2 Moran 9 - Bibilia Buk na Ŋun nagon koti luŋu a

Yeu a welaki a mor lo Yuda

¹ A nebi Elisa luŋgi lele lo teŋ ŋa nebijin a kulyani ko lepeŋ adi, Ruŋge boŋgo inot a do toŋi toŋa, ko ’dumuŋdye ŋilo lulur lo welet, ko iti Ramot-gilada.

² A ko do a ’dur nyu, a do ga ’yi Yeu ŋuro lo Yosapata, ŋuro lo Nimisi; a do luŋöni kadi, a do lupundye lepeŋ kaŋo i kiden na julin kanyit, a do joŋgi lepeŋ i lele toŋkwet.

³ A do ’dumuŋdye lulur lo welet lo, a do ’buŋge welet kanyit i kwe, a do kulyani adi, MATAT lo kulya sona adi, Nan welakiŋdya do a mor lo Yisaraele. A do kirut ŋaji kötumit, a do wöki wö-kön; an do ko möŋdu.

⁴ Nyena a nebi titinti lo iti Ramot-gilada.

⁵ A nye ko ’dure yu, mete, a dumalak ti kamörök kulu gwe i momo-ret; a nye kulyani adi, Nan ’dek jambu ko do ŋon duma. A Yeu pije adi, Do ’dek jambu ko lon likaŋ? Adi, Ko do ŋon duma.

⁶ A Yeu ŋine ŋien, a luŋöni kadi; a lu titinti ’buŋge welet na ko lepeŋ i kwe, a kulyani ko lepeŋ adi, MATAT ŋun lo Yisaraele lo kulya sona adi, Nan MATAT welakiŋdya do a mor lo Yisaraele logon a ŋutu kwe.

⁷ A do mo rembi kötumit na Aba duma ilot, anyen nan böŋö ropakiŋdya Ŋebele rima ti köliŋönök kwe nebijin, se ko rima ti köliŋönök kwe liŋ ti MATAT.

⁸ Kogwon kötumit na Aba lio mo gigirokiŋdyö; a nye mo ’duŋge ŋutu lyan liŋ ti Aba, ’dupi kode lui lo gwon Yisaraele.

⁹ A nye mo tiŋdi kötumit na Aba anyen gwon gwoso kötumit na Yerobama ŋuro lo Nebat, ko gwoso kötumit na Basa ŋuro lo Akiya.

¹⁰ A ’dioŋ jin mo nyesi ’burwö na Ŋebele i koret na Yejerele, a ŋutu mo gwe ’bayin logon mo nugga lepeŋ. A kirut nye oaji kötumit a wöki wökön.

¹¹ A Yeu ko lupene kaŋo ko köliŋönök ti duma lonyit ni, a se pije lepeŋ adi, Ŋo liŋ a na ’but le? Nyo nagon ŋilo ŋuto lo mamala ŋo konut ni? A nye waddi lepeŋat adi, Ta a den ŋilo ŋuto ko jame lonyit köti.

¹² A se kulyani adi, Do a ’burönit; tuköki yi. A nye kulyani adi, Lepeŋ a jamakiŋdya nan kulya gwoso kine adi, MATAT lo kulya sona adi, Nan a welakiŋdya do a mor lo Yisaraele.

¹³ A kirut ŋutu liŋ geleŋ geleŋ nyoŋgi ’dumba boŋgwat kase, a peddi se kak i loki na kiyesi na gwon kana, a Yeu si ’dakine loki, a se kuddye toriot, a laije adi, Yeu lo gwe a mor.

Yeu a tatuja Yeyorama

¹⁴ Nyena a Yeu ŋuro lo Yosapata, ŋuro lo Nimisi, mori ko kulye ŋutu a lwön anyen mwön ko Yeyorama. (Yeyorama se ko Yisaraele liŋ köju gwon i tiju na Ramot-gilada kogwon kulya ti Kajaele mor lo Suria;

¹⁵ ama mor Yeyorama aje yitwe Yejerele i tolika na ’dikasin kanyit nagon ŋutu ti Suria lo böŋöddu kunu, na möröri nye ko Kajaele mor lo Suria nu.) A Yeu kulyani adi, Ko ta ködyö a ruk sona, ti lele ŋuto gwe ti pesaddu kaŋo i na köji anyen tu nyönyöggu kine kulya Yejerele.

¹⁶ A kirut Yeu kije i arabia lonyit lo jijikö a iti Yejerele, kogwon Yeyorama tana yu. A Akajia mor lo Yuda aje dudulun i ’yö ’yu na lepeŋ.

¹⁷ A katiyunit logon gwo ’dan i bilili lo Yejerele metuŋdye teŋ na Yeu na pori nye nu, a kulyani adi, Nan a meddya teŋ na ŋutu ŋoŋo. A Yeyorama kulyani adi, Joŋgi lele kajoŋanit lo kusan ko sonye lepeŋ i rum ko lepeŋat, ko ti lepeŋ pije adi, Do ŋo ko ’busan le?

¹⁸ Nyena a ŋuto lo wökön ko kusan lo iti i rum ko Yeu, a kulyani adi, Mor lo pija adi, Do ŋo ko ’busan le? A Yeu waddi adi, Kulya kunök a nyo ko nan ŋo ko ’busan kode ko toron? Kölumbö woriŋöni, kipuŋdye nan. A katiyunit lu köti tuŋge tuggö adi, Luyökie lo a ’dur ko lepeŋat yu, ama lepeŋ ti yitwe koti.

