2 Moran 13 - Bibilia Buk na Ŋun nagon koti luŋu a

Yeyoakaja a mor

¹ A i kiŋa tomerya murek wot musala na gwoŋdi Yöasa ŋuro lo Akajia a mor lo Yuda nu, a Yeyoakaja ŋuro lo Yeu suluje gwon a kasaranit lo Yisaraele Samaria yu, a nye iŋge saŋu ko kipajin puök wot buryo.

² A nye koŋdi ŋo nagon a naron ko MATAT i metet, a kepoddi toronjin ti Yerobama ŋuro lo Nebat nagon nye a tiŋdi Yisaraele i toroŋdya kune; a nye tine kö ’yu se kwöŋ.

³ A woran na MATAT tulekiŋdye ko Yisaraele, a nye yepe tiŋdu se i könin lo Kajaele mor lo Suria ko i könin lo Ben-adada ŋuro lo Kajaele.

⁴ A Yeyoakaja momo ’yi MATAT parik, a MATAT yiŋge lepeŋ; kogwon nye aje met ruda na ŋutu ti Yisaraele nagon mor lo Suria a ru ’ye lepeŋat na.

⁵ (Nyenagon a MATAT tiŋdi ŋutu ti Yisaraele kalwökönit lo lwököddu lepeŋat kaŋo i könisi ti ŋutu ti Suria; a ŋutu ti Yisaraele si ’dani kase i midijik gwoso na ’beron nu.

⁶ Ma ’di sona se a ko kö ’yu toronjin ti kötumit na Yerobama nagon nye a tiŋdi Yisaraele i toroŋdya kune, ama a se wöröni i kine toronjin; a kaden ti mian logon a Asera köti nyuŋ gwon kata Samaria.)

⁷ Kogwon MATAT a ko pitokin Yeyoakaja ŋutu kamörök kanyit lwölwöŋ kajopak ti kusanjin merya mukanat ko arabiajin lo jijikö puök ko kamörök lo wörö ko mok aliŋan puök; kogwon mor lo Suria a togirökin lepeŋat a tiŋdi se i gwon gwoso liŋ we ti pirit gwutet na ’bolot.

⁸ A pitönö ti konesi ti Yeyoakaja ko ŋo liŋ nagon nye a kon, ko riŋit nanyit, kine ’bayin a se nagon a wuröki i Buk na Dekat ti moran ti Yisaraele le?

⁹ A Yeyoakaja dotoni ko merenyejin kanyit, a se nuŋge lepeŋ Samaria; a Yeyoasa ŋuro lonyit lo ruddye tumatyan nanyit.

Yeyoasa a mor lo Yisaraele

¹⁰ A i kiŋa tomerya musala wot buryo na gwoŋdi Yöasa a mor lo Yuda nu, a Yeyoasa ŋuro lo Yeyoakaja suluje gwon a kasaranit lo Yisaraele Samaria yu, a nye iŋge saŋu ko kiŋajin puök wot buker.

¹¹ A nye köti koŋdi ŋo nagon a naron ko MATAT i metet; a nye gwe a ko kö ’yu toronjin ti Yerobama ŋuro lo Nebat nagon nye a tiŋdi Yisaraele i toroŋdya kune, ama a nye wöröni i kine toronjin.

¹² A pitönö ti konesi ti Yeyoasa, ko ŋo liŋ nagon nye a kon kune, ko riŋit nanyit nagon nye a mörö-ni ko Amajia mor lo Yuda na, kine ’bayin a se nagon a wuröki i Buk na Dekat ti moran ti Yisaraele le?

¹³ A Yeyoasa dotoni ko merenyejin kanyit, a Yerobama si ’dakine i si ’daet nanyit na tumatyan; a Yeyoasa nukani Samaria i pirit nuket na moran ti Yisaraele.

Elisa a keju a ’dutet a iŋge twan

¹⁴ A na gilori Elisa ko twanti logon nye twatwaji lu, a Yeyoasa moi lo Yisaraele dudulara ko lepeŋ yu, a gwine gwien ko lepeŋ adi. A, baba! baba! Arabiajin ti Yisaraele lo jijikö ko kajoŋak kase!

¹⁵ A Elisa kulyani ko lepeŋ adi, ’Dumuŋdye daŋ ko loya; nyena a nye ’dumuŋdye daŋ ko loya.

¹⁶ A Elisa kulyani ko mor lo Yisaraele adi, Roku ŋina daŋ; a nye rokuŋdye rokuŋdya. A Elisa tiŋdi könisi kanyit ko könisi ti mor loki.

¹⁷ A nye kulyani adi, Ŋane kulupit na diraddu i swot lo ’yure; a nye ŋaji ŋaju. A kirut Elisa kulyani adi, Iŋgo, poŋi; a nye noŋi poŋu. A Elisa kulyani adi, ŋilo a lowe lo MATAT logon a telet, ŋilo a lowe logon telarikin Suria! Kogwon do mo momörö ko ŋutu ti Suria Apek yu tojo ko do a togirökin lepeŋat liŋ.

¹⁸ A nye kulyani adi, ’Dumuŋdye loya kilo; a nye ’dumuŋdye se. A nye kulyani ko mor lo Yisaraele adi, Gwutoki se kak; a nye gwuto-kiŋdye daŋin musala tuŋ a kö ’yi ko ’yu.

¹⁹ A ŋuto lo Ŋun iŋke woran ko lepeŋ a kulyani adi, Do kodyö gwutökiii kak daŋin mukanat kode buker; a do kirut ködyö te ’yi Suria tojo ko do a togirokin se, ama do mo te ’ya Suria daŋin musala ka ’de.

²⁰ Nyena a Elisa twane twan, a se nuŋge lepeŋ. A teŋon ti ŋutu ti Moaba yeŋ wörö i mömörötu ko pilu jur temba i suluet na kiŋa.

²¹ A gwe sona nagon lele ŋuto nunuka nu, mete, a nene teŋ na karyakak na metwene i ŋo, a ŋuto lutwan lu gubakine i gulöm na Elisa; a ’de ’de kijek na ’bo ’yi mugun na ŋuto lutwan kuyu ti Elisa nu, a nye ŋau ŋaun, a gwo ’de gwo ’dan.

²² A Kajaele mor lo Suria ru ’ye ŋutu ti Yisaraele i perok liŋ ti Yeyoakaja.

²³ Ama MATAT gwon ko ’busan ko lepeŋat, a won konyen ko se, a nye wöripuŋdye ko lepeŋat ni kogwon tomoret nanyit ko Abarayama ko Yisaka se ko Yakobo, a nye tine ’dekan tukaŋu se; koti a nye gwe a ko riköddu se kaŋo kanyit i komor tojo ko lo lor.

²⁴ A Kajaele mor lo Suria twane twan, a Ben-adada ŋuro lonyit lo ruddye a mor.

²⁵ A Yeyoasa ŋuro lo Yeyoakaja riŋuŋdye kunu köjinö kaŋo ko Ben-adada ŋuro lo Kajaele nagon Kajaele köju a ripara kaŋo ko monye lonyit Yeyoakaja i diŋit na gor nu. A Yeyoasa iŋge te ’ya lepeŋ daŋin musala a nyoköddi köjinö ti Yisaraele kunu.