2 Moran 4 - Bibilia Buk na Ŋun nagon koti luŋu a

Welet na karu ’be

¹ A nakwan na lele ŋuto lo teŋ na nebijin gwiki ko Elisa adi, Köliŋönit ilot logon a lalet liŋ a twan; do köti deden adi köliŋönit ilot kukuk MATAT, ama kaburönit aje po i joŋga na kilo ŋwajik kwe murek kulo a ’dupi kanyit.

² A Elisa pije lepeŋ adi, Nan konakin do nyo? Taki nan; do gwon ko nyo konut kadi? A nye nyobbi adi, Nan köliŋönit inot ’bak nene po kadi, ake tuli lo welet ka ’de.

³ A Elisa kulyan adi, Iti, muluŋdye toro ’bo na gwon kana ti ŋutu liŋ na diŋö ko do, ama ko mulu-ŋdyö ku ’dik.

⁴ A kirut do lupöni kadi, a do kinuddi mugun kadi se ko ŋwajik kulök, a do ’buŋge ŋinu welet i kinu toro ’bo liŋ; a ko nene a jore a do tom pikiŋdye i merete.

⁵ A ŋinu ŋuto kö ’yi lepeŋ a kinuddi mugun kadi se ko ŋwajik kanyit kulo; a se rurutukiŋdye lepeŋ toro ’bo kune, a nye leru ’bu ’bu-ggö.

⁶ A gwe sona nagon toro ’bo kunu aje jore nu, a nye kulyani ko lele ŋuro lonyit adi, Taki nan nene köti. A nye kulyani ko ŋote adi, Nene gwe ’bayin. A welet nu gwo ’de gwo ’dan i won.

⁷ A nu ŋuto iti i takiŋdya na ŋuto lo ŋun, a lu ŋuto waddi adi, Iti, tugwör-ji welet nu, a do robbi möri inot, a do se ko ŋwajik kulök parakiŋdye ’börik ko pitönö ti gurut kune.

Elisa ko ŋuto na Sunem

⁸ A gwe sona i lele lor, a Elisa lwöŋöddi tojo ko Sunem na gwoŋdi nene ŋuto duma nu, a ŋinu ŋuto tisa-kiŋdye lepeŋ i nyesu na kinyo. A gwe sona, temba i lwöpöddu na Elisa i lu kiko, a nye girara nyu i nyesu na kinyo.

⁹ A nu ŋuto kulyani ko lalet lonyit adi, Mete, nan a kurun ’bura adi ŋilo ŋuto logon yeŋ lwöpöddu kayaŋ i kiko lo a ŋuto loke lo Ŋun.

¹⁰ Ti yi ’duŋge kadi na ’dit i kwe na kadi nikap, a tikiŋdye lepeŋ dotoet, ko misa, ko si ’daet, ko lombo nyu, anyen nye bubulö si ’da kata temba i po nanyit kayaŋ ni.

¹¹ A gwe sona i lele lor, a Elisa ’dure nyu, a lupöni i ŋinu kadi a dotoni nyu.

¹² A nye kulyani ko Geaji köliŋönit lonyit adi, Lupe ŋuto na Sunem na. A Geaji ko luŋgi lepeŋ a nye gwo ’de kanyit i komor.

¹³ A Elisa kulyani ko Geaji adi, Taki ŋina ŋuto adi lepeŋ a tudaraju mugun kogwon yi, nyena a nyo de na konakine lepeŋ? Nye ’dek nene po nagon yi pikin lepeŋ ko mor kode ko duma lo kamörök le? A nu ŋuto waddi adi, Nan si ’da ko ŋutu kwe kiden.

¹⁴ A Elisa pije adi, A nyo de na konakine lepeŋ? A Geaji waddi adi, ’Diri nye ’bak ŋuro, köti lalet lonyit gwe a modoŋ.

¹⁵ A Elisa kulyani adi, Lupe lepeŋ. A nye ko luŋgi lepeŋ, a nu ŋuto gwo ’de i kötumit.

