2 Moran 10 - Bibilia Buk na Ŋun nagon koti luŋu a

Yeu a tatuja kötumit na Aba asut

¹ A Aba gwe ko ŋwajik lulyan merya buryo Samaria yu. A Yeu wuŋe waragalan, a soŋdi se Samaria, i kasarak ti ŋinu köji, ko i temejik, ko i kawowoak ti ŋwajik ti Aba, adi,

² I na diŋit, ko ŋina waraga a ’dur kasu ŋini, ta kilo gwon ko ŋwajik lulyan ti duma losu, ko arabiajin lo jijikö, ko kusanjin, ko köjinö nagon a gömö ko mariŋan nago, ko tito möriesi,

³ nyena nyumun-dye ta ŋuro logon a lo ’but ko a lŋgolo duma losu, ko tosi ’dakiŋdye ta lepeŋ i si ’daet na tumatyan na monye lonyit, ko möröni ta kogwon kulya ti kötumit na duma losu.

⁴ Ama se a kujönö parik, a kulyani adi, Mete, moran murek ti jukin gwo ’dan kanyit i komor; ake yi kirut?

⁵ Nyena a nye logon a duma lo kadi na mor, se ko duma lo köji, ko temejik ko kawowoak liŋ sunyukiŋdye Yeu lore adi, Yi a ’dupi kulök, yi de kökon ŋo liŋ nagon do a sarakin yi kune. Yi de ti tiŋdu lele ŋuto a mor kwöŋ; koŋdi gwoso ’deket inot.

⁶ A Yeu wurökiŋdye lepeŋat nene waraga adi, Ko ta ködyo a ŋutu kwe, köti ko ta ködyö yiyiŋ gworo liŋ, ’dupe ta kaŋo kusik ti ŋwajik lulyan ti duma losu, ko ŋoŋdi ta köyö ni Yejerele de ko ’bure i na saa. A ŋwajik lulyan ti mor merya buryo kulo gwon ko ŋutu dumalak ti köji logon a kawowoak kase.

⁷ A nu waraga ko ’dure ko lepeŋat yu, a se momorgi ŋwajik lulyan ti mor kulo, a ’duŋge se liŋ merya buryo, a se sobbi kusik kase i kupöjin, a soŋdi se Yejerele ko Yeu yu.

⁸ A luyökie iti tu a takiŋdye Yeu adi, Lepeŋat aje joŋdya kusik ti ŋwajik ti mor kune. A nye kulyani adi, ’Du ’duli ta se a ’domio murek i lupet na kötumit na köji ko ti mordi nyu tojo ko ko ’bure.

⁹ A gwe sona i ko ’bure nanyit, a nye iti kaŋo, a gwo ’de gwo ’dan a kulyani ko ŋutu liŋ adi, Ta ’bak kulya, ama ŋilo a nan lo momora ko kulye ŋutu a Iwon anyen mwon ko duma liŋ, a tatuje lepeŋ, ama pa lo tatuja kilo ŋutu liŋ?

¹⁰ Nyena dene ta den kirut adi kulyaet lo MATAT mo ti yapara kana, logon nye a kulyari kogwon kulya ti kötumit na Aba lo; kogwon MATAT aje koŋdya kulyaet lonyit logon nye a kulyari ko köliŋönit lonyit Eliya i kutuk.

¹¹ A Yeu tatuje ŋutu liŋ lo pituŋdyö ti kötumit na Aba Yejerele nyu, ko ŋutu kanyit dumalak liŋ, ko julin kanyit lo ’but, se ko koanejin kanyit, tojo nye a ko pitokin lele jorun, ma ’di geleŋ to.

¹² A Yeu piörö kaŋo nyu a iti Samaria. A i pirit na luŋu a Bet-ekede na kayukuk, na tiri nye i kiko nu,

¹³ a nye rume ko luŋasirik ti Akajia mor lo Yuda, a nye pije se adi, Ta a ko pa? A se waddi adi, Yi a luŋasirik ti Akajia, yi kulo tu i ’yo ’yu na ŋwajik ti mor se ko ŋwajik ti ŋote mor.

¹⁴ A nye kulyani adi, Momoke ta lepeŋat. A se momorgi lepeŋat a tatuje se i dili na Bet-ekede, a se gwe a ŋutu merya iŋwan wot murek, a Yeu gwe a ko kölökin lele lose ma ’di geleŋ to.

¹⁵ A nye ko ŋiörö kaŋo nyu, a nye rume ko Yonadaba ŋuro lo Rekaba tu i rum ko lepeŋ; a Yeu rome ko lepeŋ, a pije lepeŋ adi, Töili ilot a lo tugwakan ko nan gwoso nagon töili liŋ a lo tugwakan ko do na? A Yonadaba waddi adi, Iŋkoi gwon sona. A Yeu kulyani adi, Ko töili ilot gwon sona, a do putuki nan könin ilot. A nye ŋutukiŋdye lepeŋ könin lonyit. A Yeu pikoddi lepeŋ ki kanyit yu i arabia lo jijikö.

¹⁶ A Yeu kulyani adi, Ti yi moraddi ko do, a do de meddi pusök nio i kitakiŋdya na MATAT. Nyena a nye tiŋdi lepeŋ i moraddu ko lepeŋ i arabia lonyit lo jijiko.

¹⁷ A nye ko ’dure Samaria, a nye tatuje se liŋ logon a pitöki Aba Samaria yu tojo ko nye a togirökin se liŋ adi sit, gwoso kulyaet lo MATAT logon nye a jamakin Eliya köju lu.

