1 Moran 18 - Bibilia Buk na Ŋun nagon koti luŋu a

Eliya a yitö ko Aba yu

¹ A gwe sona i mukök na perok jore, a kulyaet lo MATAT ŋoki ko Eliya i kiŋa tomusala adi, Iti, ko kweki mugun ko Aba; a nan mo sunyuŋdye kudu i kak.

² A Eliya iti i kwekiŋdya na mugun ko Aba. A dyaŋ gwe a duma Samaria.

³ A Aba luŋgi Obadia logon a duma lo kadi nanyit. (Nyena Obadia kukuk MATAT parik;

⁴ a gwe sona nagon ŋebele totoggi nebijin ti MATAT kak nu, a Obadia joŋgi nebijin mia geleŋ a ’de ’yi se merya mukanat merya mukanat i kuggiöt, a jakiŋdye se ambatajin ko pioŋ.)

⁵ A Aba kulyani ko Obadia adi, Iti i jur i piritön lelekesi ti pioŋ liŋ ko i luruki liŋ; kode yi ŋona ryöryö döru a lwöggi kusanjin ko kaineki, an yi tolikin kunie toro ’bo.

⁶ A se koŋi jur lu i kiden nase anyen se titiri; a Aba iti i lele swöt nye geleŋ, a Obadia iti i lele swöt nye geleŋ.

⁷ A na tiri Obadia i kiko nu, mete, a Eliya rume ko lepeŋ, a Obadia gwulu ’ye lepeŋ, a ’dorone kak rupu, a pipije adi, ŋilo a do ŋon duma liŋ Eliya?

⁸ A Eliya waddi adi, Nan a nye. Iti ko taki duma ilot adi, Mete, Eliya lo ni.

⁹ A Obadia kulyani adi, Nan a koŋdya nan toron anyen do tiŋdi nan köliŋönit ilot ko Aba i könin i tatuja na nan?

¹⁰ ’Diri gwak gwoso na gwoŋdi MATAT Ŋun ilot na, lele jur ’bayin kode nene tumatyan nagon duma liŋ a ko soŋdi ŋuto i ga ’yu na do; a ko se a kulya adi do ’bayin kase yu, a nye tomilyeji ŋinu tumatyan kode ŋilu jur adi se a ko ryö do.

¹¹ Soŋinana do kulya adi ti nan iti i takiŋdya na duma liŋ adi, Mete, Eliya lu yu.

¹² A gwe sona ko nan aje kö ’yu do, a Mulökötyo lo MATAT de ’doggi do a nan tine denara do. Nyena ko nan a tu i takiŋdya na Aba, a nye tine ryö do, a nye de tatuje nan, ma ’di ködyö nan köliŋönit ilot kukuk MATAT suluja i tolupudien nio.

¹³ Kine ŋo nagon nan a kon i diŋit na tatuje ŋebele nebijin ti MATAT kulu a ko nyönyököki do le, ŋon duma liŋ, adi nan a ’de ’ya nebijin ti MATAT mia geleŋ, merya mukanat merya mukanat i kuggiöt, a jakiŋdye se ambatajin ko pioŋ?

¹⁴ A soŋinana do kulya adi ti nan iti i takiŋdya na duma liŋ adi, Mete, Eliya lu yu; a nye de tatuje nan.

¹⁵ A Eliya kulyani adi, ’Diri gwak gwoso na gwoŋdi MATAT lo kurumi logon nan a köliŋönit lonyit lo, nan de kwekwekin mugun ko mor i lo lor.

¹⁶ A Obadia iti i rum ko Aba, a takiŋdye lepeŋ; a Aba iti i rum ko Eliya.

¹⁷ A na meddi Aba Eliya nu, a Aba pipije lepeŋ adi, Do nye ŋilo kayöyöŋönit lo Yisaraele lo?

¹⁸ A nye waddi adi, Nan a ko yöyöŋgu Yisaraele; ama do ko kötumit na munyi lo yöyöŋgu, kogwon ta a paju saresi ti MATAT a kepoddi ŋunyen logon a Balajin.

