2 Moran 6 - Bibilia Buk na Ŋun nagon koti luŋu a

Elisa a tiŋdu tulu i yaun ki i pioŋ kata

¹ A teŋ na nebijin kulyani ko Elisa adi, Meddi, pirit nagon yi si ’da kata konut i könin na a nagusu kayaŋ.

² Böŋö ti yi iti tojo ko Yardene ko ti ŋutu liŋ geleŋ geleŋ tukuŋdye kaden nyu, anyen yi tetenakiŋdya ’borik pirit nagon yi sisi ’dari. A nye kulyani adi, A na ’but, iti ta.

³ A lele lose kulyani adi, Moraddi ko koliŋö-nök kulök böŋö. A nye kulyani adi, Nan de tutu.

⁴ A nye moraddi ko lepeŋat. A se ko ’dure Yardene a toggi kaden.

⁵ Ama nagon lele lose toggu ködini nu, a tulu lonyit lukuŋdye kapo a iŋge ’doro kare kata; a nye luluje lulujö adi, Wöidiö, duma lio! Nan köju mumulun ŋilo tulu.

⁶ A ŋuto lo ŋun pije adi, Tulu lo ’doro da? A nye ko kwekiŋdye lepeŋ pirit na, a Elisa tukuŋdye ködini a gubaddi nyu, a tiŋdi lu tulu i yaun ki.

⁷ A nye kulyani adi, ’Dumu kaŋo. A lu ŋuto riöddi könin lonyit a ’dumuŋdye tulu lo.

Elisa ko ŋutu ti Suria

⁸ A nagon mor lo Suria mömörö ko Yisaraele nu, a nye denuŋdye jujuwet ko köliŋönök kanyit adi, Mera nikap mo gwon yu.

⁹ Ama a ŋuto lo Ŋun sunyukiŋdye mor lo Yisaraele lore adi, Kunyar an do ko laŋ nu pirit, kogwon ŋutu ti Suria de dudulara nyu.

¹⁰ A mor lo Yisaraele soŋdi ŋutu i pirit nagon ŋuto lo Ŋun a takin lepeŋ nu. A ŋuto lo yepe kunyaŋu mor sona, a lepeŋ iŋge lwöggu mugun yu lwölwöŋ daŋ geleŋ kode murek.

¹¹ A yeyeesi ti mor lo Suria iŋge köbuŋö parik kogwon kine kulya; a nye luŋgi köliŋönök kanyit a kulyani ko lepeŋat adi, Kweki ta nan ko lon likaŋ a ŋuto lo mor lo Yisaraele.

¹² A lele lo kölipönök ti mor kulyani adi, Lele ŋuto ’bayin ŋon mor duma lio; ama nebi Elisa lo gwon Yisaraele lo tukökiŋdyö mor lo Yisaraele kulya nagon do lo jambu konut i kadi dotoet.

¹³ A mor kulyani adi, Iti ta ko galu ta kaŋo ko lepeŋ gwon ya, anyen nan soŋdu ŋutu i morga na lepeŋ. A se takiŋdye lepeŋ adi, Mete, lepeŋ lu Dotan.

¹⁴ A nye sonyoddi kusanjin, ko arabiajin lo jijikö, ko kamörök jore yu; a se iti tu kwaje, a tumbe ŋinu köji.

¹⁵ A köliŋönit lo ŋuto lo Ŋun ko pine ko ’bure ’beron, a iti kaŋo, mete. a kamörök ko kusanjin ko arabiajin lo jijikö aje lor ŋinu köji. A köliŋönit lu luluje adi, Wöidiö, duma lio! Yi de koŋdya nyo?

¹⁶ A Elisa waddi adi, Ko kujönö, kogwon se lo gwon koyi kulo jore lwölwöŋ ŋutu lo gwon ko lepeŋat kulu.

¹⁷ A Elisa momo ’yi momo ’yu adi, Böŋö ŋon MATAT, pane konyen kanyit anyen nye memeddya. A MATAT paji konyen ti ŋilu titinti, a nye meddi meddya; mete, a mere aje jore ko kusanjin ti kimaŋ ko arabiajin ti kimaŋ lo jijikö logon lorga Elisa.

¹⁸ A ŋutu ti Suria ko dudulu i mörö ko lepeŋ ni, a Elisa momo ’yi MATAT adi, Böŋö gwute kilo ŋutu anyen se gwon a mo ’dokeno. A nye gwuddye se anyen se gwon a mo ’dokeno gwoso na mo ’yi Elisa na.

