1 Yoane 1 - Bibilia Buk na Ŋun nagon koti luŋu a

Kulyaet lo Ru

¹ Kwe na kulya gwon a Kulyaet lo Ru. Ŋilo Kulyaet koju aje gwon kata suluja i suluet; yi a yiŋ lepeŋ, a yi iŋge met ko konyen kaŋ; yi a dir lepeŋ, a yi iŋge ’bo ko konisi kaŋ.

² Ŋina Ru a kweya, a yi iŋge met lepeŋ, a yi iŋge tokoŋu kulya kanyit, a yi iŋge tukokin ta kulya kanyit, adi, nye a ru na yeŋ nyin nagon gwon ko Ŋun Monye a iŋge kweki yi na.

³ Yi koti a tukökiŋdyö ta ŋo nagon yi aje met ko aje yiŋ kune, anyen ta boŋö gwon a po geleŋ koyi i pirit na geleŋ; ŋina tojulin nikaŋ gwon i pirit na geleŋ ko Ŋun Monye se ko Ŋuro lonyit Yesu Kristo.

⁴ Yi wurokiŋdyö ta kine kulya anyen yi se ko ta liŋ lyolyoŋon parik ko toilyet kaŋ liŋ.

Ŋun a parara

⁵ Loŋe logon yi a yiŋun kanyit a tukokiŋdye ta lo nye lo, adi Ŋun a parara, a mudwe gwe ’bayin kanyit kwoŋ.

⁶ Koyi kulya adi yi tojulin ko lepeŋ kölumbö a yi wöröni i mudwe, yi jambu kulya ’burönö, a yi tine koŋdya kulya ti to ’diri.

⁷ Ama koyi wöro i parara gwoso na gwoŋdi nye i parara na, a yi tojuline ko ’börik, a rima ti Yesu Ŋuro lonyit lalaji yi i toronjin liŋ.

⁸ Koyi kulya adi yi ’bak toronjin yi mumulugga ’borik, a yi gwe ’bak kulya ti to ’diri kayaŋ i toilyet.

⁹ Koyi tutuk toronjin kaŋ kaŋo, lepeŋ a lo rigwo ko a lo yiyiniki i pitökiŋdyö na yi i toronjin kaŋ ko i toke ’ya na yi i ŋo narok liŋ.

¹⁰ Koyi kulya adi yi a ko toroŋdya, a yi koŋdi lepeŋ a ’burönit, a kulyaet lonyit gwe ’bayin kayaŋ i töilyet.