2 Moran 25 - Bibilia Buk na Ŋun nagon koti luŋu a

Yerusalema a tela

¹ A i kiŋa tobu-pwan na gwoŋdi lepeŋ a kasaranit nu, i yaŋa topuök, i perok puök ti ŋilu yaŋa, a Nebukadanesar mor lo Babela poni ŋo ko kamörök kanyit liŋ i mörö ko Yerusalema, a se ’beggi mera nase nyu. A se teteŋdi takajin najo ki a tumesi ti ŋinu köji.

² Nyena a ŋinu köji iŋge tuma tojo ko kiŋa topuök wot geleŋ na gwoŋdi Sedekia a mor nu.

³ A i perok buŋwan ti yaŋa toiŋwan na gwoŋdi dyaŋ a duma parik köji nu, a kinyo lo ŋutu ti jur gwe ’bayin.

⁴ A gorom nagon a mariŋ na köji iŋge Turo ko merok; a mor se ko kamörök liŋ wöki wökön kwaje a tiri kötumit na gwon i kiden na goro-ma murek, na gwon nyona ko melesen na mor, ma ’di nagon ŋutu ti Kaledea a lorga ŋinu köji. A se iti i kiko lo tu Araba.

⁵ Ama a kamörök logon a ŋutu ti Kaledea kulo riköddi mor, a woggi lepeŋ i ’daran ti Yeriko; a kamörök kanyit liŋ reara kaŋo ko lepeŋ.

⁶ A se morgi mor, a joŋgi lepeŋ tojo ko mor lo Babela Ribila yu. A mor lo Babela ’duŋökiŋdye lepeŋ putet.

⁷ a se tatuje ŋwajik ti Sedekia kanyit i komor, a tomo ’dokeji Sedekia, a toŋi lepeŋ ko toŋot, a joŋgi lepeŋ tojo ko Babela. Ŋutu ti Yuda a momokaji a ’dupi

⁸ A Nebujaradan ŋoŋdi Yerusalema i perok buryo ti yaŋa tomukanat. (Ŋilu kiŋa köju gwon a topuök wot buŋwan na gwoŋdi Nebukadanesar a mor lo Babela nu.) Ŋilo ŋuto a köliŋönit lo mor lo Babela ko a duma lo katiyuk kanyit.

⁹ A nye ’yuŋe kadi na MATAT, ko kadi na mor, ko kadijik liŋ ti Yerusalema; iŋkoi, nye a ’yur kadijik dumalak liŋ.

¹⁰ A kamörök liŋ ti Kaledea logon gwon ko lu duma lo katiyuk kulu, duyömbi goroma nagon lolorga Yerusalema kune.

¹¹ A Nebujaradan duma lo katiyuk joŋgi pitönö ti ŋutu logon a kölöki i ŋinu köji kulu, ko ŋutu logon a ko ’yu ŋutu kase ko a yuörö ko mor lo Babela yu, se ko pitönö ti yodom na ŋutu liŋ i pirit na geleŋ.

¹² Ama lu duma lo katiyuk a kolokin kulye ŋutu ti jur logon a lomerika parik, anyen gwon a kakuruk ti kaden ti binyo ko a kakuruk ti meleseno.

¹³ A ŋutu ti Kaledea gwagwalaggi togwi ’diesi logon a tetena ko mölwö, logon gwon i kadi na MATAT kulo, ko gwo ’diesi ti mu ’dajin lalaesi, ko ŋo gwoso ŋoŋo na tetena ko mölwö nagon gwon i kadi na MATAT kune, a se joŋgi kine mölwö tojo ko Babela.

¹⁴ A se joŋgi yekes ’i ti kurök, ko korekan, ko walya, ko ’yulukutan ti bökur, se ko toro ’bo liŋ logon a tetena ko mölwö, logon a kitarikin i kita na kadi na MATAT kulo.

¹⁵ A duma lo katiyuk joŋgi ta ’do-ka se ko kalabajin, kweja adi ŋo liŋ nagon a tetena ko dakap ko ŋo liŋ nagon a tetena ko pödö kune.

¹⁶ Ama togwi ’diesi murek ko ŋo gwoso ŋöpo geleŋ ko gwo ’diesi ti mu ’dajin lalaesi logon Solomona köju a tetenakin kadi na MATAT kulu, mölwö nagon tetenarikin kilo toro ’bo liŋ nu ti bulö tema asut.

