konesi kanyit narok.

Kulyaesi ti ’dutet

¹² Nan kata ko kulya jore nagon nan ’dek wurökiŋdyö ta, ama nan ti ’bön wuŋö i waraga ko iŋka. Ama nan yeŋdu tu i ’yö ’yu na ta anyen jambu ko ta a lokomor, anyen lyöŋön nikaŋ böŋö tetemakiŋdya.

¹³ Ŋwajik ti kiösur nagon Ŋun koti a wulun na a roman ko do.