1 Moran 7 - Bibilia Buk na Ŋun nagon koti luŋu a

Kunie kadijik na ’duk Solomona

¹ A ko gwe sona a Solomona koti gwe i ’dukokiŋdyo na mugun kadi nanyit ko kiŋajin puök wot musala, a nye iŋge tutuŋ ’duggo kadi nanyit liŋ.

² A nye ’duŋge kadi na lupu a Kadi na Rudu lo Libanon; a tojolan nanyit gwe a lokiliŋan mia geleŋ, a tugalaŋ nanyit gwe a lokiliŋan merya mukanat, a tojolan nanyit ki gwe a lokiliŋan merya musala. A ŋinu kadi a ’dukoki i loki na gwokiot musala ti kaden logon gwoso tika logon a togwi ’diesi, a kaden logon gwoso tika iŋge petaki kase loki.

³ A nye peddi baulan ti kaden logon gwoso tika i loki na kinu kaden nagon a peta i loki na togwi ’diesi merya iŋwan wot mukanat, a gwoke geleŋ gwe ko togwi ’diesi puök wot mukanat.

⁴ A nye tiŋdi kaden i ’dokiŋ musala, a kolokindye kwakiat kase i kaden a kwilisesi daŋin musala, a kine kwilisesi todiraki todirakin i swötön murek.

⁵ Kotumiton liŋ ko kwilisesi a tetena ko goŋesi a regorego, a ’dokiŋ musala ti kwilisesi todiraki todirakin i swötön murek.

⁶ A nye teteŋdi baraŋöa nagon ko togwi ’diesi; a tojolan nanyit gwe a lokiliŋan merya mukanat, a tugalaŋ nanyit gwe a lokiliŋan merya musala; a baraŋöa gwe kanyit i komor ko kulye togwi ’diesi ko bau duma i ’duket nanyit.

⁷ A nye koti teteŋdi kadi si ’daet nagon nye ’duŋge putesi, nagon luŋu a kadi ’Duŋet na Putesi; a nye iŋge muko ko kaden logon gwoso tika suluja kak tojo ko kaden lo muggo lo ’dek i lukata nanyit.

⁸ A kadi nanyit nagon lepeŋ si ’da kata nu gwe i nene mariŋ lukata, i ki ’diŋ na ŋinu kadi duma, a gweya nanyit gwe jojo. A Solomona köti ’dukökiŋdye ŋuro na Paro nagon lepeŋ a yemba a nakwan nu nene kadi gwoso ŋina kadi duma.

⁹ A kinu kadijik liŋ iŋge ’dukö ko ŋurupö lo gwörö go, logon a ’duŋö gwoso temet nase, ko a tuturu ko ’duŋesi ti witiöt i ki ’diŋ ko i komor, suluja i pipilesi ti kadijik tojo ko kwe na gorom, ko köti suluja kaŋo tojo ko mariŋ duma.

¹⁰ A pipilesi kase gwe a ŋurupö lo gwörö go, ko a lobot, a kulye ŋurupö gwe a lokiliŋan puök a kulye gwe a lokiliŋan budök.

¹¹ A kulye ŋurupö lo gwörö go gwe kase loki, logon a tuturu gwoso temesi kase, mora ko kaden logon gwoso tika.

¹² A mariŋ duma nu iŋge tetena ko ’dokiŋ musala ti ŋurupö lo tuturu kanyit i mara ko ’doke geleŋ lo kaden logon gwoso tika; a mariŋ na lukata na kadi na MATAT ko baraŋöa na kadi köti a tetena jojo.

Kiram kita a bodo i kadi na MATAT

¹³ A mor Solomona sonyoddi ŋuto i dogga na Kiram Turo yu.

¹⁴ A lepeŋ gwe a ŋuro lo karu ’be na kötumit na ŋutu ti Napatali, monye lonyit a ŋuto lo Turo, logon a tumunit lo mölwö; lepeŋ a jore ko koŋon, ko kuruŋdyö, ko tobodwan i koŋdya na kitajin liŋ ko mölwö. A nye poŋdi ko mor Solomona ni, a kitakiŋdye lepeŋ kita nanyit liŋ.

¹⁵ A nye gweji togwi ’diesi murek logon a mölwö. A tojolan na ki na togwi ’diet geleŋ gwe a lokiliŋan puök wot budök, a tojolan na pata na temarikin totulur nanyit gwe a lokiliŋan puök wot murek; a ŋilu togwi ’diet gwe a rurwe, a tu ’bökik nanyit gwe a morin iŋwan; a lele togwi ’diet lo gwe jojo.

¹⁶ A nye köti teteŋdi mukesi murek nagon a mölwö nagon aje tolusökö, anyen tiki a kusik ti kilo togwi ’diesi; a tojolan na ki na muket geleŋ gwe a lokiliŋan mukanat, a nene muket nu gwe a lokiliŋan mukanat köti.

