2 Moran 19 - Bibilia Buk na Ŋun nagon koti luŋu a

Yuda a lwökö i könisi ti Sanakeriba

¹ A gwe sona, na yiŋge mor Kijikia kine kulya nu, a nye kekereŋdi boŋgwat kanyit, a jupukiŋdye boŋgwat terekesi kanyit i mugun, a luŋoni i kadi na MATAT.

² A nye soŋdi Eleyakim duma lo kadi nanyit, ko Sebena kawurönit, se ko lokukwön ti koanejin tojo ko nebi Yisaya yu ŋuro lo Amosa. Kilo ŋutu a jupu ko boŋgwat terekesi.

³ A se kulyani ko lepeŋ adi, Kijikia lo kulya sona adi, Lo lor a lor delyaet ko a riŋet, ko a lo yu na kwe; kogwon ŋwajik a temakiŋdya i ta ’due, ama a riŋit ta ’duet gwe ’bayin.

⁴ Kode ŋona MATAT Ŋun ilot a yiŋ kulyaesi liŋ ti Rabasake, logon duma lonyit mor lo Asura a sunyukin lepeŋ i ’dö ’döju na Ŋun lo gwon jörun lo, a nye MATAT Ŋun ilot mo riŋge kulyaesi logon nye a yiŋ; nyenagon momo ’yi parik kogwon pitönö lo pituŋdyö.

⁵ A köliŋönök ti mor Kijikia ko ’dure ko Yisaya yu,

⁶ a Yisaya kulyani ko lepeŋat adi, Taki ta duma losu adi, MATAT lo kulya sona adi, Ko kujönö kulyaesi logon do a yiŋ, logon köliŋönök ti mor lo Asura a momoroji nan kilo.

⁷ Mete, nan mo tiŋdu köbuŋöt ko lepeŋ lukata, a nye mo yiŋge lore kana, a mo yitöni kase i jur, a nan mo tiŋdi lepeŋ i tatua ko baŋdu kase i jur yu.

⁸ A Rabasake yitöni bot, a tu ryejimor lo Asura mömörö ko Libina; kogwon nye a yiŋ adi mor a ŋiörö kaŋo Lakisa.

⁹ A mor ko yiŋge kulya ti Tiraka mor lo Etiopia adi, Mete, nye a tu kaŋo i mörö ko do, a köti nye yökiöddi ŋutu ko Kijikia yu adi,

¹⁰ Ta mo jambu ko Kijikia mor lo Yuda sona adi, Ti Ŋun ilot logon do yinikiŋdyö mugun ko lepeŋ lo, gwe ti mumulugga do adi, Yerusalema mo ti tiki i könin lo mor lo Asura.

¹¹ Mete, do aje yiŋ ko ŋo a nyo nagon moran ti Asura aje konakin i jurön liŋ, i tukaŋu na lepeŋat asut. Do mo lwölwökwe le?

¹² ŋunyen ti jurön köju a lwöggu lepeŋat le, jurön logon kobaba a tukar kulu logon a ko Gojan, ko Karan, ko Resep, ko ŋutu ti Edene logon si ’da Telasar?

¹³ Liya mor lo Kamat, ko mor lo Arpada, ko mor lo köji na Separawayim, se ko mor lo Ena, kode mor lo Lwa?

¹⁴ A Kijikia wuji waraga ko kulu luyökie i könisi, a keŋdi lepeŋ; a Kijikia iti tojo ko kadi na MATAT, a petakiŋdye lepeŋ ko MATAT i komor.

¹⁵ A Kijikia momo ’yi momo ’yu ko MATAT i komor adi, Pon MATAT Ŋun lo Yisaraele, logon sisi ’da i kerubajin loki, do logon a Ŋun lo tumatyanjin liŋ ti kak, iŋkoi do geleŋ; do a gweja ko ki ko kak.

¹⁶ Ŋaji swö kulok ŋon MATAT, ko yiŋge; ŋaji konyen kulök ŋon MATAT, ko meddi; ko yiŋge kulyaesi ti Sanakeriba, logon nye a sunyukin i ’dö ’döyö-rikin na Ŋun lo gwon jörun lo.

¹⁷ Pon MATAT, ’diri moran ti Asura aje ryaggu jurön liŋ ko kak jin kase,

¹⁸ se aje gubakin ŋunyen kase i kimaŋ; kogwon kulu ti gwon a ŋunyen gwak, ama ŋutu lo teteŋdya ko könisi kase, se a kaden ko a ŋuruŋö; nye ŋina kwe nagon lepeŋat a tukara.

¹⁹ Nyena soŋinana ŋon MATAT Ŋun likaŋ, böŋö lwöki yi i könin lonyit, anyen tumatyanjin liŋ ti kak böŋo kuruŋdyö adi do ŋon MATAT, logon a Ŋun geleŋ tuŋ.

