2 Korinto 10 - Bibilia Buk na Ŋun nagon koti luŋu a

Paulo waddu ŋutu lo yuyuggö lepeŋ

¹ Nan Paulo ko mugun nio mo-mo ’yu ta. Ta yuyuggö nan adi nan a lokoyok na gwoŋdi nan kasu kiden na, ama na gwoŋdi nan pajo nu, a nan gwe a purutat kasu. Nan mo ’yu ta i pele ŋoto na Kristo se ko i toili lonyit lo lilik,

² an ta ko ri ’dikin ta nan i gwon a purutat kasu ko topurwan nagon nan bubulo gwon a purutat na, i ŋutu logon gokiŋdyo yi adi yi woro i keŋoddu na ’dekesi ti na kak kilo.

³ Yi ’diri gwolor i na kak, ama yi ti moro gwoso na ’deŋgi ŋutu ti na kak na,

⁴ kogwon tito moriesi logon yi morori gor likaŋ kulo ti gwon a tito ti na kak, ama kilo tito moriesi gwon ko riŋit na ŋo ko ŋun anyen kororikin piriton nago na titiyu. A yi koŋi rerenyesi

⁵ se ko yeyeesi liŋ ti bu ’ya na kwe nagon teggu ŋuto i deŋdya na Ŋun kune, a yi morgi kine yeyeesi liŋ a ’dupi anyen twoju Kristo.

⁶ Nyenagon ko ta aje twoju ko toilyet kasu liŋ, a yi mo gwe ajo i riŋga na ŋutu liŋ logon ’bayin a kwatwoyok kilo.

⁷ Mete ta met go nagon kasu i komor kine. Ko lele ŋuto a yinikin mugun adi nye ’diri a lo Kristo, a na ’but, ti lepeŋ yeyene yeye mugun adi gwoso na gwoŋdi nye a lo Kristo na yi koti a ti Kristo.

⁸ Kogwon kwe nio ti yu, ma ’di ko nan a bu ’ya mugun parik madaŋ i kulya ti kido nikaŋ. Ŋina kido Matat lo tiŋdu yi anyen gweyuŋdya ta ki, ti gwon i dukakiŋdya na ta kak.

⁹ Nan ti ’bon ta yeyeju adi nan ga ’yu tokujoŋdu ’ta ko letajin kwe.

¹⁰ Ŋuto kulya adi, Letajin kanyit kune pomoni a gwe ko riŋit, ama ko do a met lepeŋ i mugun a gwe a lomunyan, a kulyaesi kanyit gwe a go kana.

¹¹ Ti ŋutu gwoso kilo kuru kurun adi na gwoŋdi nan pajo ko ta nu, nan a ŋuto lo geleŋ lo wuŋo ko a nan lo koŋdya na ŋoŋdi nan kasu ŋini nu.

¹² Yi a ko koŋdya ’borik a purwat i gwon jojo ko ŋutu logon pupurja ’borik kilo, yi a ko tobeŋu ’borik ko se. Lepeŋat a lu ’boŋ i totem ko ’borik ko i tobeŋu na ’börik.

¹³ Ama ko gwe gwoso yi, yi ti bulo bu ’ya ’börik anyen laŋgu lokökorit kitaet ŋun aje temakiŋdya yi lokökorit kitaet adi yi bubulo yeŋaddu tojo kasu gini.

¹⁴ Nyenagon kogwon ta gwon i lukata na lokökorit likaŋ lo kita, a yi gwe a ko laŋaddu i ŋilo lokökorit i diŋit na tiri yi kasu ŋini a kokwe i joŋga na Loŋe Lo ’but lo Kristo nu.

¹⁵ Yi ti bu ’ya ’börik i kulya ti kita nagon kulye ŋutu aje kon na i laŋaddu na lokökorit logon Ŋun aje temakin lo. Kölumbö yi yinikiŋdyö adi ti yuŋet nasu ’duruŋdye ki ko ti kita nikaŋ kasu kiden böŋö ŋaaddi ŋaaddu a naŋalaŋ,

¹⁶ anyen yi böŋö tokuöddu Loŋe Lo ’but i jurön logon kasu ŋerot kulu, atinebu ’ya ’börik ko kita nagon lele ŋuto aje kon kanyit i lokökorit na.

¹⁷ Ŋuto logon bubu ’ya lo, ti nye bubu ’ye ko Matat i mugun.

¹⁸ Kogwon a leŋe ŋuto logon pupurja mugun lo nye lo rukö, ama a nye logon Matat pupur lo nye lo rukö.