2 Samuele 8 - Bibilia Buk na Ŋun nagon koti luŋu a

Dawidi a morga kulye juron

¹ A ko gwe sona i mukök na ŋina, a Dawidi te ’yi ŋutu ti Pelesete, a tiŋdi se gwe ’bak riŋit, a Dawidi ri-puŋdye Metege-ama i könisi ti ŋutu ti Pelesete.

² A Dawidi te ’yi ŋutu ti Moaba, a tiŋdi se i peron kak, a tembi se ko pata; a lepeŋ temuŋdye kikolin murek logon tatatua ko kiko geleŋ ’bukuluŋ logon pipitoki. A ŋutu ti Moaba gwe a ’dupi ti Dawidi a ’bukokiŋdye lepeŋ usur.

³ A Dawidi koti te ’yi Adadejer ŋuro lo Rekoba, mor lo Soba, na tiri nye i nyoggu na togwi ’dikiŋdya na ŋurupit nyona ko kare Perat a toyeyeet lo te ’ya nanyit nu.

⁴ A Dawidi iŋge riŋuŋdya ko lepeŋ kamorok lo woro ko kusanjin aliŋ geleŋ ko miajin buryo, ko kamorok lo woro ko mok aliŋan merya murek; a Dawidi ’duŋge ludaŋin ti kusanjin liŋ kajikok ti arabiajin, ama a kölö-kiŋdye logon tetemakiŋdya i jiggo na arabiajin mia geleŋ.

⁵ A nagon ŋutu ti Suria na Damaseke ko poŋdi i para-kiŋdya na Adadejer mor lo Soba nu, a Dawidi rembi ŋutu ti Suria aliŋan merya murek wot murek.

⁶ A Dawidi tiŋdi kamorok i si ’da Aram na Damaseke; a ŋutu ti Suria gwe a ’dupi ti Dawidi, a ’bukokiŋdye lepeŋ usur. A MATAT tiŋdi Dawidi a katelanit temba i piriton liŋ na tiri nye kunu.

⁷ A Dawidi momorgi ’bukwo nagon a dakap nagon a ti köliŋönök ti Adadejer, a joŋgi se Yerusalema.

⁸ nior Dawidi iŋge morga mölwö a duma parik Betak ko Berotai nagon a köjinö ti Adadejer.

⁹ A nagon Toi mor lo Kamat ko yiŋge adi Dawidi aje te ’ya kamorok liŋ ti Adadejer nu,

¹⁰ a Toi sonyoddi ŋuro lonyit Yorama ko mor Dawidi yu anyen roman ko lepeŋ, koti anyen puŋ a lepeŋ kogwon nye aje moro ko Adadejer ko aje te ’ya lepeŋ; kogwon Adadejer a ka ’do ’dolanit lo Toi. A Yorama baraddi tito nagon a pödö, ko a dakap ko a mölwö.

¹¹ A mor Dawidi wukiŋdye kine ŋo köti ko MATAT mora ko pödö ko dakap nagon a ti juron liŋ logon nye a te ’ya kulo,

¹² kwe-ja adi ko Edom, ko Moaba, ko ŋutu ti Amon, ko ti Pelesete, ko ti Amalek ko i ryakat ti Adadejer ŋuro lo Rekoba, mor lo Soba.

¹³ A karin ti Dawidi kuörö kuörö parik, na yitwene nye nagon nye aje rembu ŋutu aliŋan puök wot budök ti nutu ti Edom i pirit na ’dir na ’Balaŋ nu.

¹⁴ A nye tiŋdi kamörök i si ’da Edom, a tiŋdi se i swötön liŋ ti Edom, a ŋutu liŋ ti Edom gwe a ’dupi ti Dawidi. A MATAT tiŋdi Dawidi a katelanit temba i piritön liŋ na tiri nye kunu.

Ŋulu ti miri na Dawidi

¹⁵ A Dawidi gwe a kasaranit lo Yisaraele liŋ; a nye lilije putesi ti ŋutu kanyit liŋ Jojo.

¹⁶ A Yöaba ŋuro lo Seruya gwe a duma lo kamörök; a Yosapata ŋuro lo Akiluda gwe a katoyeyeonit;

¹⁷ a Sadok ŋuro lo Akituba, ko Akimelek ŋuro lo Abyatar gwe a koanejin; a Seraya gwe a kawu-rönit;

¹⁸ a Benaya ŋuro lo Yoyada gwe a duma lo kamörök logon a ŋutu ti Kereti ko ti Peleti; a ŋwajik ti Dawidi lo gwe a koanejin.