²⁰ A Yisaya ŋuro lo Amosa sunyukiŋdye Kijikia lore adi, MATAT Ŋun lo Yisaraele lo kulya sona adi, Nan a yiŋ molet ilot i kulya ti Sanakeriba mor lo Asura.

²¹ Sekilo kulyaesi logon nan MATAT a jambu i kulya ti lepeŋ adi: Köji na Siona a lauŋdya do, ko a ’do ’döju do; köji na Yerusalema a ’doggu kwe ki konut i mukök.

²² Do a kweni ’ye pa ko a momoröju pa? Do a ’bilikin gworo ilot ki ko pa? Do a boŋga pa ko towo ’dupan na konyen kulök? Kweja adi do a konakiŋdya pilu Loke lo Yisaraele!

²³ Do a kweni ’ye MATAT i luyökie kulök, a do aje kulya adi, Nan a tu ki ko arabiajin kwe jore tojo i kusik ti merya, tojo i lukata liŋ na Libanon; a nan tukukiŋdye kak kaden lojo lo totopuŋdya logon gwoso tika kulo, ko kaden saru lo wulwe; a nan ŋoŋdi tojo ko ko ’du nanyit na ’dutet, ko i rudu lonyit lo ’di ’dija go.

²⁴ A nan ’boggi kidia, a nan möji pioŋ ti Lwaka, a nan toliliŋge luruki liŋ ti Ejipeto ko ’dapan ti mokosi kwe.

²⁵ Do a ko yiŋ adi, Nan a teteŋdya kine kulya köju ’beron nu le? Suluja i perok ti ’beron kulu nan a yeyeju koŋdya kine kulya na kon nan sopinana kine, adi do mo ryaggu köjinö na gwon ko maripan tojo i torubaju na se a sudiet,

²⁶ a ŋutu kase lo sisi ’datu nyu kulu gwe ’bak riŋit, a delyani delya, a yune yu kusik, a se worani gwoso döru lo mu ’diŋ ko gwoso ’dötilön lorem, gwoso döru lo pun i kadijik loki, gwoso ’bolot logon a tolilika ko köbuŋöt nagon se nyuŋ a lomunyak, adi ’bon ’bon nu.

²⁷ A nan deŋdi si ’daki inot kak, ko tu inot kaŋo, ko lupe inot lukata, ko woran inot ’dö ’döyit na nan.

²⁸ Kogwon do a woran ko nan ko ’dö ’döyit, a kulya ti bu ’ya inot na mugun iŋge ’dur köyö i swö, a nan mo rukökiŋdye reyat nio konut i kume a mo kwakakiŋdye witi liŋ konut i kutuk, a nan mo tuwöriŋöddi do bot i lu kiko lo ŋoŋdi do lu.

²⁹ A na mo gwe a kweyet konut: ta mo nyesu ŋo nagon a punun ka ’de i lo kiŋa, a i kiŋa tomurek lonyit a ta mo nyesi ŋo na wilun i kinu ŋo; ama i kiŋa tomusala, weji ta, ko peŋi ta, ko ’yuddi ta luköbiöt ti kaden ti binyo ko nyesi ta ludweki kase.

³⁰ A pitönö ti ŋutu lo pituŋdyö ti kötumit na Yuda kulo mo köti ’bekoddi kokori kak a mo rade ludweki ki;

³¹ kogwon pitönö mo tu kaŋo i Yerusalema, se ko ŋutu lo lwö-köddu ’börik i mere Siona. A pusök na MATAT mo na koŋdi kine kulya.

³² Nyenagon a MATAT jambi sona i kulya ti mor lo Asura adi, Nye mo ti ’dur i na köji, kode ŋoroddu lowe nyin, kode ŋo kanyit i komor ko ’buku gayet, kode ’du ’dulukiŋdya ’dome duma lo liŋo anyen mörö ko lepeŋ.

³³ A nye mo yitöni i kiko lo pori lepeŋ lu; a nye mo tine luŋö i pira köji, nan MATAT lo kulya.

³⁴ Kogwon nan mo gaju ŋina köji i lwöggu na lepeŋ, kogwon kulya kwe se ko kulya ti köliŋönit liŋ Dawidi.

³⁵ A i pilu tukwaje a malaikatat lo MATAT iti kaŋo, a tatuje ŋutu aliŋan mia geleŋ ko merya budök wot mukanat i mera na ŋutu ti Asura; a ko ŋutu a ŋien ki ko ’bure kobubut, mete, kilo liŋ gwe a lutwatwa.

³⁶ A Sanakeriba mor lo Asura wusaddi kaŋo a iti mede, a si ’dani Ninewe.

³⁷ A ko gwe sora, na kwakwaddi lepeŋ i kadi na pun lonyit Niserök nu, a Adaramelek ko Sareser ŋwajik kanyit tatuje lepeŋ ko baŋdu; a se lwököddi ’börik tojo ko jur lo Ararat. A Esar-kadon ŋuro lonyit lo ruddye tumatyan nanyit.