2 Moran 12 - Bibilia Buk na Ŋun nagon koti luŋu a

¹ A i kiŋa toburyo na gwoŋdi Yeu a mor nu, a Yöasa suluje gwon a kasaranit, a nye saŋi ko kiŋajin merya iŋwan Yerusalema yu. A karin ti ŋote nanyit gwe a Sibia na Ber-seba.

² A Yöasa koŋdi ŋo nagon a na ’but ko MATAT i metet i perok liŋ ti gwiliŋit nanyit, kogwon koane Yoyada lo kuku-ju lepeŋ.

³ Ma ’di sona, piritön kwakwa-sesi na gwon i ko ’dulan ti merya kune a ko turö kak; a ŋutu nyuŋ ’du ’duŋgö rubaŋgajin ko ’yu ’yuŋa bökur i kune piritön nagon a ko ’dulan.

⁴ A Yöasa kulyani ko koanejin adi, Gurut liŋ ti ’dokesi nake nagon a jwe i kadi na MATAT, kweja adi gurut na ’duŋöki ŋutu liŋ i kenet nase, se ko gurut nagon ŋutu a wakun i joŋdya i kadi na MATAT,

⁵ ti koanejin geleŋ geleŋ wuji kine gurut i ŋutu kase logon se deden; ko ti se teteŋdi swötön ti kadi nagon ’de ’dekari-kin tetena kine.

⁶ Ama i kiŋa tomerya murek wot musala na gwoŋdi Yöasa a mor nu, koanejin kulo a ko nyuŋ teteŋdya kadi.

⁷ Nyenagon a mor Yöasa lorgi koane Yoyada se ko kulye koanejin a pije lepeŋat adi, Nyo nagon ta ti teten kadi na? Nyenagon ko nyuŋ wuju ta gurut ko ŋutu logon ta deden, ama putuki ta gurut kine a tetenesi ti kadi.

⁸ A koanejin kulo iŋge ruggö adi se tine wuju kunie gurut köti ko ŋutu, ko köti adi se, tine teteŋdya kaŋi nu.

⁹ A kirut koane Yoyada ’dumuŋdye saŋduk, a kuruje dili i muket nanyit, a tiŋdi lepeŋ nyona ko pirit ’yuret na rubaŋgajin i swöt lutaten ko ŋuto luŋö i kadi na MATAT; a koanejin logon tiju kötumit kulo tiŋdi i ŋinu saŋduk gurut liŋ nagon a jwe i kadi na MATAT kune.

¹⁰ A gwe sona ko se aje met adi gurut gwe jore i nu saŋduk, a kawurönit lo mor se ko koane duma poni ŋo a keŋdi gurut nagon a rye i kadi na MATAT kune, a toŋi se i jurakan.

¹¹ A kirut se tiŋdi gurut nagon a tema kune i könisi ti kamemetak ti kita na kadi na MATAT; a kilu ŋutu köti kitari kine gurut anyen robba kakepak ko ka ’dukök logon kita i kadi na MATAT kulo,

¹² ko ka ’dukök ti gorom nagon a mariŋ se ko katuturuk ti ŋurupö, ko köti anyen gwöruŋdyö kaden ko ŋurupö lo tuturu a tetenesi ti kadi na MATAT ko kunie ŋo liŋ nagon ’de ’dekarikin i tetenari na kadi na MATAT.

¹³ Ama kadi na MATAT a ko tetenaki kalabajin nagon a pödö, kode walya, kode diköriöt, kode toriot, kode kunie toro ’bo nagon a dakap, kode nagon a pödö, ko kinu gurut nagon a jwe i kadi na MATAT kunu,

¹⁴ kogwon kunu gurut a tiki kakitak anyen tetenarikin kadi na MATAT.

¹⁵ A kulu ŋutu logon gurut kunu a tiki kase i könisi anyen roparikin kakitak kulu gwe a ko piya ko se a kitari kinu gurut ada, kogwon se a ŋutu lo yiyiniki.

¹⁶ A gurut ti rubaŋgajin ti lyaŋan ko gurut ti rubaŋgajin ti toron tine jwe i kadi na MATAT; a kine gurut gwe a ti koanejin.

¹⁷ A i nu diŋit a Kajaele mor lo Suria iti tu a möröni ko Gata, a te ’yi ŋinu köji. A kirut Kajaele teteŋdi tete-ŋdya i tu Yerusalema.

¹⁸ A Yöasa mor lo Yuda tutuŋdye toro ’bo nake liŋ nagon merenyejin kanyit a gelakin MATAT kunu. Kilu merenyejin kanyit a ko Yosapata ko Yorama se ko Akajia moran ti Yuda kulu. A nye köti tutuŋdye toro ’bo kanyit nake na gelakin nye MATAT kunu, ko dakap liŋ nagon bubulö rye i kadijik ’delesi ti kadi na MATAT ko ti kadi na mor, a nye sunyukiŋdye Kajaele mor lo Suria kine ŋo liŋ. A kirut Kajaele kö ’yi Yerusalema.

¹⁹ A pitönö ti konesi ti Yöasa ko ŋo liŋ nagon nye a kon, kine ’bayin a se nagon a wuröki i Buk na Dekat ti moran ti Yuda le?

²⁰ A köliŋönök kanyit ŋine ŋien a momori a lwön i mwön ko lepeŋ, a se tatuje Yöasa i kadi na Milo i kiko lo dudulara Sila.

²¹ A köliŋönök kanyit logon a gwutö-kiŋdyö lepeŋ kak tojo a twan kulo gwe a ko Yojakar ŋuro lo Simeat, ko Yojebada ŋuro lo Somer. A se nuŋge lepeŋ i pirit nuket na merenyejin kanyit i köji na Dawidi, a Amajia ŋuro lonyit lo ruddye tumatyan nanyit.