1 Samuele 2 - Bibilia Buk na Ŋun nagon koti luŋu a

Köli lo Ana

¹ A Ana köti kwakwaddi adi, Töili liŋ a lyöŋön ko MATAT; do MATAT a töduma ’yu riŋit nio. Nan a ŋaju kutuk nio i toŋuŋdya na merok kwe, kogwon nan a lyöŋön i lwökit nanyit.

² Lele ’bayin logon a loke gwoso MATAT, iŋkoi, lele ’bayin logon lwölwöŋ lepeŋ; lurutat lele ’bayin asut lo gwoso ŋun likaŋ.

³ Ko nyuŋ bu ’ya ta kusik köti parik i jambu, ti bu ’ya na mugunya gwe ti lupe kaŋo kasu i kutusen; kogwon MATAT a ŋun logon a kadenanit, a lepeŋ iŋge tem konesi.

⁴ Daŋin ti ŋutu walan aje ’be ’beleŋ, ama ŋutu lomunyak aje toŋa mukökö kase ko riŋit.

⁵ Ŋutu logon a yimönö kulo a pakiŋdya ’börik i kita anyen se gworo kinyo, ama se logon mamagora kulo aje kö ’yu magora. Ŋuto nagon a ’baŋ na aje yuŋ-dyö ŋwajik buryo, ama nye nagon ko ŋwajik jore na aje tomunyana.

⁶ MATAT tatatuja ko totorujö köti; lepeŋ jojoŋga ŋutu kak i pirit na mulökö ko toto piju ki köti.

⁷ MATAT totolomeriaŋdu ŋutu ko tutukwörieŋdu; nye nyönyökun ŋutu kak a nye köti ’bilikiŋdye ki.

⁸ Nye ’bi ’bilun lomerika ki i ŋutut, lepeŋ köti totoŋiun ŋutu lo gwon ko yöŋö na ŋo kulo ki i sudi lo kurök ti kimaŋ, anyen tosi ’daju se ko kimak i pirit na gepeŋ i ruddya na si ’daesi ti todumalan. Kogwon togwi ’diesi ti kak a ti MATAT, a nye iŋge pipiluŋdya kak i loki

⁹ Nye titiju wörö na katwöyök kanyit; ama katoronyak gegelaji i mudwe; kogwon ŋuto ko riŋit nanyit ti bulö te ’ya.

¹⁰ Merok ti MATAT mo totorea asut; a nye mo peji se ko kipya lo ki. A MATAT mo ’duŋge putet lo ’dute-si ti kak; a nye mo togo ’yi mor lonyit, a töduma ’yi riŋit na ŋuto lonyit lo welaki a mor lo.

¹¹ A Elekana yitöni Rama kanyit mede. A ŋuro lo kitakiŋdye MATAT ko koane Eli i komor.

Mede na Eli a kiki go naron

¹² A ŋwajik ti Eli wöröni abur; a se tine twöju MATAT.

¹³ A keri lo koanejin ko ŋutu ŋupi gwe sona adi, i diŋit nagon ko lele ŋuto gwon i wukiŋdya na rubaŋga, a köli ŋönit lo koane lo poŋdi ko sowet lo lokore kanyit i könin logon ko kala musala, i diŋit nagon lokore na nyuŋ dedera;

¹⁴ a lepeŋ sukiŋdye i mu ’da lukata, kode i sape, kode i tuli, kode i ta ’dök; a ŋo liŋ nagon sowet a laruun kune gwe a ti koane. Se konakin ŋutu liŋ ti Yisaraele sona logon a tu Silo yu.

¹⁵ A kokwe nagon welesi a ko nyuŋ ’yura, a kölipönit lo koane lo poŋdi a kulyani ko ŋuto logon ’du-Ogö rubaŋga lo adi, Tiki nan lokore na koane anyen nan pilikin lepeŋ; kogwon lepeŋ ti ruk lokore inot na dedera, ama ’dek nadon.

¹⁶ A ko lu ŋuto ködyö a kulya ko lepeŋ adi, Ti se ’yuŋe welesi a kokwe, a kirut do de ’dumaddi gwoso nagon do a ’deggi na; a lepeŋ de kulyani adi, ’Bayin, do agu titikin nan soŋinana; a ko ’bayin sona, a nan de riŋuŋdye riŋuŋdya.

¹⁷ a toron na kilo teton gwe a duma parik ko MATAT i komor; kogwon se lalaun ŋo nagon wuki MATAT a ’dokesi kune.

¹⁸ A Samuele kitani ko MATAT i komor, a ŋilo ŋuro iŋge pitakiŋdya kanyit i mukök boŋgo na waratat naparere na luŋu a epoda.

¹⁹ A ŋote nanyit ŋupi gwekiŋdye lepeŋ boŋgo na ’dit, a jakiŋdye lepeŋ temba i kiŋa i diŋit nagon nye moraddi kase lalet i wukiŋdya na rubaŋga lo kiŋa nu.

