2 Moran 20 - Bibilia Buk na Ŋun nagon koti luŋu a

Gilö na Kijikia

¹ A i kilu perok a Kijikia ŋiloni ŋilo a gwe nyona ko twan. A nebi Yisaya ŋuro lo Amosa ŋoŋdi ko lepeŋ ni, a kulyani ko lepeŋ adi, MATAT lo kulya sona adi, Saŋi mede inot; kogwon do lo twane twan, a do mo tine ru köti.

² A Kijikia wöriŋöddi komor nanyit i swöt lo gorom, a momo ’yi MATAT adi,

³ Pon MATAT, böŋö yiyiuŋdye sopinana ko nan a wörö konut i komor ada ko to ’diri se ko töili liŋ, nan aje koŋdya ŋo nagon a na ’but konut i komor. A Kijikia gwine gwien parik.

⁴ A gwe sona, i ŋerot nagon Yisaya a ko nyuŋ tu kaŋo i mariŋ na gwon i kiden na mede na mor nu, a kulyaet lo MATAT ŋoki ko lepeŋ adi,

⁵ Yitöni bot, ko taki Kijikia kasaranit lo ŋutu kwe adi, Nan MATAT Ŋun lo Dawidi merenye ilot lo kulya sena adi, Nan aje yiŋ momolesi kunök, ko nan aje met politan kunök; mete, nan de totoke do; a i perok musala a do mo iti i kadi na MATAT.

⁶ A nan mo ’yalakiŋdye kiŋajin puök wot mukanat i perok kulök. A nan mo ripuŋdye do se ko ŋina köji kaŋo i könin lo mor lo Asura, a mo gaji ŋina köji kogwon kulya kwe ko köti kogwon kulya ti Dawidi köliŋönit liŋ.

⁷ A Yisaya kulyani adi, Jo ta ludweki ti ki ’biet lo nunutu, ko ti se welakiŋdye i körurutöt anyen nye papaun.

⁸ A Kijikia pije Yisaya adi, A nyo mo na gwe a kweyet adi MATAT mo totoke nan, ko köti adi nan mo tutu i kadi na MATAT i perok musala?

⁹ a Yisaya nyobbi adi, Na a kweyet inot ko MATAT, anyen kwekiŋdya adi nye mo koŋdya na ŋo na kulyari nye na; adi, Do ’de ’dekan ti tölimöt iti ŋerot kiyesi puök koae ti yitöni bot kiyesi puök?

¹⁰ A Kijikia waddi adi, Gwon a ŋo ŋölilyö i tölimöt i tu ŋerot kiyesi puök; bia ti tölimöt yitöni bot kiyesi puök.

¹¹ A nebi Yisaya gwiki ko MATAT; a nye nyököddi tölimöt bot kiyesi puök i diŋit nagon kolor a ’dororo kak i kiyet na Akaja nu.

Kijikia a wuju luyökie ti mor lo Babela

¹² A i nu diŋit Merodak-baladan ŋuro lo Baladan, mor lo Babela, a yökiöddu ŋutu ko Kijikia yu ko wara-galan ko ’doket; kogwon nye a yiŋ adi Kijikia köju a ŋilo.

¹³ A Kijikia wuji se ko lyöŋön; a lepeŋ kwekiŋdye se kadi na ’delarikin tukwörienjin kanyit liŋ, ko pödö, ko dakap, ko welesi na momon ’bura, ko welet na ’but, ko kadi ’delet na tito möriesi kanyit, ko ŋo liŋ na ryerye kanyit i kadijik ’delesi. A nene ŋo gwe ’bayin kanyit kadi kode kanyit i tumatyan liŋ nagon Kijikia a ko kwe-kin lepeŋat.

¹⁴ A nebi Yisaya poni ko mor Kijikia ni, a pije lepeŋ adi, Kilo ŋutu a kulya adi nyo? Se ŋo ya konut ni? A Kijikia waddi adi, Se a ŋo i jur lo pajo, i Babela.

¹⁵ A nye pije adi, Se a meddya nyo konut kadi? A Kijikia waddi adi, Lepeŋat a meddya ŋo liŋ na gwon köyö kadi kune; a nene ŋo gwe ’bayin i kadijik kwe ’delesi nagon nan a ko kwekin se.

¹⁶ A Yisaya kulyani ko Kijikia adi, Yiŋge kulyaet lö MATAT, adi,

¹⁷ Mete, perok mo ŋoŋo nagon ŋo liŋ na gwon konut kadi, se ko ŋo nagon merenyejin kulök aje ’delakin tojo ko lo lor kune mo yekaji tojo ko Babela; a nene ŋo mo tine pituŋdyö, MATAT lo kulya.

¹⁸ A kulye ŋwajik kulök logon a yupweki do kulo mo jopani kaŋo; a se mo konani a ŋutu ’bapin i kadi duma na mor lo Babela.

¹⁹ A Kijikia kulyani ko Yisaya adi, Kulyaet lo MATAT logon do a nyönyök ŋilo a lo ’but. Kogwon nye a yeyeju adi, A na ’but ko ködyö perok kwe gwon ko taliŋ ko ’bak yöyöŋesi, ti gwon sona le?

Twan na Kijikia

²⁰ A pitönö ti konesi ti Kijikia ko riŋit nanyit liŋ, ko teteŋdya nanyit na jor ko kiko wökiet lo pioŋ logon joŋdya pioŋ i köji, kine ’bayin a se nagon a wuröki i Buk na Dekat ti moran ti Yuda le?

²¹ A Kijikia nukakine ko merenyejin kanyit i merete, a Manase ŋuro lonyit lo ruddye tumatyan nanyit.