2 Moran 8 - Bibilia Buk na Ŋun nagon koti luŋu a

Ŋuto na Sunem a nyököki meleseno kanyit

¹ A Elisa köju aje jambu ko ŋuto nagon nye a toru ŋuro lonyit na adi, ŋine ki ko ŋiörö kaŋo ni se ko mede inot liŋ, ko iti tu mönuŋdye i nene pirit nagon do bubulö monuŋdyo kata; kogwon MATAT a luŋgu dyaŋ logon mo ŋokin i lo jur ko kiŋajin buryo.

² A nu ŋuto ŋine ŋien, a koŋdi gwoso na jambi ŋuto lo Ŋun nu; a nye iti tu se ko mede nanyit a tu mönuŋdye i jur lo Pelesete kiŋajin buryo.

³ A gwe sona nagon kiŋajin buryo kulo aje tutuŋgö nu, a nu ŋuto kö ’yi jur lo Pelesete a yitwene bot, a nye iti i gwikin ko mor i kulya ti kadi nanyit ko meleseno kanyit.

⁴ A mor gwe i jambu ko Geaji köliŋönit lo ŋuto lo Ŋun adi, Taki nan böŋö. konesi duma-lak liŋ nagon Elisa a kon.

⁵ A nagon Geaji nyuŋ nyönyökökiŋdyö mor torujo na Elisa na ŋuro lo twan na, mete, a ŋuto nagon ŋuro lonyit Elisa a toru na, gwiki ko mor i kulya ti kadi nanyit ko meleseno kanyit. A Geaji kulyani adi, Pon mor duma lio, aso ŋuto na mana, köti ŋuro lonyit logon Elisa a toru lo malo.

⁶ A mor ko pije nu ŋuto, a nye nyönyökökiŋdye lepeŋ kulya liŋ. Nyena a mor wulökiŋdye ŋinu ŋuto lele kamemetanit a kulyani adi, Nyököki lepeŋ ŋo liŋ nagon a kanyit, se ko ludweki lio ti meleseno, suluja i lor logon nye kö ’yi lo jur tojo ko soŋinana.

Kajaele a ŋo a mor lo Suria

⁷ A Elisa ’dure Damaseke i diŋit nagon Ben-adada mor lo Suria a ŋilo nu; a lore takine Ben-adada adi, Ŋuto lo Ŋun lo a ŋo ni.

⁸ A mor kulyani ko Kajaele adi, Böŋö iti ko ŋuto lo Ŋun yu ko baraddi ’doket, ko piyuŋdye MATAT ko lepeŋ yu adi, Nan mo ruru i lo twanti le?

⁹ A Kajaele iti tu i rum ko Elisa, a baraddi ’doket nagon a ŋo liŋ na ’but ti Damaseke na ’doko ko kamilojin merya iŋwan. A nye ko ’dure a gwo ’de gwo ’dan ko Elisa i komor, a pije adi, Ŋuro ilot Ben-adada mor lo Suria a sunyuŋdyö nan konut ni adi, nye ŋona ’diri mo ruru i lu twanti le?

¹⁰ A Elisa waddi lepeŋ adi, Iti ko taki lepeŋ adi nye mo ’diri ruru; ama MATAT a kwekin nan adi nye mo ’diri twatwan.

¹¹ A nye lilikaki gwoso ŋojinöti i diŋa na Kajaele go, tojo ko kwe na Kajaele a yu. A ŋuto lo ŋun ŋoki i gwien.

¹² A Kajaele pije adi, Nyo nagon do duma liŋ gwigwien? A nye waddi adi, Kogwon nan deden ŋonyan nagon do mo konakin ŋutu ti Yisaraele na, do mo ’yu ’yur piritön kase nago, a do mo tatuje teton kase kulo ko baŋdujin, a mo gwuddye ŋwajik kase lo ’di ’dik kak, a kikilije ŋutu wate kase nagon ko pelela.

¹³ A Kajaele pije adi, Nan köliŋönit ilot logon a ’diŋo kana a nyo, anyen koŋdya nene ŋo duma gwoso ŋina? A Elisa waddi adi, MATAT aje kwekin nan adi do mo lo gwon a mor lo Suria.

