1 Moran 17 - Bibilia Buk na Ŋun nagon koti luŋu a

Eliya a keju adi kudu mo ’bayin

¹ A Eliya Tisibetyo lo Tisibe na Gilada kulyani ko Aba adi, ’Diri gwak gwoso na gwoŋdi MATAT Ŋun lo Yisaraele logon nan a köliŋönit lonyit lo, puŋutut kode kudu mo gwe ’bayin i kilo kiŋajin, ake ko nan a kulya.

² A kulyaet lo MATAT ŋoki ko lepeŋ adi,

³ Ŋiörö kaŋo ni ko girara i swöt lo ’yure, a do ’de ’yi mugun i loro Kerit lo gwon i swöt lo ’yure lo Yardene.

⁴ A do mo möji pioŋ ti ŋilu loro; nan aje sarakiŋdya korukan anyen tunyeju do nyu.

⁵ A nye koŋdi gwoso na kulyari MATAT na; a iti tu a si ’dani nyona ko loro Kerit lo gwon i swöt lo ’yure lo Yardene lu.

⁶ A korukan jakiŋdye lepeŋ ambata ko lokore temba i ko ’bure ko i koriri; a nye möji pioŋ ti ŋilu loro.

⁷ A i mukök na kulye perok, a ŋilu loro iŋge wereyoro, kogwon kudu ’bayin i ŋilu jur.

Eliya se ko karu ’be na gwon Sarepata

⁸ A kulyaet lo MATAT ŋoki ko lepeŋ adi,

⁹ Ŋine ki ko iti Sarepata na Sidona, ko si ’dani nyu. Mete, nan aje sarakiŋdya nene karu ’be nyu i tunyeju na do.

¹⁰ A nye ŋine ŋien a iti Sarepata; a nye ko ’dure i kötumit na köji, mete, a karu ’be na gwe nyu ’du ’dumba kaden; a nye luŋgi lepeŋ a kulyani ko lepeŋ adi, Böŋö jaki nan pioŋ ku ’dik na mamata.

¹¹ A na tiri karu ’be i joŋdya na pioŋ nu, a nye luŋgi lepeŋ adi, Boŋo jaki nan tupet na ’dit na ambata konut i könin.

¹² A nye waddi lepeŋ adi, ’Diri gwak gwoso na gwoŋdi MATAT Ŋun ilot na, nan ’bak nene ŋo nagon a dera, tuŋ könin geleŋ lo ’bolot a pitöki i kuŋo, ko welet a na ’dit i tuli; nan na ’du ’dumba kaden gwoso murek anyen nan böŋö tu i tetenakiŋdya na mugun ko ŋuro liŋ, a yi nyesi nyesu, a twatwane twatwa.

¹³ A Eliya kulyani ko lepeŋ adi, Ko kujönö; iti ko koŋdi gwoso na kulyari do na; ama tetenaki nan ambata a na ’dit a kokwe, a do jakiŋdye nan, a i mukök a do tetenakiŋdye mugun ko ŋuro ilot.

¹⁴ Kogwon MATAT Ŋun lo Yisaraele a kulya sona adi, Kupö lo ’bolot ŋilo mo ti ’baka, ko tuli lo welet mo ti tutuŋgö tojo ko lor logon MATAT molu sunyuŋdyö kudu i kak.

¹⁵ A karu ’be na iti tu a koŋdi gwoso nagon Eliya a kulyari nu; a ŋinu karu ’be ko Eliya ko mede nanyit liŋ nyesi nyesu ko perok jore.

¹⁶ A kupö lo ’bolot lo gwe a ko ’baka, ko tuli lo welet lo a ko tutuŋö köti, gwoso na kulyari MATAT ko Eliya i kutuk nu.

¹⁷ A gwe sona i mukök na kine kulya, a ŋuro lo ŋinu ŋote mede gilö ni gilö; a gilö nanyit gwe a naron parik, a nye gwe ’bak yuket.

¹⁸ A nu ŋuto pipije Eliya adi, Kulya kwe a nyo konut do ŋuto lo Ŋun? Do aje ŋo köyö ni i toyiyikiŋdyö na nan toron nio le, ko i tatuja na ŋuro liŋ?

¹⁹ A nye waddi nu ŋuto adi, Putuki nan ŋuro ilot. A nye ’dumaddi ŋilu ŋuro kanyit i könisi, a ’doggi lepeŋ i koŋilore nagon nye gwon kata na, a topirikiŋdye lepeŋ kanyit i dotoet.

²⁰ A nye gwiki ko MATAT adi, Pon MATAT Ŋun liŋ, do aje joŋdya kulya narok ko na karu ’be köti nagon nan si ’da ko lepeŋ na, i tatuja na ŋuro lonyit le?

²¹ A nye rikiŋdye mugun i loki na ŋilu luŋudi daŋin musala, a gwiki ko MATAT adi, Pon MATAT Ŋun liŋ, ti ködudwö na ŋilo luŋudi yitweni ko lepeŋ ni köti.

²² A MATAT yiŋge gworo lo Eliya; a ködudwö na lu luŋudi yitweni ko lepeŋ ni köti, a nye rune ru.

²³ A Eliya ’dumuŋdye lu luŋudi, a joŋdi lepeŋ kak i koŋilore yutojo i kadi lukata, a ŋutukiŋdye ŋote nanyit; a Eliya kulyani adi, Malo ŋuro ilot meddi meddya.

²⁴ A nu ŋuto kulyani ko Eliya adi, Nan soŋinana aje kurun adi do a ŋuto lo Ŋun, ko köti adi kulyaet lo MATAT logon konut i kutuk lo ’diri a gwak.