2 Moran 7 - Bibilia Buk na Ŋun nagon koti luŋu a

¹ A Elisa kulyani adi, Yiŋge kulyaet lo MATAT: MATAT lo kulya sona adi, De ko ’bure i na saa i kotumit na na köji na Samaria, koret lo ’bolot na jiö a naliliŋök de tugwöröni ko sekele geleŋ, a koresi murek ti ’bolot saora de tugwöröni ko sekele geleŋ.

² A ŋuto duma logon mor tikö ko könin lonyit lo kulyani ko ŋuto lo Ŋun adi, Ma ’di nagon kodyo MATAT a ŋaju kulupitan ki yu, kine kulya ti bulö kona kwöŋ. A Elisa kulyani adi, Do de memet ko konyen kulök, ama do de ti nyesu se.

³ A kulye ŋutu iŋwan ti rimajin gwe i lupet na kotumit; a se tokulyaki ko ’borik adi, Nyo nagon yi si ’da ni teŋ koyi a twatwa?

⁴ Koyi kulya adi, Ti yi luŋoni köji, dyaŋ kata köji, a yi de twatwaki nyu; a koyi si ’da ni, yi de twatwa koti. Nyenagon ti yi iti ta i mera na ŋutu ti Suria; a ko lepeŋat kodyo a kölökin yi, a yi de gwe jorun, a ko kodyo lepeŋat a tatu yi, a yi de twa twane twatwa tuŋ.

⁵ A se ŋine ŋien i korikori na kak a iti i mera na ŋutu ti Suria; ama a se ko ’dure i tule na mera na ŋutu ti Suria, mete, a lele ŋuto gwe ’bayin nyu.

⁶ Kogwon MATAT a tiŋdu kamorok ti Suria i yiŋga na woŋon na arabiajin lo jijiko ko na kusanjin, ko woŋon na kamorok jore, a se tokulyaki ko ’borik adi, Mete ta, mor lo Yisaraele aje gworokin moran ti Kiti, ko moran ti Ejipeto anyen ŋo i moro koyi.

⁷ A se woki wokon i korikori na kak, a kö ’yi kemialan kase, ko kusanjin kase, ko kaineki kase, ase kö ’yi mera nasesonu, a lwoköddi ’borik.

⁸ A kulu ŋutu ti rimajin ko ’dure i tule na mera, a se luŋoni i nene kemia, a nyesi nyesu a moji möju, a ryakaddi podo, ko dakap, ko boŋgwat, a iti tu a ’de ’yi se; a se koti yitwene yitwe, a luŋoni i nene kemia, a ryakaddi toro ’bo nyu, a iti tu a ’de ’yi se.

⁹ A se tokulyaki ko ’borik adi, Yi ’bayin koŋdya ’bura. Lo lor a lo lore lo ’but; koyi yiŋa taliŋ, a mordi mordu tojo ko nyerun na kolor, riŋet mo ŋoŋo-kin kayaŋ loki; nyenagon ti yi iti i takiŋdya na mede na mor.

¹⁰ A se iti tu a lorgi katiyuk ti kotumit na köji, a takiŋdye se adi, Yi dika tu i mera na ŋutu ti Suria, mete, a yi gwe a ko met lele ŋuto kode yiŋga gworo lo ŋuto; ŋo na met yi kune tuŋ a kusanjin na monia, ko kaineki na monia, ko kemialan nagon se a kolokin sonu kunu.

¹¹ A kirut kilu katiyuk ti kotumit woŋoro ki, a ŋilo lore nyönyökökine mede na mor.

¹² A mor ŋine ŋien i tukwaje, a kulyani ko köliŋönök kanyit kulo adi, Nan de tatakin ta ŋo nagon ŋutu ti Suria a konakin yi na. Lepeŋat a den adi yi gwon ko magor; nyenagon lepeŋat a tu kaŋo i mera i ’de ’ya na ’borik mu ’dio, yeyeju adi koyi a luŋo kaŋo köji a se de momorgi yi a lupene köji ni.

¹³ A lele lo kölipönök kanyit kulyani adi, Ti kulye ŋutu boŋo joŋgi kusanjin mukanat i kiden na kunie na pituŋdyö kune, kogwon meta gwoso se na kölöki ni kune mo twatwa koti gwoso yodom liŋ na ŋutu ti Yisaraele logon aje twatwa kulo; nyena ti yi soŋdi ta ŋutu i meddya.

¹⁴ A se joŋgi arabiajin murek lo jijiko ko kusanjin, a mor soŋdi se i keŋoddu na kamorok ti Suria, kulya adi, Iti ta i meddya.

¹⁵ A se kepoddi lepeŋat tojo ko Yardene;mete, a kiko liŋ iŋge jore ko boŋgwat ko tito nagon ŋutu ti Suria a gum kak i rurumaddu nase kune. A luyökie kulo yitwene yitwe, a nyonyo ko kiŋdye mor.

¹⁶ A ŋutu luŋoni kaŋo, a ryaggi mera na ŋutu ti Suria. A koret lo ’bolot na jiö a naliliŋök tugwöroni ko sekele geleŋ, a koresi murek ti ’bolot saora tugwo-roni ko sekele geleŋ, gwoso na kulyari MATAT na.

¹⁷ A mor aje wulökiŋdyö ŋilu ŋuto duma logon köju nye tikö ko könin lonyit lu a katiyunit lo kötumit; a ŋutu ryoryöggi lepeŋ i kötumit, a nye twane twan, gwoso na kulyari ŋuto lo Ŋun na tiri mor ko lepeŋ yu nu.

¹⁸ A gwe sona gwoso na kulyari ŋuto lo Ŋun ko mor adi, Koresi murek ti ’bolot saora de tugwöröni ko sekele geleŋ, a koret geleŋ lo ’bolot na jiö a naliliŋök de tugwöröni ko sekele geleŋ de ko ’bure i na saa i kötumit na Sama-ria.

¹⁹ A ŋilu ŋulo duma iŋge waddu ŋuto lo ŋun adi, Ma ’di nagon kodyö MATAT a ŋaju kulupitan ki yu, kine kulya ti bulö kona kwöŋ. A Elisa kulyani adi, Do de memet ko konyen kulök, ama do de ti nyesu se.

²⁰ Nyena a ŋina ŋo aje ŋokin ko lepeŋ, kogwon ŋutu a ryoryogga lepeŋ i kötumit a nye twane twan.