2 Korinto 4 - Bibilia Buk na Ŋun nagon koti luŋu a

Tukworien na gwon i mu ’dajin

¹ Nyena kogwon ŋun ko ’busannanyit na nyaŋu aje yökijö yi i ŋina kita, a töilyet kaŋ tine dosakiŋdya kak.

² Yi aje renya konesi na mukö ti yu na kwe, yi gwe ’bayin a kamumulukak. Yi ti tukwölöŋgu kulyaet lo Ŋun, ama tuŋ yi kwekiŋdya kulya ti to ’diri köke, a yi tiŋdi ŋutu liŋ ko Ŋun i komor i deŋdya kase i töilyet adi yi a lo ’but.

³ Kogwon ko kodyö Loŋe Lo ’but likaŋ a mukö, tuŋ muköki se logon kebbu kiko lo tu i karan kilo.

⁴ Ŋun lo na kak aje muggö toilyet ti kilo ŋutu logon a ko yubbö kilo gwoso se a ŋutu mo ’dokeno, anyen se gwon ti meddya parara na Loŋe Lo ’but lo minyo lo Kristo logon a kelaji ko Ŋun lo.

⁵ Kogwon yi ti tokujo kulya kaŋ ko ’börik, ama yi tokujo Yesu Kristo adi nye a Matat, a yi ko ’borik kaŋ gwe a köliŋönok kasu kogwon kulya ti Yesu.

⁶ Kogwon Ŋun logon köju a kulya adi, Ti parara parara-uŋdye kaŋo i mudwe lo, ŋilo a Ŋun lo geleŋ logon a pararakiŋdya kayaŋ i töilyet anyen tiŋdu parara nagon denari minyo lo Ŋun i pararauŋdya ko Yesu Kristo i komor.

⁷ Ama yi tuŋ gwon gwoso mu ’dajin logon ŋina tukworien gwon kata, anyen kwekiŋdya adi todumalan na riŋit a na Ŋun ti gwon a nikaŋ.

⁸ Yi a yöyöpö i swötön liŋ, ama yi a ko ri ’diki go. Yi a dyadya ’yu, ama yenet nikaŋ a ko ’baka.

⁹ Yi a sasanya, ama Ŋun a ko paju yi. Yi a gwutöki kak, ama yi a ko twatwa.

¹⁰ Yi ŋupi yeyegga twan na Yesu kayaŋ i mugunya, anyen ru na Yesu böŋö memeta kayaŋ i mugunya koti.

¹¹ Kogwon na gwoŋdi yi nyuŋ Jörun na yi ŋupi gwon nyona ko tatua kogwon kulya ti Yesu, anyen ru na Yesu koti böŋö memeta kayaŋ i mugunya na ’bu ’burön kune.

¹² Nyena twan kikita kayaŋ i mugunya, ama ru kikita kasu i mugunya.

¹³ A wurö adi, Nan aje yuŋ, nyena a nan iŋge jambu. Töilyet kaŋ köti a yuŋ a yi jambi jambu kogwon yi gwon ko yuŋet.

¹⁴ Kogwon yi deden adi Ŋun logon a topiju Matat Yesu i twan lo mo köti topiju yi ko Yesu i pirit na geleŋ, a mo nyömöddi yi se ko ta kanyit i komor.

¹⁵ Kine ŋo liŋ gwon kogwon ta; nyena gwoso nagon ’busan na Ŋun ’yaladdu ŋerot i ŋutu jore na, a lepeŋat mo ’yaladdi ŋerot i pupurja na ŋun anyen lepeŋ bubula.

Gwolor i yuŋet

¹⁶ Nyenagon ko ŋina kwe toilyet kaŋ ti dosakiŋdya kak. Ma ’di ködyö kune mugunya kaŋ ’bu ’burön, ama toilyet kaŋ totoluduko temba i lor.

¹⁷ Kogwon ŋopesi kaŋ pa ’de ’de ko ti joŋga diŋit a najo, ama kine ŋopesi tetenakiŋdya yi minyo lo yeŋ nyin logon a duma parik logon ti bulo tema,

¹⁸ kogwon yi ti diŋa ŋo na memeta, ama ŋo nagon ti meta; kogwon ŋo na memeta kune ’du ’duddyö, ama ŋo nagon ti metakune yeyeŋon ŋupi.