2 Samuele 2 - Bibilia Buk na Ŋun nagon koti luŋu a

Dawidi a ’boroki a mor lo Yuda

¹ A gwe sona i mukök na kine kulya, a Dawidi piyuŋdye ko MATAT adi, Nan ŋona bubulö lupö i nene na köjinö ti Yuda le? A MATAT waddi lepeŋ adi, lye, iti. A Dawidi pipije adi, Nan ködyö lupö i nan köji? A nye waddi adi, Do bubulö lupö Keberon.

² A Dawidi se ko wate kanyit murek kune iti nyu. Wate kanyit nagon a ko Akinoma na Yejerele ko Abigaila nagon köju a karu ’be na Nabala lo Karmela na.

³ A Dawidi joŋdi ŋutu kanyit liŋ ko midijik kase geleŋ geleŋ; a se si ’dani i turön ti Keberon.

⁴ A ŋutu ti Yuda poŋdi po, a se ’boro-kiŋdye Dawidi ko welet anyen gwon a mor lo kötumit na Yuda nyu. A se takiŋdye Dawidi adi, Ŋutu ti Yabesa-gilada lo nugga Saula.

⁵ A Dawidi sonyoddi luyökie i ŋutu ti Yabesa-gilada, a kulyani adi, Ti MATAT ’boroji ta, kogwon ta aje kwekiŋdya Saula duma losu ŋina ’busan, a ta aje nugga lepeŋ.

⁶ Nyenagon ti MATAT nyaŋi ta ko to ’diri! A nan koti de konakiŋdye ta ’buia kogwon ŋina ŋo nagon ta a kon na.

⁷ Nyenagon soŋinana ti könisi kasu gwe a iŋgo, ko ti ta gwe a walan; kogwon Saula duma losu gwe ’bayin, a kötumit na Yuda aje ’börökiŋdya nan a mor lose.

Dawidi a mörö ko kötumit na Saula

⁸ A kudyakan Abiner ŋuro lo Ner, duma lo kamörök ti Saula, aje joŋga Isa-boset ŋuro lo Saula, a tulapuŋdye lepeŋ tojo ko Makanayim;

⁹ a nye ’burukiŋdye lepeŋ a mor lo Gilada, ko lo ŋutu ti Asur, ko lo Yejerele, ko lo Epuraima, ko lo Benyamina, ko lo Yisaraele liŋ.

¹⁰ A Isa-boset ŋuro lo Saula gwe ko kiŋajin merya iŋwan na suluje nye saŋu ŋutu ti Yisaraele nu, a nye saŋi ko kiŋajin murek. Ama a kötumit na Yuda kebbi Dawidi.

¹¹ A Dawidi iŋge joŋga kiŋajin buryo ko yapala buker Keberon yu a mor lo kötumit na Yuda.

¹² A Abiner ŋuro lo Ner, ko köli-pönök ti Isa-boset ŋuro lo Saula, iti Makanayim tojo ko Gibeon.

¹³ a Yöaba ŋuro lo Seruya ko köliŋönök ti Dawidi kulo iti kaŋo a torumbe ko se i jor na Gibeon; a ŋutu ti Abiner si ’dani i lo swöt lo jor ko ŋutu ti Yöaba i lu swöt.

¹⁴ A Abiner kulyani ko Yöaba adi, Ti teton ŋine ki anyen möŋu ’börik kayaŋ i komor. A Yöaba kulyani adi, Ti lepeŋat ŋine ki.

¹⁵ A kirut lepeŋat ŋine ki a lwöŋöddi i nu pele gwoso i kenet nase, kweja adi ŋutu puök wot murek a ti Benyamina ko ti Isa-boset ŋuro lo Saula, a puök wot murek gwe a ti köliŋönök ti Dawidi.

¹⁶ A se tomoke i murutö, a leŋe soji marate i merete ko wale; a se ’do ’done kak i pirit na geleŋ. Nyenagon a ŋinu pirit luŋuni a Kelekat-asurim, nagon gwon Gibeon.