¹⁹ A Elisa kulyani ko kamörök adi, Lo a leŋe kiko, ko na a leŋe köji; kipuŋdye ta nan, a nan de nyömörö ta ko ŋuto logon ta gaga lo. A nye nyö-möddi se tojo ko Samaria.

²⁰ A gwe sona na luŋöri se Samaria nu, a Elisa kulyani adi, Pon MATAT, pane konyen ti kulo ŋutu, anyen se memeddya. A MATAT paji konyen kase a se meddi meddya; mete, a se gwe i kiden na Samaria.

²¹ A mor lo Yisaraele ko meddi se, a nye pije Elisa adi, Baba, ti nan tatune lepeŋat? ’Diri ti nan tatuje se?

²² A nye waddi adi, Ko tatu lepeŋat. ŋona a na ’but i tatuja na se logon do a momokun ko baŋdu ilot ko daŋ inot le? Kölumbö jakiŋdye lepeŋat kinyo ko pioŋ, anyen se nyenyesu a möji möju, a iti ko duma lose yu.

²³ a mor konakiŋdye lepeŋat rorwe duma; a nagon se aje nyesu ko aje möju nu, a nye kölöddi lepeŋat, a se iti ko duma lose yu. A teŋon ti ŋutu ti Suria gwe a ko yitö köti i jur lo Yisaraele.

Elisa i diŋit nagon Samaria a tuma ko merok

²⁴ A i mukök na kine kulya, a Ben-adada mor lo Suria momori kamörök kanyit liŋ, a iti i tumba na Samaria.

²⁵ A dyaŋ gwe kata a duma Samaria kogwon tuma nanyit, tojo ko kwe na kaine tugwöröni -ko pödö nagon temuŋdya a sekelejin merya budök, a swöt geleŋ na iŋwan na wuyit nagon a kaba na kin ti gure tugwöröni ko pödö sekelejin mukanat.

²⁶ A nagon mor lo Yisaraele lwölwöŋöddu i gorom loki nagon a mariŋ na köji nu, a nene ŋuto gwiki ko lepeŋ adi, Ŋaraki nan böŋö, ŋon mor duma lio!

²⁷ A nye kulyani adi, Ko MATAT ti parakin do, a nan de galaki do pariet ya? Nan de galakin do i pirit gwutet na ’bolot, kode i pirit ryoket na ludweki ti binyo?

²⁸ A mor pije lepeŋ adi, Kulya kunök a nyo? A nu ŋuto waddi adi, Na ŋuto a kulya ko nan adi, ’Dumuŋdye ŋuro ilot anyen yi nyonyo i lo lor, a yi de nyesi ŋuro lio i ko ’bure.

²⁹ A yi deŋi ŋuro lio lo, a nyesi nyesu. A i ko ’bure nanyit, a nan kulyani ko lepeŋ adi, ’Dumuŋdye ŋuro ilot anyen yi nyonyo; ama lepeŋ a ’de ’ya ŋuro lonyit lo an ko nyei.

³⁰ A mor ko yiŋge kulyaesi ti nu ŋuto a nye kekereŋdi boŋgwat kanyit, a nagon nye lwölwöŋöddu i gorom loki nagon a mariŋ na köji nu, a ŋutu metaddi metaddu, mete, a nye jupuni boŋgwat terekesi i lukata na boŋgwat kanyit.

³¹ A nye kulyani adi, Ti MATAT kona-kiŋdye nan sona ko Iwolwoŋ kine koti ko kodyo kwe na Elisa ŋuro lo Sapat de nyuŋ gwon kanyit i mugun i lo lor.

³² A Elisa gwe i si ’da kanyit kadi se ko ŋutu temejik. A mor aje soŋdu ŋuto kanyit ŋerot; ama i ŋerot nagon luyökie a ko nyuŋ ’dur nu, a Elisa kulyani ko ŋutu temejik kulo adi, Ta a met ŋilo katatuanit a sunyuŋdyo ŋuto i Joŋga na kwe nio? Mete ta, ko luyökie a ŋo, kiŋdi ta kotumit, a ta morgi kotumit go anyen teŋgu lepeŋ i lupe lukata. Iŋkoi woŋon na mokosi ti duma lonyit kipuŋdyo lepeŋ.

³³ A nagon nye nyuŋ jajambu ko lepeŋat nu, a mor ’dure ko Elisa yu a kulyani adi, ŋina sasanyet ŋo ko MATAT! Ko nyo nagon nan nyuŋ mordu lwökit na MATAT?