¹⁴ A nye kö ’yi Elisa a yitöni ko duma lonyit yu, a mor pije lepeŋ adi, Elisa a takin do ada? A nye waddi adi, Lepeŋ a takin nan adi do mo ’diri ruru.

¹⁵ A gwe sona i ko ’bure, a nye ’dumuŋdye bataniya a jurutökiŋdye i pioŋ kata, a muŋge komor na mor ko bataniya na, a nye twane twan. A Kajaele lo ruddye a mor.

Yorama a mor lo Yuda

¹⁶ A i kiŋa tomukanat na gwoŋdi Yeyorama ŋuro lo Aba a mor lo Yisaraele nu, a Yorama ŋuro lo Yosapata mor lo Yuda suluje gwon a kasaranit.

¹⁷ A nye gwe ko kipajin merya musala wot murek na suluje nye gwon a mor nu, a nye saŋi Yerusalema yu ko kipajin budök.

¹⁸ A nye wöröni i kiko lo moran ti Yisaraele, gwoso na wöröri kötumit na Aba nu, kogwon ŋuro na Aba a narakwan nanyit. A nye koŋdi ŋo nagon a naron ko MATAT i metet.

¹⁹ Ma ’di sona MATAT a ko ’dekan tukaŋu Yuda, kogwon kulya ti Dawidi köliŋönit lonyit, gwoso na milyeji MATAT i tiŋdu na Dawidi se ko nyakwariat kanyit kötumit nagon gwoso lombo lo kokobbu ŋupi.

²⁰ A i perok kanyit a ŋutu ti Edom renyani sara ko Yuda, a wulökiŋdye ’börik mor lose.

²¹ A Yorama lwöŋöddi tojo ko Sair se ko arabiajin kanyit liŋ Jo jijikö, a nye pine ŋien kwaje, se ko dumalak kanyit ti arabiajin lo jijikö, a ŋoki i tatuja na ŋutu ti Edom logon a tumba lepeŋ kulu; a ŋutu wöki kase i midijik.

²² Nyena suluja i nu diŋit jur lo Edom a renya sara ko jur lo Yuda tojo ko lo lor. A jur lo Libina köti renyani sara ko jur lo Yuda i nu diŋit.

²³ A pitönö ti konesi ti Yorama, ko ŋo liŋ nagon nye a kon, kine ’bayin a se nagon a wuröki i Buk na Dekat ti moran ti Yuda le?

²⁴ A Yorama dotoni ko merenyejin kanyit, a se nuŋge lepeŋ i pirit nuket na merenyejin kanyit i köji na Dawidi; a Akajia ŋuro lonyit lo ruddye tumatyan nanyit.

Akajia a mor lo Yuda

²⁵ A i kiŋa topuök wot murek na gwoŋdi Yeyorama ŋuro lo Aba a mor lo Yisaraele nu, a Akajia ŋuro lo Yorama mor lo Yuda suluje gwon a kasaranit.

²⁶ A Akajia gwe ko kipajin merya murek wot murek na suluje nye gwon a kasaranit nu, a nye saŋi Yeru salema yu ko kiija geleŋ. A karin ti ŋote nanyit gwe a Atalia; a nu gwe a nya-kwari na Omiri mor jo Yisaraele.

²⁷ A Akajia köti wöröni i kiko lo kötumit na Aba, a koŋdi ŋo nagon a naron ko MATAT i metet, gwoso na koŋdi kötumit na Aba köju nu, kogwon nye a komonit lo kötumit na Aba.

²⁸ A nye iti tu se ko Yeyorama ŋuro lo Aba i mörö ko Kajaele mor lo Suria Ramot-gilada, a ŋutu ti Suria iŋge böŋörö Yeyorama.

²⁹ A mor Yeyorama yitöni Yejerele i tolika na ’dikasin nagon ŋutu ti Suria lo böŋöddu Rama yu kunu, na möröri nye ko Kajaele mor lo Suria nu. A Akajia ŋuro lo Yorama mor lo Yuda dudulara Yejerele i ’yö ’yu na Yeyorama ŋuro lo Aba kogwon nye a ŋilo.