2 Samuele 16 - Bibilia Buk na Ŋun nagon koti luŋu a

¹ A nagon Dawidi aje lwöpöddu i kwe na mere madaŋ nu, a Siba köliŋönit lo Mepiboset rume ko lepeŋ ko kaineki murek nagon a toraki ambatajin miajin murek, ko kusik mia geleŋ ti ludweki ti binyo logon a loteyok, ko ti ludweki lodök mia geleŋ, ko jurak gober geleŋ lo binyo.

² A mor Dawidi pipije Siba adi, Nyo nagon do a joŋdya kune ŋo? A Siba nyobbi adi, Kaineki kune a wöriesi ti kötumit na mor, a ambatajin kune ko ludweki lodök kulo gwe a ti teton a lo nyenyei, a binyo kune gwe a ti kilo logon a doddya i yöbu a na mamata.

³ A mor pipije adi, Liya ŋuro lo Saula duma ilot? A Siba waddi mor adi, Mete, lepeŋ lu si ’da Yerusalema; kogwon lepeŋ a jambu adi, I lo lor kötumit na Yisaraele de nyönyökökin nan tumatyan na baba.

⁴ A mor kulyani ko Siba adi. Mete, ŋo liŋ nagon a ti Mepiboset de gwe a kunök soŋinana. A Siba jambi jambu adi, Nan a katwöyönit ilot; böŋö ti nan ryeŋdi ’busan konut i komor pon mor duma liŋ.

⁵ A nagon mor Dawidi aje ’durökin Bakurim nu, a lele ŋuto lo ’duŋet lo kötumit na Saula lo lupene kaŋo, karin kanyit a Simei ŋuro lo Gera; a nye tomuru tomurun i po nanyit.

⁶ A nye gugubuŋdye mor Dawidi ko ŋurupö ko köliŋönök kanyit liŋ koti. A ŋutu liŋ ko walan liŋ gwe ko lepeŋ kanyit i könin lutaten ko i kadoŋe.

⁷ A Simei tomore ko lepeŋ adi, iŋgo, iŋgo, do ŋuto katowŋonit lo rima, do ŋuto kamönyönit.

⁸ MATAT a ropakiŋdya rima liŋ ti kötumit na Saula konut i kwe, logon do a ruddya tumatyan nanyit lo; MATAT aje tiŋdu tumatyan inot i könin lo ŋuro ilot Abisaloma. Meddi, kine kulya do lo joŋdya kogwon do a ŋuto katowŋonit lo rima.

⁹ A kirut Abisai ŋuro lo Seruya pipije mor adi, Nyo nagon ŋilo ’diŋö kana gwon i tomor ko do pon mor duma liŋ? Bia ti nan iti i ’dupuŋdyö na kwe nanyit kaŋo.

¹⁰ Ama a mor Dawidi kulyani adi, Kulya kasu a nyo köyö ta ŋwajik ti Seruya? Ko lepeŋ a moru nan kogwon ŋun a takiŋdya lepeŋ i moru na nan Dawidi, a ŋa logon bubulö pija adi, Nyo nagon do a koŋdya sona?

¹¹ A Dawidi kulyani ko Abisai ko köliŋönök kanyit liŋ adi, Mete ta, ŋuro liŋ logon lupuŋdyö köyö i pele lo ga ’yu tatuja nan; bia parik ŋilo Benya-minatyo. Kö ’yi ta lepeŋ, ti lepeŋ tomore; kogwon MATAT a sarakin lepeŋ.

¹² Kode ŋona MATAT de memet toron nagon a konaki nan na, kode nye de roropakin nan ’busan kogwon ŋina tomororikin nio i lo lor na.

¹³ A Dawidi ko ŋutu kanyit kulo iti tu i kiko, ama a Simei iti i swöt lo mere metaddu lepeŋ, a tomororo tomororo, ko gugubu lepeŋ ko ŋurupö, a rarataddu kujöŋ.

¹⁴ A mor ko ŋutu liŋ lo gwon ko lepeŋ kulu ’duröki Yardene a dara; a lepeŋ yuke yukan nyu.

¹⁵ A Abisaloma ko ŋutu ti Yisaraele liŋ kulo ’duröki Yerusalema se ko Akitopele.

¹⁶ A ko gwe sona, na ’durökiŋdye Kusai Arukatyo ju lo Dawidi ko Abisaloma yu nu, a nye kulyani adi, Ti do mor si ’dani ŋupi! Ti do yeŋe a mor ŋupi!

¹⁷ A Abisaloma pipije Kusai adi, Ŋina a nyaŋu inot na ju ilot le? A nyo nagon do tine moraddu ko lepeŋ?

¹⁸ A Kusai kulyani ko Abisaloma adi, ’Bayin sona; ama nan de gwe a lo ŋilu ŋuto logon MATAT ko kulo ŋutu se ko ŋutu liŋ ti Yisaraele a wulun lo, a nan de si ’dani ko lepeŋ.

¹⁹ Köti a nan de kitakiŋdye ŋa? ’Bayin a ŋuro lonyit le? Nan de kitakiŋdya do gwoso na kitakiŋdye nan munyi nu.

²⁰ A kirut Abisaloma pipije Akitopele adi, Jujuwet inot a nyo? Yi de koŋdya nyo?

²¹ A Akitopele waddi Abisaloma adi, Lupöni ko kinu köliŋönök wate ti munyi nagon lepeŋ a kölökin i tiju na mede kunu. A ŋutu liŋ ti Yisaraele de yiŋge adi do aje koŋdya mugun a kamananit lo munyi, a ŋutu liŋ logon gwon ko do kilo de tŋgoloni togolo.

²² A lepeŋat ’bikikiŋdye Abisaloma kemia i lo ’dek lu ’dayat loki; a Abisaloma dotoni ko köliŋönök wate ti monye a ŋutu liŋ ti Yisaraele gwe i meddya.

²³ Nyena i kilu perok, a jujuwet na Akitopele gwe gwoso ŋuto logon a piyuŋdya ko Ŋun; a Dawidi ko Abisaloma murek liŋ yinikiŋdye yeyeet na Akitopele.