¹⁹ Nyenagon soŋinana sonyoddi lore ko momoraki nan ŋutu liŋ ti Yisaraele i mere Karmela, se ko nebijin ti Bala miajin iŋwan ko merya mukanat kulo, ko nebijin ti Asera miajin iŋwan logon tunyei ko ŋebele kulo.

Nebijin a möŋu ’börik i mere Karmela yu

²⁰ A Aba soŋdi lore i ŋutu liŋ ti Yisaraele, a momori nebijin kulu i pirit na geleŋ i mere Karmela.

²¹ A Eliya mijörö ko kulu ŋutu liŋ nyona, a pipije adi, Diŋit ŋoman ta gwon i leleuddya na ŋedepa kasu? Ko MATAT logon a Ŋuro kepoddi ta lepeŋ; ama ko Bala logon a Ŋun kepoddi ta lepeŋ. A kilu ŋutu gwe a ko wat lepeŋ ma ’di ko kulyaet geleŋ to.

²² A Eliya kulyani ko se adi, Nan geleŋ tuŋ lo pitökine a nebi lo MATAT; ama nebijin ti Bala a ŋutu miajin iŋwan ko merya mukanat.

²³ Nyena tiŋdi ta yi öwönin murek; a ti se wulökiŋdye ’börik dwöt geleŋ, a gögöŋdi nye a peddi gonyesi kune i kaden loki, ama ti kimaŋ gwe ti to ’de-paki nyin; a nan de teteŋdi lele dwöt lo, a petakiŋdye nye i kaden loki, ama ti kimaŋ gwe ti to ’depaki nyin.

²⁴ A ta luŋgi karin ti ŋun losu a nan de luŋgi karin ti MATAT; a Ŋuro logon nyobba ko sunyuŋdyö na kimaŋ lo, nye ŋilo a Ŋuro. A ŋutu liŋ waddi adi, Do a jambu ’bura.

²⁵ A Eliya kulyani ko nebijin ti Bala kulo adi, Wulökiŋdye ta ’börik dwöt geleŋ ko teteŋdi ta lepeŋ a kokwe; kogwon ta jore; a ti ta luŋgi karin ti pun losu, ama ti kimaŋ gwe ti to ’depaki nyin.

²⁶ A se joŋgi dwöt logon a tiki se lo, a teteŋdi lepeŋ, a se luŋgi karin ti Bala suluja i ko ’bure tojo ko tuparan kiden adi, A, Bala, yiŋge yi! Ama a gworo lo yiŋa gwe ’bayin kode nene ruket. A se gwe i yoyoŋga na ’börik i lorga na ŋinu pirit ’yuret na rubaŋgajin nagon se a teten na.

²⁷ A i tuparan kiden, a Eliya ’döji se adi, Gwine ta parik, kogwon nye a pun; kode lepeŋ gwon i yeyeju, kode nye a tu kaŋo, kode nye a jölo, kode nye a doto, ta agu ködyö totopurun lepeŋ.

²⁸ A se gwine gwien parik, a ’du ’duŋuje ’börik ko walya ko goro gwoso keri lose, tojo ko rima kase a wuun kaŋo.

²⁹ A gwe sona na Iwoŋgi tuparan kiden nu, a se ŋoki i keju tojo ko diŋit wukiet na rubaŋga; ama a gworo lo yiŋa gwe ’bayin, kode ruket, iŋkoi ŋuto ’bayin lo yiŋga.

³⁰ A Eliya kulyani ko ŋutu liŋ adi, Miju ta köyö ni; a ŋutu liŋ mijörö kanyit yu. A nye nyöggi teteŋdya pirit ’yuret na rubaŋgajin ti MATAT nagon aje dukaki kak na;

³¹ a Eliya ’du ’du-muŋdye ŋurupö puök wot murek, gwoso kena na kötumitön ti ŋwajik ti Yakobo, logon kulyaet lo MATAT a ŋokin ko lepeŋ lo adi, Karin kunök mo gwon a Yisaraele,

³² A nye teteŋdi pirit ’yuret na rubaŋgajin ko kilo ŋurupö i karin ti MATAT. A nye ’boggi dili lolopet na nu pirit ’yuret nagon togulu nanyit temakiŋdya koresi murek ti nyomot.