¹⁷ A tojolan na togwi ’diet geleŋ gwe a lokiliŋan puök wot budök, a muket na tetena ko mölwö gwe i loki na ŋilo togwi ’diet; a tojolan ki na nu muket gwe a lokiliŋan musala; a ŋo gwoso birya se ko ludweki ruman gwe i loki na nu muket a loloresi. Kilo ŋo liŋ a tetena ko mölwö. A togwi ’diet tomurek gwe jojo, ko köti gwon ko birya.

¹⁸ A duma lo katiyuk morgi Seraya koane duma, ko Jepania yumi lonyit, se ko katiyuk musala ti kötumit na kadi na MATAT;

¹⁹ a nye morgi lele duma lo kamörök köji yu, se ko ŋutu mukanat logon a kajujuwak ti mor logon a rye nyu kulu. A nye köti morgi kawurönit lo duma lo kamörök, logon köju a luŋgu ŋutu ti jur i mörö; se ko ŋutu ti jur merya buker logon a rye köji kata kulu.

²⁰ A Nebujaradan duma lo katiyuk momorgi lepeŋat a joŋgi se tojo Ribila ko mor lo Babela yu.

²¹ A mor lo Babela tiŋdi se i ’bito a tatuje se Ribila yu i jur lo Kamat. Nyena a ŋutu ti Yuda iŋge momokaji kaŋo kase i jur a ’dupi a jopani tojo i lele jur.

Pitönö ti ŋutu a wökön Ejipeto

²² A Nebukadanesar mor lo Babela tiŋdi Gedalia ŋuro lo Akikam logon a ŋuro lo Sapana i gwon a kasaranit lo ŋutu logon nyuŋ kata i jur lo Yuda, logon nye a kölökiŋdyo nyu kulu.

²³ a na yiŋge dumalak liŋ ti teŋon ti kamörök se ko ŋutu kase lo gwon mu ’diŋ kulu adi mor lo Babela aje tiŋdu Gedalia i gwon a mödir nu, a se ŋoŋdi ko ŋutu kase tojo ko Gedalia Misepa yu. A karin ti kilo dumalak ti kamörök gwe a ko Yisamaele ŋuro lo Netania, ko Yokanan ŋuro lo Kareak, ko Seraya ŋuro lo Tanakumet lo ŋo Netopa, ko Yajania ŋuto lo ŋo Maka.

²⁴ A Gedalia saŋi se go se ko ŋutu kase adi, Ko kujönö ta kogwon kulya ti kamemetak logon a ŋutu ti Kaledea; si ’dani ta i ŋilo jur, ko kitakiŋdye ta mor lo Babela, a mo gwe a na ’but kasu.

²⁵ A gwe sona, i yaŋa toburyo a Yisamaele ŋuro lo Netania logon a ŋuro lo Elisama ŋoŋdi se ko ŋutu puök, a möröni ko Gedalia, a tatuje lepeŋ se ko Yudayaki, ko ŋutu ti Kaledea logon gwon ko lepeŋ Misepa yu kulu. nilo Yisamaele a karutyo lo mor.

²⁶ A kirut ŋutu liŋ lo ’di ’dik ko temejik, se ko dumalak ti kamörök piörö Ejipeto; kogwon se kukujönö ŋutu ti Kaledea.

Yeyoyakin a yukwe a iŋge bula Babela yu

²⁷ A i kiŋa tomerya musala wot buryo na gwoŋdi Yeyoyakin mor lo Yuda a ’dupiet nu, i yaŋa topuök wot murek i perok merya murek wot buryo ti pilu yaŋa, a Ewili-merodak mor lo Babela yukuŋdye Yeyoyakin mor lo Yuda kaŋo i kadi rereket, i kiŋa lo suluje nye gwon a kasaranit lu.

²⁸ A mor lo Babela jambi ko lepeŋ ’bura, a tiŋdi si ’daet nanyit ki lwölwöŋ si ’daesi ti moran lo gwon ko lepeŋ Babela yu kulu.

²⁹ A Yeyoyakin rusuŋdye boŋgwat na juŋ nye i kadi rereket kune kaŋo. A nye ŋupi nyesi i misa na mor i perok liŋ ti gwiliŋit nanyit,

³⁰ a mor korakiŋdye lepeŋ koret nanyit temba i lor i perok liŋ ti gwiliŋit nanyit.