2 Samuele 4 - Bibilia Buk na Ŋun nagon koti luŋu a

Isa-boset a tatua

¹ A Isa-boset ŋuro lo Saula koyiŋge adi Abiner aje twan Keberon yu, a riŋit nanyit gwe a namunyan, a ŋutu ti Yisaraele liŋ gwe ko wiwinyesi.

² A ŋuro lo Saula gwe ko ŋutu murek logon a temejik ti teŋon ti kamörök; karin kase a ko Bana ko Rekaba. Kilo a ŋwajik ti Rimon ŋuto lo Benyamina lo po Berot (kogwon Berot aje kenaki köti a lo Benyamina;

³ a ŋutu ti Berot köju wöki Gitayim, a se si ’dani nyu tojo ko lo lor.)

⁴ A Yonatana ŋuro lo Saula gwe ko ŋuro logon a bata mokosi. Lu ŋuro gwon ko kiŋajin mukanat i diŋit nagon lore lo Saula ko Yonatana a kunu Yejerele yu nu, a ka ’depanit nanyit ’dumuŋdye lepeŋ, a wöki wökön; a na rurumaddi lepeŋ i wökön nu, a Ŋilo ŋuro iŋge ’doro, a batani bata. Karin kanyit a Mepiboset.

⁵ A ŋwajik ti Rimon lo po Berot, logon a ko Rekaba ko Bana kulo ŋine Ŋien i tuparan kiden, a se poŋdi ko Isa-boset mede, i diŋit nagon nye gwon i doto i tuparan kiden nu.

⁶ Mete, a ŋuto nagon a katiyunit na kötumit na ŋinu mede gwe i seddya na ’bolot, ama a konyen kanyit lure lur a dotoni doto; nyena a Rekaba ko luŋaser lonyit Bana kokoladdi ’börik lukata a lwön.

⁷ a nagon se a lupö kadi kata, na piriki ’e Isa-boset kanyit i dotoet i kadi dotoet nanyit nu, a se rembi lepeŋ, a tatuje lepeŋ, a ’duŋöddi kwe nanyit kaŋo. A se joŋgi kwe nanyit, a tiri kiko lo Araba tukwaje liŋ,

⁸ a se joŋgi kwe na Isa-boset ko Dawidi yu Keberon. A se kulyani ko mor adi, Mana kwe na Isa-boset, ŋuro lo Saula logon a miriku ilot, logon ga ’yu tolikiŋdyö ru inot lo. I lo lor MATAT aje ropakiŋdya Saula ko ŋwajik kanyit kulya kunök pon mor duma liŋ.

⁹ Ama a Dawidi nyopakiŋdye Rekaba ko luŋaser lonyit Bana, logon a ŋwajik ti Rimon lo po Berot kulo adi, ’Diri gwak gwoso na gwoŋdi MATAT na, logon a lwökuŋdyö ru nio i yöyöŋesi liŋ lo,

¹⁰ köju i diŋit nagon lele ŋuto a takiŋdya nan adi, Mete, Saula aje twan, kogwon lepeŋ a yeyeju adi nye joŋdya lore lo ’but, a nan morgi lepeŋ a tatuje lepeŋ Sikelaga yu; ŋina a ropet nanyit nagon nan a tikin lepeŋ kogwon ŋilu lore lonyit.

¹¹ Ada lolor nagon ŋutu katoronyak aje tatuja ŋuto loke kanyit kadi i dotoet loki, a nan ŋona ti bulö robba rima kanyit ko ta, anyen jogga ru nasu kaŋo i na kak le?

¹² A Dawidi saŋi teton kanyit, a se tatuje lepeŋat, a ’duŋöddi ’dapan kase ti könisi ko ti mokosi kaŋo, a se leleji mugunya kase ki nyona ko jor na gwon Keberon nu. Ama a se joŋgi kwe na Isa-boset a nuŋge nugga i gulöm na Abiner na gwon.