¹⁷ A nye teteŋdi ŋo gwoso biryajin murek na rereka ko mölwö, a nye duduluje toŋot anyen loparikin mukesi na gwon i loki na kilu togwi ’diesi kunu; a kinu mukesi murek gwe ko biryajin geleŋ geleŋ.

¹⁸ Köti a nye teteŋdi ŋo gwoso ludweki ti ruman, a tiŋdi se i ’dokiŋ murek i loki na birya geleŋ a Jolopesi anyen muggö muket na gwon i loki na togwi ’diet; a nye teteŋdi muket tomurek jojo gwoso ŋinu.

¹⁹ A mukesi ti kusik ti kilu togwi ’diesi lo gwon i baraŋöa kulo a tetena gwoso köturön ti korom, a tojolan nase gwe a lokiliŋan iŋwan.

²⁰ A kinu mukesi gwe i loki na togwi ’diesi murek, ko köti i loki na kwe natu lur na rimuŋdyö kaŋo na gwon i ’dutet na birya na rereka na; a ludweki ti ruman gwe kata miajin murek a ’dokiŋ murek loloresi; a muket tomurek a tetena jojo gwoso ŋina.

²¹ A nye togwi ’dikiŋdye kilu togwi ’diesi i baraŋöa na kadi na MATAT; a togwi ’dikiŋdye togwi ’diet lo gwon i swöt lo lutaten a gwije nye a Yakin; a nye togwi ’dikiŋdye lele lo gwon i swöt lo kadoŋe a gwije nye a Boaja.

²² A kusik ti kilu togwi ’diesi iŋge tetena gwoso köturön ti korom. A kita na kilu togwi ’diesi iŋge tutuŋö.

²³ A nye teteŋdi ŋo gwoso pöpö ko mölwö nagon a tolusökö; a ŋina popo gwe a natuluŋ, a tugalaŋ nanyit gwe a lokiliŋan puök suluja i kutuk tojo ko nene kutuk, a togulu nanyit gwe a lokiliŋan mukanat, a tojolan na pata na temarikin tŋguru nanyit gwe a lokiliŋan merya musala.

²⁴ A ŋo gwoso keria a tetenaki i mukök na kutuk na ŋinu pöpö i lolorga na lepeŋ; a tojolan na lolopet nase gwe a lokiliŋan merya musala; a kilu keria gwe a ’dokiŋ murek, a iŋge tolusökö ko a golon a ŋo geleŋ ko nu popö.

²⁵ A lepeŋ iŋge togwi ’diki i loki na ŋöjinö ti dwönin puök wot murek, a kulye dwönin musala meddi swöt lo lobot, a kulye musala meddi swöt lo tokotyaŋ, a kulye musala meddi swot lo loki, a musala kulo meddi swöt lo ’yure; ŋinu popö a tiki ko kilu dwönin loki, a mukökö kase liŋ toyumaki toyumakin.

²⁶ A tu ’bökik na ŋinu pöpö gwe a ’dapanit geleŋ na könin; a kutuk nanyit iŋge tetenaki gwoso kutuk na kopo, gwoso koturönti lo korom. ŋinu popö bubulö tojore ko sapya alipan murek.

²⁷ A nye köti teteŋdi gwo ’diesi puök ko mölwö; a tojolan nase liŋ geleŋ geleŋ gwe a lokiliŋan iŋwan, a tugalaŋ nase gwe a lokiliŋan iŋwan, a tojolan nase ki gwe a lokiliŋan musala.

²⁸ A ŋina gwe a tetenet na kine gwo ’diesi; se gwon ko mara logon a to ’depaki i lukata na goŋesi regorego lo rimuŋdyo kaŋo,

²⁹ a ŋöjinö na gweya ti kömiruöt, ko ti dwönin, ko ti kerubajin, gwe i kilo mara logon a to ’depaki i lukata na goŋesi regorego lo rimuŋdyö kaŋo. A dudulesi na gweya a naparere gwe i kilo goŋesi lo rimuŋdyö kaŋo, i swöt lo ki ko i swöt lo kak na kilu kömiruöt ko dwönin.

³⁰ a gwo ’diesi liŋ geleŋ geleŋ gwe ko mokosi jikesi iŋwan iŋwan logon a mölwö, ko mölwö tomoresi kase; a tökesi na gwon i mukök na mu ’da lalaet gwe i gopesi kase ti kakö wan. A kinu tökesi a tolusökö, a se gwe ko dudulesi na gweya i swötön kase geleŋ geleŋ.

³¹ a kutuk nanyit gwe i lukata na yakit nagon a remoddu ki gwoso lokiliŋ geleŋ; a nye gwe a natu lur gwoso gweya na tuinit lokiliŋ geleŋ ko swöt. A kutuk nanyit iŋge giru; a mara kanyit gwe a regorego ti gwon a natu lur.

³² a mokosi jikesiiŋ wan ti ŋinu gwo ’diet gwe i lukak na mara kanyit; a tomoresi ti kilo mokosi jikesi gweyani a ŋo geleŋ ko kinu gwo ’diesi; a tojolan na ki na moköt jiket geleŋ gwe a lokiliŋ geleŋ ko swöt.

