2 Korinto 2 - Bibilia Buk na Ŋun nagon koti luŋu a

¹ Nyena nan a yeyeju adi nan ti tu i ’yoyu na ta daŋ tomurek i todelyaju na ta.

² Kogwon ko nan kodyo todelyaju ta, a ko ŋa kodyo lo kölökine anyen tulyorigu nan? Tun ŋutu logon kodyo tulyöŋgu nan kulo a ŋutu logon nan a todelyaju kulo.

³ Ko ŋina kwe nan aje wurökin ta nina leta. Nan ti ’bon tu kasu ŋini anyen ŋutu logon kodyo tulyoŋgu nan kilo kodyo todelyaju nan, kogwon nan deden ta liŋ ’bura adi ko nan lyolyoŋon a ta liŋ köti lyoŋi lyöŋön.

⁴ Nan aje wurökin ta ŋina leta ko ŋoŋga duma, ko mien na toili se ko ŋolitan jore, ti gwon anyen tomijo ta, ama anyen ta deden ko nyaŋu duma gwanan nagon nan nyaŋi ta na.

Pitöki na ŋuto logon a toroŋdya

⁵ Ama ko kodyo lele ŋuto a todelyaju kulye ŋutu, lepeŋ ti todelyaju nan, ama lepeŋ a todelyaju lojore kasu, ama ti nan gwe ti jambu ko riŋit.

⁶ Ŋina riŋet nagon ŋutu lojore aje ’duŋökin na aje jukin lepeŋ.

⁷ Kolumbo ta kodyo pipitokin lepeŋ, a togo ’yi lepeŋ, an delya duma ko ’beleŋ lepeŋ.

⁸ Nyena nan mo ’yu ta i kwekiŋdya na lepeŋ adi ta ’diri nyanyar lepeŋ.

⁹ Kogwon ŋina a kwe nagon nan wurokiŋdye ta ŋina leta anyen nan tembi ta ko anyen deden kode ŋona ta a katwöyök i po liŋ.

¹⁰ Ko ta pipitokin lele ŋuto, a nan koti pitökiŋdye lepeŋ. Ko kodyo nene toron kata nagon nan kodyo pipitokin ŋuto na, nan pitokindyo kogwon kulya kasu ko Kristo i komor,

¹¹ an Satani te ’ya yi, kogwon yi deden adi lepeŋ a kamumulukanit.

Paulo wiwinya Turoa yu

¹² A na ’durökiŋdye nan Turoa i tokujo na lore lo Kristo yu nu, a nan iŋge ryo adi kötumit a ŋaki nan, anyen nan kitakiŋdya Matat;

¹³ ama a toili liŋ gwe ki kogwon nan a ko ryö luŋaser liŋ Tito nyu. Nyena a nan romara ko ŋutu nyu, a nan iti ŋerot tojo ko Makedonia.

Kristo a tiŋdu yi i te ’ya

¹⁴ Ama ti Ŋun purani pura, logon ŋupi tiŋdu yi i wörö ko Kristo katelanit i mukök gwoso ŋutu kanyit lo momoka lo. Lepeŋ kitari yi anyen dena na lepeŋ ködyö reara i piritön liŋ gwoso mon na paleleŋ.

¹⁵ Kogwon yi gwon gwoso bökur logon Kristo ’yurakin ŋun, anyen möara i ŋutu logon lwölwökö ko i ŋutu logon twatwa kilo.

¹⁶ Mon nanyit tatatu ŋutu logon twatwa kilo, ama mon nanyit jakiŋdya ŋutu lo lwölwökö kilo ru. ŋa logon jujukin ŋo gwoso kine?

¹⁷ Yi ti yeyekaddu kulyaet lo ŋun gwoso na koŋdi kulye ŋutu jore na, adi a ŋo na ’di ’dik nagon katujarak tutugwör kune; ama yi tokujö kulyaet lo ŋun ko to ’diri ko Kristo i mugun ko ŋun i komor, gwoso ŋutu logon Ŋun lo yökijö kilo.