²⁰ a Eli ’boroji Elekana ko narakwan nanyit, kulya adi, Ti MATAT tiki do ŋwajik i ŋina ŋuto, kogwon na ’doket nagon nye aje tiŋdu MATAT na; a se kirut yitöni kase mede.

²¹ A MATAT ’yö ’yi Ana, a nye piŋge pigga, a yuŋuŋdye ŋwajik lulyan musala, ko ŋwajik nawate murek. A lo ŋuro Samuele ’duröddi ki ko MATAT i komor.

²² A Eli gwe a modoŋ parik, a nye iŋge yiŋ ŋo liŋ nagon ŋwajik kanyit konakin i Yisaraele liŋ kune, ko lulu-pujö nase na ŋutu wate na kikita i kötumit lupet na kemia torumet.

²³ a nye pije se adi, Nyo nagon ta a koŋdya kine ŋo? Kogwon nan a yiŋ ko ŋutu liŋ konesi kasu narok.

²⁴ Kine kulya a narok ŋwajik kwe, lore logon nan a yiŋ ko ŋutu ti MATAT logon se a torekiŋdya i kulya kasu lo ti gwon a lo ’but asut.

²⁵ Ko ködyö ŋuto toroŋdya ko ŋuto, a ŋun de lilije kulya kanyit; ama ko ŋuto toroŋdya ko MATAT, a ŋa kirut bubulö mumulukiŋdyö kulya kanyit? Ama lepeŋat ti ’dekan yiŋga gworo lo monye lose; kogwon gwe a ’deket na MATAT i tatuja na se.

²⁶ A lo ŋuro Samuele puputuru ŋerot i ’duŋö ko i nyara ko MATAT se ko ŋutu.

²⁷ A ŋuto lo ŋun lo poŋdi ko Eli ni, a kulyani ko lepeŋ adi, MATAT a jambu adi, Nan a kwekiŋdya mugun i kotumit na merenye ilot, i diŋit nagon se gwon Ejipeto a ’dupi ti kotumit na Paro nu.

²⁸ A nan geluŋdye merenye ilot kaŋo i kotumiton liŋ ti Yisaraele anyen gwon a koane liŋ, anyen tu köyö i pirit ’yuret na rubaŋgajin, i ’yuŋa na bökur ko i jupu na epoda köyö i komor; nan aje tikin kötumit na mere-nyu rubaŋgajin kwe liŋ lo ’yu ’yura ’buluŋ logon ŋutu ti Yisaraele a wukin kulo.

²⁹ Ko nyo ta lalaun rubaŋgajin kwe ko ’dokesi nagon nan aje sarakin anyen jaki nan; a do bu ’ye ŋwajik kulök lwölwöŋ nan, a ta topije ’borik ko swötön lo ’but ti ’dokesi liŋ logon ŋutu kwe Yisaraele lo wukiŋdya kilo?

³⁰ Nyenagon MATAT ŋun lo Yisaraele a kulya adi, Nan ’diri a jambu adi, mede inot ko kötumit na merenyu mo wöwörö köyö i komor ŋupi. Ama soŋinana MATAT a kulya adi, Ti nan gwe pajo i kine kulya; kogwon ŋutu logon bubu ’ya nan kilo a nan de bubu se, a se logon lalaun nan kilo mo tine yeyeŋ.

³¹ Mete, perok kilo popo logon nan mo ’duŋöddi kaŋo riŋit inot ko riŋit na kötumit na merenyu, anyen ŋuto modoŋ molu gwon ti rye konut midi.

³² A do mo meddi ko delya ko yulön ŋo liŋ na ’but nagon mo konaki ŋutu ti Yisaraele kune, aŋuto modoŋ molu tine rye konut midi ŋupi.

³³ A ŋuto ilot logon nan mo ti ’duŋörö kaŋo koyo i pirit na rubaŋgajin lo mo pitwene pitwe, anyen konyen kanyit kökörö ko politan anyen tomijö töili lonyit, a nyakwariat liŋ ti kötumit inot mo ’bunyökine ko twan nagon se nyuŋ a ŋutu iŋgo nu.

³⁴ A ŋina mo gwe a kweyet konut i kulya nagon mo ’dukin i ŋwajik kulök murek kulo logon a ko Openi ko Pinasa, kweja adi se liŋ murek mo twatwa i lor gepeŋ.

³⁵ A nan mo topukokiŋdye mugun koane lo yiyiniki i kita logon mo koŋdya ŋo nagon nan ’de ’dekan köyö i töili ko i yeyeesi kune. A nan mo tetenakiŋdye lepeŋ kötumit nagon a gwak, a nye mo kitani ŋupi i komor na ŋuto liŋ lo welaki a mor lo.

³⁶ A kirut mo gwe sona adi se liŋ gepeŋ gepeŋ logon a pituŋdyö konut midi kulo mo poŋdi ko lepeŋ ni i muluŋdyö na tupet na pödö kode ambata gepeŋ, a mo kulyani adi, Tiki nan böŋö i nene kita nagon koanejin lo koŋdya anyen nan bubulö nyesu pitönö ti ambatajin.