2 Korinto 3 - Bibilia Buk na Ŋun nagon koti luŋu a

Kakitak ti tomoret ludukötyo

¹ Yi ŋona kbti a suluja jambu adi yia ŋutu lo ’but le? Yi ŋona gwon gwoso kulye ŋutu logon ’de ’dekan letajin nagon tuggö adi se a lo ’but? Yi ŋona ’de ’dekan adi ti kulye ŋutu wurökiŋdye ta letajin i kulya kaŋ, kode ti ta lo wurökiŋdye yi?

² Ta ko ’börik kasu a leta nikaŋ, nagon a wuroki kayaŋ i toilyet anyen ŋutu liŋ deden ko keken na.

³ Kogwon meta köke adi ta a leta nagon po ko Kristo, a iŋge tiki yi anyen yeyek. Ŋina leta a ko wuro ko inka, ama wuro ko Mulökötyo lo Ŋun lo gwon jorun lo, a ko wuroki i ŋurupo na ’dayatak ama wuroki ko ŋutu i toilyet.

⁴ Yi jambu sona kogwon yi yiyinikin Ŋun kogwon kulya ti Kristo.

⁵ Yi ko ’borik kan ti jukin koŋdya nene po gwoso nagon a nikaŋ, ama ŋun lo tiŋdu yi i gwon a jukin.

⁶ ŋun lo tiŋdu yi i gwon a Jukin anyen gwon a kakitak ti tomoret ludukotyo. Ŋina tomoret ti gwon a saresi lo wuro, ama ŋina a kita na Mulökötyo ko ŋutu i toilyet; kogwon saresi lo wuro kulo tatatuja, ama Mulokotyo Loke tiŋdu ru.

⁷ Nyena Saresi koju a gigiruki i ŋurupö, ama kilo Saresi Takiŋdya ŋutu twan, ma ’di nagon tiki nase gwon ko minyo a duma parik, anyen ŋutu ti Yisaraele gwon ti bulö meddya komor na Mose kogwon tomilyaŋ nanyit, kudyakan ŋilo minyo lilikin.

⁸ Nyena ko Mulokotyo Loke a tiki ŋutu, a minyo lonyit ŋona mo gwe a duma Iwolwoŋgu le?

⁹ Ko ködyö minyo kata i diŋit nagon Saresi logon tiŋdu ŋutu i ’duŋoki na putet kulo a tiki, ŋona minyo mo gwon a duma parik Iwolwoŋgu i diŋit nagon Mulökötyo logon tiŋdu yi gwon rigwo ko Ŋun i komor lo a tiki le?

¹⁰ Iŋkoi, minyo logon köju kata lo soŋinana gwe ’bayin, kogwon minyo ludukötyo logon a duma parik lo aje lwöŋ lepeŋ.

¹¹ Kogwon ko po nagon yeyepon diŋit a na ’dit ka ’de na gwon ko minyo, a bia parik ŋo na yeyepon ŋupi na gwe ko minyo a duma parik lwölwoŋgu.

¹² Nyena kogwon yi gwon ko yenet gwoso ŋina, a yi tokuje ko topurwan.

¹³ Yi ti gwon gwoso Mose logon a rabbu komor nanyit ko boŋgo, anyen ŋutu ti Yisaraele gwon ti meddya likin na minyo logon yeyepon diŋit a na ’dit lo.

¹⁴ Ama töilyet kase a iŋgo; kogwon. tojo ko lo lor, i diŋit na keŋdi se tomoret na ’beron nu, a ŋinu boŋgo nyuŋ gwe kata, a gwe a ko ’dumaji kaŋo. Tuŋ ko ŋuto gwon ko Kristo i mugun a ŋina boŋgo ’dumajine kapo.

¹⁵ ’Diri gwon sona tojo ko lo lor, ko Saresi ti Mose a kena a boŋgo rabbi töilyet kase;

¹⁶ ama ko lele ŋuto a lopukuŋdyo ko Matat ni, a ŋina boŋgo ’dumajine kapo.

¹⁷ Nyena Matat a ŋilo Mulökotyo, a pirit na gwoŋdi Mulökotyo lo Matat kata na a ŋutu gwe a lui nyin.

¹⁸ Nyena yi liŋ komorsikan a ko mukö, yi liŋ mokuŋdya minyo lo Matat gwoso maŋöara, a yi toworani gwoso gwesin kanyit i minyo logon ’yaladdu ŋerot. ŋina a kita na Matat logon a ŋilo Mulökötyo.