2 Korinto 11 - Bibilia Buk na Ŋun nagon koti luŋu a

Paulo jambu kulya ti luyökie ’burönök

¹ A na ’but ko ta ködyö ŋoŋoŋga taliŋ ko nan ködyö a lu ’böŋ madaŋ! Bögö ŋoŋgi ta ko nan.

² Nan gwon ko yulön ko ta gwoso na yu ’ye ŋun na, kogwon ta gwon gwoso ŋuro ’diet nagon a ko nyuŋ den kulya ti ŋutu lyan na, nagon nan a rukökin i yema ko ŋuto geleŋ ka ’de logon a Kristo.

³ Nan kukujönö adi yeyeesi kasu mo kökörö, a ta mo kölökiŋdye twöju nasu na Kristo ko töilyet kasu liŋ, gwoso nagon munu köju mumuluŋge Awa ko kogon nanyit nu.

⁴ Kogwon ko lele ŋuto a ŋo, a tokuje leŋe Yesu logon yi tokujö lepeŋ lo, kode ko ta wuju leŋe mulökötyo ko leŋe lore lo ’but logon ta aje wu kayaŋ lo a ta yiŋge nye ’bura.

⁵ Nan yeyeju adi nan ’bayin a lo’dit kwöŋ i kilo luyökie temejik.

⁶ Ma ’di nan ’bak tomirian i jambu, ama nan gwon ko tomirian i deŋdya na kulya ti Ŋun, kogwon yi aje kwekiŋdya ta i ŋo liŋ ko i diŋitan liŋ adi yi deden kine kulya.

⁷ Nan a tokukiŋdyö ta Loŋe Lo ’but a gwe a ko luŋgu ropet. Nan a bulakiŋdya ta ki a nan to ’diddye mugun. Kine kulya gona a toron le?

⁸ Nan a ru ’ya kunie kanisajin i ’dumuŋdya na gariesi anyen nan garakiŋdye ta.

⁹ Nyena na gwoŋdi nan kasu ŋini a gwe ko yöŋö na ŋo nu, a nan gwe a ko tudaraju lele ŋuto, kogwon luŋasirik lo yubbo lo ŋo Makedonia kulo se lo joŋdya pariesi kwe. Nyena nan aje teŋgu mugun, a nan köti mo teŋgi mugun, adi nan ti tudaraju ta kwöŋ i luŋgu na pariesi.

¹⁰ ’Diri ’diri gwoso na gwoŋdi to ’diri na Kristo köyö na, nan mo ti kö ’yu bu ’ya mugun i swötön ti Akaya liŋ adi nan a ko luŋgu pariesi kasu.

¹¹ Ko nyo nan jambu sona? Nan ŋona ti nyaŋu ta le? Iŋkoi, Ŋun deden adi nan nyanyar ta.

¹² Nan mo möröddu ŋerot i koŋdya na ŋo nagon nan kökon soŋinana kune, anyen teŋgu kulye kilo ŋutu i bu ’ya na ’börik adi se kita jojo gwoso nagon yi kikitari na.

¹³ Kogwon ŋutu gwoso kilo a luyökie ’burönök, lepeŋat a kakitak kamumulukak logon mirakiŋdya ’börik adi se a luyökie ti Kristo kilo.

¹⁴ Nene ŋo ’bayin na tutusöŋu i kine kulya; ma ’di ködyö Satani mirakiŋdya mugun gwoso malaikatat lo parara.

¹⁵ Nyena gwon a ŋo pölilyö ko koliŋönök kanyit köti mirakiŋdya ’börik a köliŋönök ti löti lo rigwo. Nyena ’dutet nase mo jukin i konesi kase.

Paulo a ŋoŋga a luyökie lo to ’diri

¹⁶ Nan köti nyöggu kulya adi ti lele ŋuto gwe ti yeyeju adi nan a lu ’böŋ. Ama ma ’di ködyö ko ta yeyeju adi nan a lu ’böŋ, wuji ta nan gwoso ŋuto lu ’böŋ, anyen nan ködyö bu ’ya mugun madaŋ.