Yeu a to ’duddyö kwakwasa na Bala

¹⁸ A Yeu momori ŋutu liŋ, a kulyani ko lepeŋat adi, Aba a ko kitakiŋdya Bala parik; ama Yeu de kikitakin lepeŋ parik.

¹⁹ Nyenagon lupuki ta nan nebijin liŋ ti Bala, se ko kakwakwasak kanyit liŋ, ko koanejin kanyit liŋ; ti lele gwe ti jaran i ŋo, kogwon nan kata ko rubaŋga duma logon wuki Bala; ko ŋuto logon a jaran nye de ti gwon jörun asut. Ama Yeu a koŋdya kine kulya ko mumuluket anyen tukaŋu kakwakwasak ti Bala.

²⁰ A Yeu saŋi saŋu adi, Teteŋdi ta momoret duma kwaset na Bala. A se laikiŋdye ŋilo lore.

²¹ A Yeu soŋdi lore i Yisaraele liŋ; a kakwakwasak ti Bala momoruŋdye momoruŋdya, a lele ŋuto gwe ’bayin logon a ko ŋo. A se luŋöni i kadi na Bala, a kadi na Bala iŋge jore ko ŋutu suluja i ’dutet tojo ko nene ’dutet.

²² A nye kulyani ko katiyunit lo kadi ’delet na boŋgwat kwakwasesi lo adi, Yekaki kakwakwasak liŋ ti Bala boŋgwat. A nye yekakiŋdye se.

²³ a kirut Yeu luŋoni i kadi na Bala ko Yonadaba ŋuro lo Rekaba; a nye kulyani ko kakwakwasak ti Bala kulu adi, Galu ta kano ko denu ta ’bura adi lele köliŋönit lo MATAT ’bayin kasu kiden, ama tuŋ kakwakwasak ti Bala ka ’de.

²⁴ A se luŋöni i wukiŋdya na rubaŋgajin lo ’du ’duŋö ko lo ’yu ’yura ’buluŋ. A kudyakan Yeu aje wuluŋdyö ŋutu merya budök logon möŋdu kaŋo, a sarakiŋdye lepeŋat adi, Ko lele lo kilu ŋutu logon nan de titin kasu i könisi a pesaddu, ru nanyit de ropa ko ru na nye lo kölöddu lepeŋ lo.

²⁵ A ko gwe sona a Yeu ko tutuŋge wukiŋdya rubaŋga lo ’yu ’yura ’buluŋ, a nye kulyani ko katiyuk se ko dumalak kase kulo adi, Luŋöni ta lukata, ko tatuje ta lepeŋat; ti lele gwe ti pesaddu kwöŋ. A kirut se ŋoki i tatuja na lepeŋat ko baŋdujin, a katiyuk ko dumalak kase gumbe öpuö kase kaŋo, a se luŋöni i kadi na lukata na gwon i kadi na Bala,

²⁶ a se ’dukuŋdye kaŋo kaden ti mian logon gwon i kadi na Bala kulo, a ’yuŋe lepeŋat.

²⁷ a se gwagwalaggi Ŋurupit lo mian lo Bala, a duyömbi kadi na Bala, a koŋdi lepeŋ a kadi ’doŋoet tojo ko lo lor.

²⁸ Nyena Yeu a to ’duddyö kwakwasa na Bala i Yisaraele sona.

²⁹ Ama Yeu a ko löpuggö i toronjin ti Yerobama ŋuro lo Nebat, nagon nye a tiŋdi Yisaraele i toroŋdya kune, kweja adi kaja ti dakap na gwon Betele ko Dan kulo.

³⁰ a MATAT kulyani ko Yeu adi, Kogwon do a koŋdya ’bura i temakiŋdya na ŋo nagon a na ’but köyö i metet, ko aje konakin kötumit na Aba gwoso ’dekesi kwe liŋ ti töili, nyena ŋwajik kulök mo lo si ’da i si ’daet na tumatyan na Yisaraele tojo ko nyakwari toiŋwan.

³¹ Ama Yeu ’bak tirikwet i wörö i saret lo MATAT Ŋun lo Yisaraele ko töili lonyit liŋ; a nye gwe a ko löpuggö i toronjin ti Yerobama nagon nye a tiŋdu Yisaraele i toroŋdya kune.

³² A i kilu perok a MATAT suluje ’duŋöddu kulye swötön ti Yisaraele kaŋo. A Kajaele te ’yi ŋutu ti Yisaraele i koresi kase liŋ:

³³ kweja adi i nu pele na Yardene i swöt lo ’yure nagon a jur liŋ lo Gilada, ko lo ŋutu ti Gada, ko lo ŋutu ti Rubena, ko lo ŋutu ti Manase, suluja Aroer na gwon nyona ko kare Arenon, kweja adi ko Gilada ko Basan.

³⁴ A pitönö ti konesi ti Yeu, ko ŋo liŋ riagon nye a kon, ko riŋit nanyit liŋ, kine ’bayin a se nagon a wuröki i Buk na Dekat ti moran ti Yisaraele le?

³⁵ a Yeu dotoni ko mere-nyejin kanyit, a se nuŋge lepeŋ Samaria. A Yeyokaja ŋuro lonyit lo ruddye tumatyan nanyit.

³⁶ A perok logon Yeu a tumatyan ko Yisaraele kulu gwe a kiŋajin merya murek wot budök.