2 Moran 24 - Bibilia Buk na Ŋun nagon koti luŋu a

¹ A i perok ti Yeyoyakim, Nebukadanesar mor lo Babela poni ŋo, a Yeyoyakim gwe a ’dupiet lonyit ko kiŋajin musala; a nye kirut lopuŋge löpuggö, a renyani sara ko lepeŋ.

² A MATAT soŋdi teŋon ti ŋutu ti Kaledea, ko teŋon ti ŋutu ti Suria, ko teŋon ti ŋutu ti Moaba, ko teŋon ti ŋutu ti Amon i mörö ko Yeyoyakim, a soŋdi se i mörö ko jur lo Yuda i tukaŋu na lepeŋ gwoso kulyaet lo MATAT logon nye a kulyari ko köliŋönök kanyit nebijin i kutusen.

³ A ŋina ŋo ’diri iŋge ŋokin i jur lo Yuda gwoso saret lo MATAT i wusaddu na lepeŋat kaŋo kanyit i metet, kogwon toronjin ti Manase, gwoso i ŋo liŋ nagon nye a kon kunu,

⁴ ko köti kogwon rima na ko dumalak kanyit ti kadi, ko ŋutu temejik ti jur, a nye wusaddi se kaŋo Yerusalema tojo ko Babela i gwon a ’dupi.mamaŋa nagon nye a ’buköddu; kogwon nye a tojoreju Yerusalema ko rima na mamaŋa, a MATAT tine pitö-kiŋdyö.

⁵ A pitönö ti konesi ti Yeyoyakim ko ŋo liŋ nagon nye a kon, kine ’bayin a se nagon a wuröki i Buk na Dekat ti moran ti Yuda le?

⁶ A Yeyoyakim nukakine ko merenyejin kanyit i merete, a Yeyoyakin ŋuro lonyit lo ruddye tumatyan nanyit.

⁷ A mor lo Ejipeto tine ŋo kaŋo köti kanyit i jur, kogwon mor lo Babela aje riŋaddu ŋo liŋ nagon a ti mor lo Ejipeto, suluja i Loro lo Ejipeto tojo ko kare Perat.

Yeyoyakin se ko kimak a Joŋa Babela a ’dupi

⁸ A Yeyoyakin gwe ko kiŋajin puök wot budök na suluje nye gwon a mor nu, a nye saŋi Yerusalema yu ko yaŋa la musala. A karin ti ŋote nanyit gwe a Nekusita ŋuro na Elenatana lo Yerusalema.

⁹ A nye koŋdi ŋo nagon a naron ko MATAT i metet, gwoso i ŋo liŋ na kon monye lonyit kunu.

¹⁰ A i nu diŋit a köliŋönök ti Nebukadanesar mor lo Babela poni Yerusalema, a ŋinu köji tumani tuma.

¹¹ A Nebukadanesar mor lo Babela poni tojo ko köji, i diŋit nagon köliŋönök kanyit gwon i tumba na ŋinu köji ŋu;

¹² a Yeyoyakin mor lo Yuda pakiŋdye mugun ko mor lo Babela, se ko ŋote nanyit, ko köliŋönök kanyit, ko kimak kanyit, ko dumalak ti kadi nanyit. A mor lo Babela joŋgi lepeŋ a lo rereka i kiŋa tobudök na gwoŋdi lepeŋ a kasaranit nu,

¹³ a nye yekaddi kaŋo tukwörien na ’dela ti kadi na MATAT, ko tukwörien na ’dela ti kadi na mor; a nye gwagwalaggi toro ’bo liŋ logon a dakap lo gwon i kadi na MATAT, logon Solomona mor lo Yisaraele a teten kulu, gwoso na keŋ MATAT nu.

¹⁴ A nye joŋgi ŋutu liŋ ti Yerusalema kaŋo, ko kimak liŋ, ko ŋutu walan liŋ, kweja adi ŋutu lo momokaji aliŋan puök, se ko ŋutu liŋ logon a bodwat ko tomonok; a lele gwe a ko kölöki, ka ’de ŋutu logon a lomerika ti ŋilu jur.

¹⁵ A nye joŋgi Yeyoyakin tojo ko Babela; se ko ŋote mor, ko wate ti mor.

¹⁶ A mor lo Babela joŋgi ŋutu walan liŋ aliŋan buryo kulo, se ko bodwat ko tomonok aliŋ geleŋ, logon a ŋutu iŋgo liŋ lo jujukin gwon a kamö-rök. A nye joŋgi se tojo ko Babela anyen gwon a ’dupi.

¹⁷ a mor lo Babela tiŋdi Matania luŋaser monye Yeyoyakin, i ruddya na lepeŋ a mor, a lopuŋge karin kanyit a Sedekia.

Sedekia a mor

¹⁸ A Sedekia gwe ko kiŋajin merya murek wot geleŋ na suluje nye gwon a mor nu, a nye saŋi Yerusalema yu ko kiŋajin puök wot geleŋ. A karin ti ŋote nanyit gwe a Kamutala, ŋuro na Yeremia lo Libina.

¹⁹ A nye koŋdi ŋo nagon a naron ko MATAT i metet, gwoso i ŋo liŋ na kon Yeyoyakim köju kunu.

²⁰ A kine kulya iŋge ŋokin Yerusalema se ko Yuda kogwon se a towoŋa MATAT tojo ko nye a riköddu se kaŋo kanyit i komor.