¹⁷ Ŋo nagon nan jajam kine ti gwon a Matat lo takiŋdya nan, ama nan jambu gwoso ŋuto lu ’böŋ logon a purutat i bu ’ya na mugun.

¹⁸ Nyena kogwon ŋutu jore bu ’ya ’börik ko ŋo kase ti na kak, a nan köti mo bu ’ye mugun.

¹⁹ Kogwon ta ko ’börik kasu a lokoŋ bia parik, nyena a ta lyöŋi lyöŋön i ŋoŋga taliŋ i ŋutu lu ’böŋ.

²⁰ Ta ŋoŋga taliŋ i ŋutu logon koŋdya ta a ’dupi, a nyesi ŋo kasu liŋ, a lorgi ta, a meddi ta a ŋo kana, a nanaŋaji ta i temeneŋan.

²¹ Nan a ruggö ko yu na kwe adi yi ’diri a lomunyak, yi a ko koŋdya ŋo gwoso kine! Ko lele ŋuto ’bak kujönö i bu ’ya na mugun, nan köti ’bak kujönö i bu ’ya na mugun, nan ŋilo jambu gwoso ŋuto lu ’böŋ.

²² Lepeŋat ŋona a ŋutu ti Ebere le? Nan köti a Eberetyo. Lepeŋat ŋona a ŋutu ti Yisaraele le? Nan köti a Yisaraeletyo. Lepeŋat ŋona a nyakwariat ti Abarayama le? Nan köti a nyakwari lo Abarayama.

²³ Lepeŋat ŋona a kitakiŋdya Kristo le? Nan jambu gwoso ŋuto lo mamala, nan köti a kitakiŋdya Kristo lwölwöŋ se. Nan a dara i kita parik lwölwöŋ se, nan a tiki i kadi rereket daŋin jorejwölwöŋ se, nan a ’bi ’bitötu ti bulö kena, diŋitan jore nan gwon nyona ko twan.

²⁴ Daŋin mukanat Yudayaki a gwut nan kurubasi merya musala wot buŋwan.

²⁵ Nan a gwugwutötu ko turya daŋin musala; nan a gugubatu ko ŋurupö daŋ geleŋ. Na wöröri nan ko ki ’bo nu, a ki ’bo iŋge ’dirön daŋin musala; nan a joŋga tuparan ko tukwaje i tör kata.

²⁶ Na jölöri nan daŋin jore nu, nan gwon i nagusu i lalaŋ aju na karya, nan gwon i nagusu i karyakak, nan gwon i nagusu i ŋutu kaŋ, nan gwon i nagusu i Lwaka, nan gwon i nagusu i köjinö kata, nan gwon i nagusu i yöbuöt, nan gwon i nagusu i tör duma na ’balaŋ, nan gwon i nagusu i luŋasirik lo yubbö logon a ’burönök kilo.

²⁷ Nan a kita ko dara, nan a ŋoŋga ŋo jore; daŋin jore nan tidoto; nan gwon ko magor, nan a moka kure; daŋin jore nan ’bak kinyo, nan a ŋoŋga katirut, nan gwon köke.

²⁸ Wat kunie ŋo liŋ nagon nan a ko ’diŋdya kine, temba i lor töili liŋ a sopa pömöni i yeyeju na kanisajin liŋ.

²⁹ Ko lele losu a lomunyan, nan ŋona ’bayin a lomunyan köti le? A ko lele losu a tiki i ’doro, nan ŋona ti gwon ko delya le?

³⁰ Ko nan ködyö bu ’ya mugun, nan bu ’ya mugun i kulya ti ŋo nagon kweja tomunyan nio.

³¹ ’Diri ’diri ŋun Monye Matat Yesu logon pupura ŋupi lo deden adi nan ’bayin a ’burönit.

³² Köju Damaseke yu mödir lo gwon ko mor Areta i mukök lo a tiŋdu katiyuk i tiju na köji na Damaseke anyen morga nan,

³³ ama a nan kikiŋdye i kupö kata, a liliyene kak i kulupit na gwon i gorom, a nan iŋge rwöddu kanyit i könisi.