¹⁷ A mörö gwe pape i Ŋilu lor; a köliŋönök ti Dawidi iŋge te ’ya Abiner ko ŋutu ti Yisaraele.

¹⁸ A ŋwajik musala ti Seruya gwe nyu, logon a ko Yöaba ko Abisai ko Asaele. A mokosi ti Asaele gwe pa ’de ’de gwoso ti nyama na mu ’diŋ.

¹⁹ A nye kepoddi Abiner, a nye tine girara i wökön nanyit kode i swöt lo lutaten kode i kadoŋe na kepoddi nye Abiner nu.

²⁰ A Abiner boŋgi bot, a pipije adi, ŋilo a do le Asaele? A lepeŋ ruŋge adi, Ee, lo a nan.

²¹ A Abiner kulyani ko lepeŋ adi, Girara i könin lutaten kode i kadoŋe, ko morgi lele lo kilo teton, a do joŋgi tito kanyit. Ama a Asaele tine girara asut i kepöddu na lepeŋ.

²² A Abiner köti nyöggi jambu ko lepeŋ adi, Girara i lele swöt; an do ko nyuŋ kipuŋdyö nan. Kwe a nyo nagon nan rembi do? Yi de tomet ada kase luŋaser ilot Yöaba ko nan a koŋdya sona?

²³ Ama lepeŋ ti ’bön girara i lele swöt; nyenagon a Abiner iŋge rem lepeŋ i pele ko bidi lonyit lo gor, a iŋge tulöddu köke kanyit i ki ’diŋ; a lepeŋ ’dorone kak nyu a twane twan i ŋinu pirit. A gwe sona adi ŋutu lio logon a ’dur i ŋinu pirit nagon Asaele a ’doro ’i ko a twaji nu, a se gwo ’de gwo ’dan.

²⁴ Ama a Yöaba ko Abisai gwe i kepöddu na Abiner; a se ’duröki i mere lo Ama logon gwon i ŋerot na Giya i kiko lo tiri yöbu na Gibeon i ’doro na kolor lu.

²⁵ A kötumit na Benyamina momori ’börik i pirit na geleŋ ko Abiner i mukök, a poŋdi a teŋ geleŋ, a gwo ’de i lele mere ki.

²⁶ A Abiner laije Yöaba adi, Ti yi yeŋe mörö le? Do a ko den adi i ’dutet nanyit a gwe pötwör? Do de saŋu ŋutu kulök i nan diŋit anyen yitö bot i kipuŋdyö na luŋasirik kase?

²⁷ A Yöaba waddi adi, ’Diri gwak gwoso na gwoŋdi Ŋun na, ko do ködyö a ko kulya, a ŋutu kulök ködyö tine kö ’yu kebbu luŋasirik tojo ko ko ’bure.

²⁸ Nyena a Yöaba kuddye tore; a ŋutu lio gwo ’de gwo ’dan a tine kepöddu ŋutu ti Yisaraele köti, a kö ’yi mörö.

²⁹ A Abiner ko ŋutu kanyit wöröni wörö i ŋilu tukwaje liŋ, a lwöpöddi i jur lo lupu a Araba; a se laŋaddi i nu pele na Yardene, a se wöröni i ko ’bure liŋ tojo se a ’durökin Makanayim.

³⁰ a Yöaba löpuköni bot i kepöddu na Abiner; a nagon nye aje momora ŋutu lio i pirit na geleŋ nu, a köliŋönök ti Dawidi logon a toliki gwe a puök wot buŋwan wat Asaele.

³¹ Ama a köliŋönök ti Dawidi kulo aje tatuja ŋutu ti Benyamina ko ti Abiner miajin musala ko merya buker.

³² a se ’dukun-dye öpu na Asaele, a nuŋge lepeŋ i gulöm na monye na gwon Beteleme yu nu. A Yöaba ko ŋutu kanyit gwe i wörö tukwaje liŋ, a waran na kak iŋge ’bunyökin lepeŋat Keberon yu.