¹⁶ A Elisa kulyani adi, Ko diŋit na kiŋa gwoso na mo a po köti, a do mo ’debbi ŋuro. A nu ŋuto kulyani adi, ’Bayin, pon duma lio ŋuto lo Ŋun; ko mumulugga nan köliŋönit inot.

¹⁷ Ama a nu ŋuto piŋge pigga, a ta ’duuŋdye ŋuro i nu diŋit i kiŋa tomurek lonyit, gwoso na takiŋdye Elisa lepeŋ nu.

¹⁸ A lu ŋuro ’dupe ’duŋö, a gwe sona i lele lor, a nye iti ko monye yu na gwoŋdi lepeŋ i melesen ko kaperak i pirit na geleŋ nu.

¹⁹ A nye gwiki ko monye adi. A, kwe nio mimien! A, kwe nio mimien! A monye kulyani ko köliŋönit lonyit lo adi, ’Doke lepeŋ ko ŋote yu.

²⁰ A nagon nye aje ’duku-ŋdyö lepeŋ nu, a joŋgi lepeŋ ko ŋote yu, a lu ŋuro si ’dani ko ŋote i mugun tojo ko tuparan kiden, a nye twane twan.

²¹ A ŋote kiyaddi ki, a topiriki-ŋdye lepeŋ i dotoet na ŋuto lo Ŋun na, a kinikiŋdye lepeŋ kadi, a iti kapo.

²² A nye luŋgi lalet lonyit a kulyani adi, Sunyuki nan lele köliŋönit ko nene kaine, anyen nan böpö rumara ko ŋuto lo Ŋun yu, a yitwene bot köti.

²³ A lalet lonyit pije lepeŋ adi, Nyo do ’dek tu ko lepeŋ yu i lo lor? Na diŋit ’bayin a yapa wilo kode sabata. A nye waddi adi, De gwon a na ’but.

²⁴ A nye toŋi kaine, a kulyani ko köliŋönit lonyit lo adi, Rurumaddi kaine; an do ko wöggiri nan madaŋ tojo ko nan a takin do.

²⁵ A nye piörö piörö, a ’dure ko ŋuto lo Ŋun yu i mere Karmela. A ŋuto lo Ŋun ko metuŋdye lepeŋ popo, a nye kulyani ko Geaji köliŋönit lonyit adi, Meddi, ŋuto na Sunem na manu;

²⁶ woki ’de ’de boŋö i rum ko lepeŋ, ko pine lepeŋ kode lepeŋ ŋona a na ’but, kode lalet lonyit se ko ŋuro lonyit a lo ’but köti. A nu ŋuto waddi adi, Yi a lo ’but.

²⁷ A lepeŋ ko ’dure i mere ko ŋuto lo Ŋun yu, a nye morgi mokosi kanyit. A Geaji mijörö nyona i dukaddu na lepeŋ kaŋo. Ama a ŋuto lo Ŋun kulyani adi, Kölöki lepeŋ, kogwon lepeŋ gwon ko delya a duma, ama MATAT a ’de ’ya ŋina po köyö, a gwe a ko takin nan.

²⁸ A nu ŋuto kulyani adi, Nan köju a piyuŋdya ŋuro konut pon duma lio? Nan köju a ko kulya le adi, Ko mumulugga nan?

²⁹ A ŋuto lo Ŋun kulyani ko Geaji adi, Ruŋge boŋgo inot a do toŋi toŋa, ko ’dumuŋdye ture lio ko iti. A ko do a rum ko lele ŋuto, an do ko roman ko lepeŋ; a ko lele ŋuto a roman ko do. anyen se nyenyesu. A nene ŋo naron gwe ’bayin i pilu mu ’da. an do ko ruggö; a do topirikiŋdye ŋilo ture lio ko lu ŋuro i komor.

³⁰ A ŋote ŋuro kulyani adi, ’Diri Wak gwoso na gwoŋdi MATAT na, ko gwoso na gwoŋdi do ko mugun inot na, nan ti kölökin do. A Elisa pine ŋien a kepoddi lepeŋ.