¹⁹ A nye soŋdi lele ŋuto tomurek lo wökön ko kusan, a lu ŋuto ’dure ko lepeŋat yu a kulyani adi, Mor lo pija adi, Do ŋo ko ’busan le? A Yeu waddi adi, Kulya konök a nyo ko nan ŋo ko ’busan kode ko toron? Kölumbö wöriŋöni, kipuŋdye nan.

²⁰ A katiyunit lu tuŋge tuggö adi, Lepeŋ a ’dur ko lepeŋat yu, ama lepeŋ ti yitwe köti, a wökun nase gwe gwoso wökiet lo Yeu ŋuro lo Nimisi; kogwon lepeŋ wökön ko arabia gwoso ŋuto lo mamala.

²¹ A Yeyorama kulyani adi, Teteŋdi ta arabia liŋ lo jijikö ajo. A se teteŋdi teteŋdya. A kirut Yeyorama mor lo Yisaraele se ko Akajia mor lo Yuda iti tu, ŋuto geleŋ i arabia lonyit lo jijikö, a iti i rum ko Yeu, a se rume ko lepeŋ i melesen na Nabota Yejereletyo.

²² A gwe sona a Yeyorama ko meddi Yeu, a nye pije adi, Do ŋo ko ’busan le Yeu? A Yesu waddi adi, ’Busan nio a nyo, na gwoŋdi ŋuti Ŋebele a kalupe ko to ’bunun nanyit duma na?

²³ A Yeyorama wöriŋge arabia lonyit a wöki wökön, kulya ko Akajia adi, Ŋilo a kiko mwönyit ŋon Akajia.

²⁴ A Yeu rokuŋdye daŋ nanyit, a pori Yeyorama i kiden na geliya kanyit tojo lowe a tulöddu kanyit i töili, a nye ’dororo i lukata na arabia lonyit lo jijikö.

²⁵ A Yeu kulyani ko Bidikar yumi lonyit adi, ’Duku lepeŋ ki ko gubaki lepeŋ i melesen na Nabota Yejereletyo; ti do yeyeji nu diŋit na tiri yi ko do murek ko kusanjin ko Aba monye lonyit i mukök nu, a MATAT köju riŋge lepeŋ ko ŋina ’dolet adi,

²⁶ ’Diri na meddi nan rima ti Nabota ko rima ti ŋwajik kanyit lulyan i ŋerot na ŋilu lor, nan mo roropakin Aba i ŋina melesen— se kilo kulyaesi ti MATAT. Nyenagon Soŋinana ’duku lepeŋ ki ko gubaki lepeŋ i ŋina melesen, gwoso na kulyari MATAT nu.

Yeu a tatuja Akajia

²⁷ A Akajia mor lo Yuda ko meddi ŋina ŋo, a nye wöki i swöt lo Bete-agan. A Yeu riköddi lepeŋ, a kulyani adi, Ŋore ta lepeŋ koti; a se poŋi lepeŋ i arabia lo jijikö i ko ’du na Gur nagon riyona ko Yibeleam. A Akajia wöki tojo ko Megido, a twaki nyu.

²⁸ A köliŋönök kanyit ’doggi lepeŋ ko arabia lo jijikö tojo ko Yerusalema, a nuŋge lepeŋ i gulöm nanyit i köji na Dawidi ko merenyejin kanyit i pirit na geleŋ.

²⁹ A Akajia suluje gwon a kasaranit lo Yuda i kiŋa topuök wot geleŋ na gwoŋdi Yeyorama ŋuro lo Aba a mor

Tatua na Ŋebele

³⁰ A Yeu ko ’dure Yejerele, a Ŋebele aje yio kine kulya; a nye we ’yi konyen kanyit, a tokweleŋdi kwe nanyit, a memeddi i kulupit.

³¹ A Yeu ko luŋöni i kötumit na köji, a nu ŋuto pije lepeŋ adi, Do ŋo ko ’busan le, do Jimiri katatuanit lo duma ilot?

³² A Yeu diraddi ki i kulupit, a pije adi, Ŋa logon a liŋ? A ŋa? A kulye ŋutu murek kode musala logon a kona a ’baŋin kulo diruŋdye kak ko lepeŋ ni.

³³ A nye kulyani adi, Gubaki ta ŋina ŋuto kak. A se gubakiŋdye lepeŋ kak; a kunie rima kanyit gwaddi i gorom ko i kusanjin, a se ryoryöggi lepeŋ.

³⁴ A Yeu luŋöni lukata a nyesi nyesu a möji möju; a nye kulyani adi, Teteŋdi ta kulya ti ŋina ŋuto nagon a senya na, ko nuŋge ta lepeŋ; kogwon nye a ŋuro na mor.

³⁵ A na tiri se i nugga na lepeŋ nu, a se gwe a ko ryö mugun nanyit tuŋ kululuŋ ko ’dapan ti könisi ko ti mokosi.

³⁶ A se ko yitweni bot a nyönyökökiŋdye Yeu kine kulya, a nye kulyani adi, Ŋilo a kulyaet lo MATAT logon nye a kulyari ko köliŋönit lonyit Eliya Tisebetyo i kutuk adi, ’Diŋojin mo nyönyö mugun r.a Ŋebele i koret na Yejerele;

³⁷ a ’burwö na Ŋebele mo gwe gwoso woro nagon totoreki i melesen i koret na Yejerele, an lele ŋuto ko kulya adi, Mugun na Ŋebele mana.