³³ A kilu mokosi jikesi iŋge tetena gwoso mokosi ti arabia lo jijikö; a tomoresi ti kilu mokosi kase, ko kutusen ti witiöt kase, ko silikön kase, ko witiöt kase logon silikön tora kata i kiden na kilu mokosi, se liŋ a tolusökö.

³⁴ a kine gwo ’diesi gwe ko tökesi iŋwan iŋwan i goŋesi kase geleŋ geleŋ; a kinu tökesi gwe a ŋo geleŋ ko kinu gwo ’diesi.

³⁵ A lite gwe i loki na gwo ’diet geleŋ nagon tojolan nanyit ki a swöt na lokiliŋ, a mokosi ti ŋinu lite na gwon i loki na gwo ’diet ko mara kanyit kune gweyani a ŋo geleŋ ko lepeŋ.

³⁶ a nye gigiŋi ŋo jino ti kerubajin, ko ti kömi­ruöt, ko ti kaden ti tömur, i loki na tökesi kanyit ko i mara kanyit, temba i piritön kase na gwon kana, a lolorgi se ko dudulesi na gweya.

³⁷ a nye teteŋdi kine gwo ’diesi puök sona; a se lipip ge tolusökö ko a golon i daŋ geleŋ, a se gwe ko temet geleŋ ko gweya geleŋ.

³⁸ A nye teteŋdi lalaesi puök ko mölwö; se liŋ geleŋ geleŋ bubulö tojore ko sapya merya iŋwan, a temet na kilu mu ’dajin geleŋ geleŋ gwe a loki liŋ aniŋ wan, a kinu lalaesi gwo ’de i kinu jo ’diesi puök geleŋ geleŋ.

³⁹ a nye tiŋdi kinu gwo ’diesi mukanat i swöt lo

⁴⁰ A Kiram köti teteŋdi yekesi ti kurök, ko korekan ko kalabajin. Nyena a Kiram tutuŋge kitajin liŋ nagon nye a kitakin mor Solomona i kadi na MATAT kune.

⁴¹ Kweja adi kine a togwi ’diesi murek, ko mukesi murek natulurak na muggö kusik ti kilu togwi ’diesi, ko ŋo gwoso biryajin murek anyen muggö kinu mukesi murek na gwon i kusik ti kilu togwi ’diesi;

⁴² ko ŋo gwoso ludweki ti ruman miajin iŋwan logon a ti kinu biryajin murek, a birya geleŋ gwe ko ’dokiŋ murek ti kilu ludweki ti ruman anyen muggö mukesi murek natulurak na gwon i kusik ti kilu togwi ’diesi kune;

⁴³ ko gwo ’diesi puök, ko lalaesi puök kase loki;

⁴⁴ ko ŋo geleŋ gwoso pöpö, ko ŋojino ti dwönin lo ’debba ŋinu pöpo.

⁴⁵ A kilo toro ’bo liŋ ti kadi na MATAT logon Kiram a tetenakin mor Solomona, gwoso yekesi ti kurök, ko korekan ko kalabajin a tetena ko mölwö na jeya.

⁴⁶ A mor tolusöggi mölwö a ’buggi i gweyarijin kase logon a ’boka i lipo na gwon i kiden na Suköt ko Saretan, i ’dar na kare Yardene.

⁴⁷ A Solomona gwe a ko tem kilo toro ’bo, kogwon se jore; a temet na mölwö nase gwe a ko galwe.

⁴⁸ A Solomona teteŋdi toro ’bo liŋ lo gwon i kadi na MATAT, gwoso pirit ’yuret na rubaŋgajin nagon a dakap, ko misa na ambatajin na peta ko Ŋun i komor nagon a dakap,

⁴⁹ ko togwo ’diesi ti lombojin nagon a dakap nake, logon a tiki i komor na nu toŋkwet, mukanat i swöt lo lutaten ko kulye mukanat i swöt lo kadoŋe. A nye teteŋdi ŋo gwoso köturön, ko lombojin, ko ŋwakesi, kine liŋ a tetena ko dakap;

⁵⁰ ko diköriöt, ko walya, ko kalabajin, ko ’yulukutan ti bökur, ko ta ’doka. Kine liŋ a tetena ko dakap nake. A nye teteŋdi tomoresi ti kötumitön ko dakap a ti nu kadi na lukata nagon a pirit nake na rurwan na totopuŋdya, ko ti kötumitön ti kadi najo na kadi na MATAT.

⁵¹ A gwe sona a mor Solomona tutuŋge kitajin liŋ ti kadi na MATAT. A Solomona joŋdi ŋo liŋ nagon Dawidi monye lonyit a gelakin MATAT, nagon a pödöjin ko dakap ko toro ’bo kune, a nye ’de ’yi se i piritön ’delesi ti kadi na MATAT.