³¹ A Geaji iti ŋerot a topirikiŋdye ture i loki na komor na lu ŋuro, ama a ŋuro tine jambu kode yiŋga. Nyenagon a nye yitwene i rum ko Elisa, a takiŋdye lepeŋ adi, Ŋuro lu a ko paun.

³² A Elisa ko lupöni kadi, a nye meddi ŋuro a twan a topiriki kanyit i dotoet.

³³ A nye lupöni lukata a kinuddi ’börik kadi se murek, a momo ’yi MATAT.

³⁴ a nye kije i dotoet, a pirikine ko lu lupudi loki, a tiŋdi kutuk nanyit i kutuk na lepeŋ, ko konyen kanyit i konyen ti lepeŋ, ko könisi kanyit i könisi ti lepeŋ, a nagon nye mumuju mugun ko lepeŋ loki nu, a mugun na ŋuro yuke yuk.

³⁵ a Elisa pine ki, a wöröni wörö daŋ geleŋ i kadi lukata; a nye kije i dotoet a muji mugun ko ŋuro loki köti; a ŋuro yöpiŋge yöpiŋgö dapin buryo, a paji konyen kanyit.

³⁶ A Elisa luŋgi Geaji, a kulyani ko lepeŋ adi, Lupe ŋuto na Sunem nu. A nye luŋgi lepeŋ. A nu ŋuto poŋdi ko Elisa ni, a Elisa kulyani ko lepeŋ adi, ’Doggi ŋuro ilot.

³⁷ a nu ŋuto poŋdi po a ’dorone ko Elisa i mokosi, a dulakiŋdye mugun kak; a kirut nye ’dukuŋdye ŋuro lonyit lo a iti kapo. Elisa a koŋdya kunie sörösi

³⁸ A Elisa köti yitwene Giligala, a dyap gwe kata i pilu jur. A nagon teŋ na nebijin sisi ’da kanyit i komor nu, a nye kulyani ko kölipönit lonyit lo adi, ’Dukuki mu ’da duma lo i kimaŋ, ko deraki kilo ŋutu ti teŋ na nebijin ’döti.

³⁹ A lele lose iti mu ’diŋ i ’de ’deja na ’döti, a nye ryeji kö ’di lo ŋun mu ’diŋ, a ’de ’deuŋdye ludweki kanyit logon tojoreju boŋgo nanyit, a nye poŋdi po, a ’du ’duŋökiŋdye i mu ’da lo ’döti lo kata; a lepeŋat gwe a ko den ko se a nyo.

⁴⁰ A se ’yilakiŋdye kulu ŋutu i nyesu. A gwe sona nagon se nyesu ’döti nu, a se luluje lulujö adi, Wöidiö, pon ŋuto lo Ŋun! Twan kata i lo mu ’da. A se tine bulö nyesu nu ’döti kwöŋ.

⁴¹ A nye kulyani adi, Nyena jo ta ’bolot. A nye ’bukokiŋdye kunu ’bolot i mu ’na kata, a kulyani adi, ’Yilaki ta kilo ŋutu

⁴² A lele ŋuto lo poŋdi Bala-salisa, jakiŋdya ŋuto lo Ŋun ambata na tetena ko kinyojin wapesi ti kokwe, kweja adi ambatajin merya murek ti ’bolot saora se ko kwe na ’bolot kanyit i jurak. A Elisa kulyani adi, Tiki kilo ŋutu anyen se nyenyesu.

⁴³ Ama a köliŋönit lonyit kulyani adi, Nan bubulö tiŋdu kine ŋo ada ko ŋutu mia geleŋ i komor? A Elisa köti kulyani adi, Tiki kilo ŋutu anyen se nyenyesu, kogwon MATAT lo kulya sona adi, Se de nyenyesu a kunie pituŋdye pituŋdyö.

⁴⁴ A nye tiŋdi kase i komor, a se nyesi nyesu, a kunie iŋge pituŋdyö gwoso na kulyari MATAT na.