2 Dekat 4 - Bibilia Buk na Ŋun nagon koti luŋu a

¹ A nye teteŋdi pirit ’yuret na rubaŋgajin nagon a mölwö, nagon tojolan nanyit a lokiliŋan merya murek, a tugalaŋ nanyit gwe a lokiliŋan merya murek, a tojolan nanyit ki gwe a lokiliŋan puök.

² A nye teteŋdi ŋo gwoso popo ko mölwö nagon a tolusökö; a ŋina popo gwe a natuluŋ, a tugalaŋ nanyit gwe a lokiliŋan puök suluja i kutuk tojo ko nene kutuk, a togulu nanyit gwe a lokiliŋan mukanat, a tojolan na pata na temarikin tŋguru nanyit gwe a lokiliŋan merya musala.

³ A ŋo gwoso keria a tetenaki i mukök na ŋinu popo i lolorga na lepeŋ; a tojolan na lolopet nase gwe a lokiliŋan merya musala; a kilu keria gwe a ’dokiŋ murek, a iŋge tolusökö ko a golon a ŋo geleŋ ko nu popo.

⁴ A lepeŋ iŋge togwi ’diki i loki na ŋojino ti öwönin puök wot murek, a kulye dwoŋin musala meddi swot lo lobot, a kulye musala meddi swot lo tokotyaŋ, a kulye musala meddi swot lo loki, a musala kulo meddi swot lo ’yure; ŋinu popo a tiki ko kilu öwönin loki, a mukökö kase liŋ toyumaki toyumakin.

⁵ A tu ’bökik na ŋinu popo gwe a ’dapanit geleŋ na könin; a kutuk nanyit iŋge tetenaki gwoso kutuk na kopo, gwoso koturönti lo kojom. Ŋinu popo bubulö tojore ko sapya Iwolwoŋ alipan musala.

⁶ A nye köti teteŋdi mu ’dajin lalaesi puök, a nye tiŋdi mukanat i swot lo lutaten lo kadi ko kulye mukanat i swot lo kadoŋe. A se lalaji tito nagon a kitarikin rubaŋgajin lo ’yu ’yura ’buluŋ i kilo mu ’dajin, a popo nu gwe a na koanejin anyen se lalaju kata.

⁷ A nye teteŋdi togwo ’diesi puök ti lombojin nagon a dakap gwoso i saret, a tiŋdi se i kadi na MATAT, mukanat i swot lo lutaten, ko kunie mukanat i swot lo kadoŋe.

⁸ a nye köti teteŋdi misajin puök, a tiŋdi se i kadi na MATAT, mukanat i swot lo lutaten ko kunie mukanat i swot lo kadoŋe. A nye teteŋdi kalabajin mia geleŋ ti dakap.

⁹ A nye teteŋdi mariŋ na koanejin, ko mariŋ duma, ko kotumiton ti nu mariŋ, a nye muluje kotumiton kase ko mölwö;

¹⁰ a nye tiŋdi ŋimi popo i swot lo lutaten i goŋet lo kadi logon diraddu i swot lo loki ko i swot lo ’yure.

¹¹ A Kuram köti teteŋdi yekesi ti kurök, ko korekan, ko kalabajin. Nyena a Kuram tutuŋge kitajin nagon nye a kitakin mor Solomona i kadi na Ŋun kune.

¹² Kweja adi kine a togwi­ ’diesi murek, ko mukesi natulurak na muggo kusik ti kilu togwi ’diesi murek, ko ŋo gwoso biryajin murek anyen muggo kinu mukesi murek natulurak nagon i kusik ti kilu togwi ’diesi;

¹³ ko ŋo gwoso ludweki ti ruman miajin iŋwan logon a ti kinu biryajin murek, a birya geleŋ gwe ko ’dokiŋ murek ti kilu ludweki ti ruman anyen muggo mukesi murek natulurak na gwon i kusik ti kilu togwi ’diesi kune.

¹⁴ A nye köti teteŋdi gwo ’diesi ko mu ’dajin lalaesi kase loki,

¹⁵ ko ŋo geleŋ gwoso popo, ko ŋojino puök wot murek ti öwönin lo ’debba ŋinu popo,

¹⁶ ko yekesi ti kurök, ko korekan se ko sowesi ti lokore. Kinu tito liŋ a tetena ko mölwö na jeya, nagon Kuram-abi a tetenakin mor Solomona a ti kadi na MATAT.

¹⁷ A mor tolusoggi mölwö a ’buggi i gweyarijin kase logon a ’boka i liŋo na gwon i kiden na Suköt ko Sareda, i ’dar na kare Yardene.

¹⁸ A Solomona teteŋdi kine ŋo liŋ jore parik, a temet na mölwö nase gwe a ko galwe.

¹⁹ A Solomona teteŋdi tito liŋ na gwon i kadi na ŋun, gwoso pirit ’yuret na rubaŋgajin nagon a dakap, ko misajin ti ambatajin na peta ko Ŋun i komor,

²⁰ ko togwo ’diesi ti lombojin ko lombojin kase nagon a tetena ko dakap nake kune, anyen kokobbu i komor na toŋkwet, gwoso na saraki ’e nu;

²¹ ko ŋo gwoso koturön, ko lombo­jin, ko ŋwakesi nagon a tetena ko dakap nake parik;

²² ko walya, ko kalabajin, ko ’yulukutan ti bökur, ko ta ’doka. Kine liŋ a tetena ko dakap nake. A i lupesi ti kadi na Ŋun a nye köti teteŋdi kotumiton ti nu kadi na lukata nagon a pirit nake na rurwan na totopuŋdya ko dakap, se ko kotumiton ti kadi najo na kadi na Ŋun.