³³ A nye peddi kaden jojo, a gögöŋdi lu dwöt a peddi i kaden loki. A nye kulyani adi, Tojorone ta sapya iŋwan ko pioŋ, ko ’buŋge ta i rubaŋga lo ’yu ’yura ’buluŋ ko i kaden köti.

³⁴ A nye kulyani adi, Koŋdi ta daŋ tomurek; a se koŋdi koŋdya daŋ tomurek. A nye köti kulyani adi, Koŋdi ta daŋ tomusala; a se koŋdi koŋdya daŋ tomusala.

³⁵ A pioŋ kune baranyaddi kak i mara ti nu pirit ’yuret a töjoreji nu dili lolopet köti.

³⁶ A gwe sona i diŋit wukiet na rubaŋga, a nebi Eliya mijörö nyona a kulyani adi, Pon MATAT ŋun lo Abarayama, ko a lo Yisaka, ko a lo Yisaraele, ti denani dena i lo lor adi do logon a ŋun lo Yisaraele, a nan gwe a köliŋönit ilot, ko köti adi nan aje koŋdya kine ŋo liŋ kogwon kulyaet ilot.

³⁷ Yiŋge nan ŋon MATAT, böŋö yiŋge nan, anyen kilo ŋutu böŋö deden adi do MATAT logon a Ŋuro, ko köti adi do aje löpukuŋdyö töilyet kase bot.

³⁸ A kimaŋ na MATAT ’duruu ki, a totumbe rubaŋga lo ’yu ’yura ’buluŋ, ko kaden, ko ŋurupö, ko ŋutu, a ’biyaddi pioŋ na gwon i dili lolopet kune.

³⁹ A ŋutu liŋ ko meddi kine kulya, a se ’do ’done kak rupu, a se kulyani adi, MATAT logon a Ŋuro; MATAT logon a Ŋuro ’diri.

⁴⁰ A Eliya kulyani ko lepeŋat adi, Momoke ta nebijin ti Bala; ti lele lose gwe ti wökön asut. A se momorgi lepeŋat; a Eliya joŋgi se kak tojo i loro Kison, a tatuje se nyu.

Eliya a mo ’yu ŋuro i sunyuŋdyö na kudu

⁴¹ A Eliya kulyani ko Aba adi, Yitöni i nyesu ko i möju; kogwon woŋon na kudu kata a duma.

⁴² A Aba iti ki i nyesu ko i möju. A Eliya kije tojo i kwe na Karmela; a nye duladdi mugun kak, a tiŋdi komor nanyit i kwake na kuŋwat kanyit.

⁴³ A nye kulyani ko köliŋönit lonyit adi, Kije ki soŋinana, meddi swöt lo tör na ’balaŋ. A nye kije ki a meddi meddya, a nye kulyani adi, Nene ŋo ’bayin. A Eliya kulyani adi, Iti köti daŋin buryo.

⁴⁴ A gwe sona i daŋ toburyo a nye kulyani adi, Mete, ’diko aje pukun i tor na ’balaŋ a na ’dit gwoso könin lo ŋuto. A Eliya kulyani adi, Iti ko taki Aba adi ti lepeŋ teteŋdi arabia lonyit lo jirikö, ko ti lepeŋ dudulara kak an kudu teŋ lepeŋ.

⁴⁵ A gwe sona i diŋit a na ’dit, a ki na ’diku ko kobuŋot, a kudu iŋge ’don a duma. A Aba wöki ko arabia lonyit lo jirikö tojo ko Yejerele.

⁴⁶ A könin lo MATAT gwe ko Eliya; a nye ruŋge boŋgo nanyit a toŋi toŋa, a nye wöki ko Aba ŋerot tojo ko lupet na Yejerele.