2 Moran 11 - Bibilia Buk na Ŋun nagon koti luŋu a

Atalia a morga tumatyan

¹ A Atalia ŋote Akajia ko meddi adi ŋuro lonyit aje twan, a nye ŋine ŋien a togirökiŋdye ŋutu liŋ ti kötumit na mor.

² Ama a Yosepa ŋuro na mor Yorama nagon a kiaser Akajia, ’dumuŋdye Yöasa ŋuro lo Akajia, a kokoladdi lepeŋ kaŋo a lwön i kiden na ŋwajik lulyan ti mor logon gwe nyona ko tatua kulo, a nu ŋuto ’de ’yi lepeŋ se ko ka ’depanit nanyit i kadi dotoet. Nyena Yosepa a ’de ’ya Yöasa, an Atalia ko tatu lepeŋ;

³ a Yöasa iŋge si ’da ko Yosepa yu kiŋajin buker ’dela i kadi na MATAT, i diŋit nagon Atalia nyuŋ saŋu lu jur nu.

⁴ A i kiŋa toburyo a Yoyada soŋdi ŋuto i dogga na dumalak ti teŋon ti kamörök lo luŋu a Kari, nagon teŋ geleŋ gwon ko ŋutu mia geleŋ, se ko dumalak ti katiyuk, a tiŋdi se i ŋo kanyit yu i kadi na MATAT; a nye teteŋdi tomoret ko lepeŋat a tiŋdi se i milyeju i kadi na MATAT, a nye kwe-kiŋdye se ŋuro lo mor.

⁵ A nye saŋi se adi, Mana ŋo nagon ta de kökon: ta liŋ logon gwon i yukan i sabata, ta ködyö kökora a ’dokiŋ musala, a ’doke togeleŋ ködyö gwe a katiyuk ti kadi na mor,

⁶ a ’doke tomurek tiji kötumit na Sur, a ’doke tomusala tiji kötumit i ki ’diŋ na katiyuk, nyena a ta ködyö tiji kadi na mor sona a ta mo gwe a teŋet.

⁷ A teŋon kasu murek logon ŋo i kita i sabata logon tiju kadi na MATAT kulo,

⁸ mo köti tumbe mor; ti ŋutu geleŋ geleŋ gwe ko tito möriesi kase i könisi; a ko ŋuto logon ’dek tulöddu i gwokiot ti kamörök lukata, ti lepeŋ tatuani tatua. A ta de gwe nyona ko mor na tiri nye kaŋo ko na luŋöri nye lukata nu.

⁹ A kilu dumalak ti teŋon ti kamörök koŋdi ŋo liŋ nagon koane Yoyada a sarakin se kunu, a se liŋ geleŋ geleŋ joŋdi ŋutu kase logon tu i yukan i sabata se ko logon ŋo i kita i sabata, a se ŋoŋdi ko koane Yoyada ni.

¹⁰ A koane korakiŋdye kilu dumalak ti teŋon ti kamorök goro ko ’bukwö gayesi nagon köju a ti mor Dawidi nagon gwon i kadi na MATAT kune;

¹¹ a kilu katiyuk gwo ’de gwo ’dan, ŋutu liŋ geleŋ geleŋ ko tito möriesi kase i könisi, suluja i swöt lo loki lo kadi tojo ko swöt lo lobot, i gömbu na pirit ’yuret na rubaŋgajin se ko kadi.

¹² A kirut Yoyada joŋdi ŋuro lo mor lo kaŋo, a sukiŋdye Iŋguya kanyit i kwe, a tiŋdi lepeŋ buk na saresi ti tomoret na Ŋun; a se welakiŋdye lepeŋ a mor lose; a se naŋgi könisi kase, a kulyajine ki, adi, Ti mor si ’dani ŋupi!

¹³ A Atalia ko yiŋge woŋon na katiyuk ko na ŋutu, a nye luŋöni i kadi na MATAT ko kulu ŋutu yu;

¹⁴ a nye meddi mor gwogwo ’dan nyona ko togwi ’diet lo kadi, gwoso na gwoŋdi keri nu, se ko dumalak ti kamorök ko kakutak ti toriot logon nyona ko mor, se ko ŋutu liŋ ti jur lyölyöŋi ko kukutu-ja toriot. A Atalia kekereŋdi boŋgwat kanyit, a maraŋgi maraŋgu adi, Mwö-nyörikin nio dyoŋ! Mwonyörikin nio dyoŋ!

¹⁵ A koane Yoyada saŋi dumalak ti teŋon ti kamörök adi, Joŋe ta lepeŋ kaŋo i kiden na gwokiot ti kamörök, a ko logon a kipuŋdyö lepeŋ ti lepeŋ tatuani tatua ko baŋdu. Kogwon koane a kulya adi, Ti nu ŋuto gwe ti tatua i kadi na MATAT.

¹⁶ A se morgi lepeŋ; a nye joparikin kötumit lupet na kusanjin tojo i kadi na mor, a nye tatukine nyu.

¹⁷ A Yoyada teteŋdi tomoret i kiden na MATAT ko mor se ko ŋutu, adi se agu ködyö gwon a ŋutu ti MATAT; ko köti i kiden na mor ko ŋutu.

¹⁸ A kirut ŋutu liŋ ti jur iti i kadi na Bala, a duyömbi nye; a se gwagwalaggi piri-tön kanyit ’yuresi ti rubaŋgajin ko nyömuejin kanyit a tupesi na ’di ’dik, a se tatuje Matan koane lo Bala i komor na kunu piritön ’yuresi. A koane wulu-ŋdye ŋutu katiyuk ti kadi na MATAT.

¹⁹ A kirut nye joŋgi dumalak ti teŋon, ko kamörök logon a Kari, se ko katiyuk ko ŋutu liŋ ti jur; a se nyömuŋdye mor kak i kadi na MATAT, a tiri kötumit na katiyuk tojo ko kadi na mor. A kirut Yöasa si ’dakine i si ’daet na tumatyan na moran.

²⁰ Nyena a ŋutu liŋ ti jur lyöŋi lyöŋön; a nu köji gwe taliŋ i mukök na tatuje se Atalia ko baŋdu i kadi na mor nu.

Yöasa a mor lo Yuda

²¹ A Yöasa gwe ko kiŋajin buryo na suluje nye gwon a kasaranit nu.