1 Moran 16 - Bibilia Buk na Ŋun nagon koti luŋu a

¹ A kulyaet lo MATAT ŋoki ko Yeu ŋuro lo Kanani i riŋga na Basa, adi,

² Kogwon nan a ’biluŋdya do ki i ŋutu a tiŋdi do a kasaranit lo ŋutu kwe Yisaraele, a do aje wörö i kiko lo Yerobama, a iŋge tiŋdu ŋutu kwe Yisaraele i toroŋdya, a towopi nan ko toronjin kase,

³ mete, nan de tukaŋu Basa ko kötumit nanyit liŋ, a nan de tiŋdi kötumit inot anyen gwon gwoso kötumit na Yerobama ŋuro lo Nebat.

⁴ ŋuto logon a lo kötumit na Basa, logon a twakin köji a ’dioŋ jin mo nyesi lepeŋ; a lele lo ŋutu kanyit logon twakin mu ’dio a kwen ti ki mo nyesi lepeŋ.

⁵ A pitönö ti konesi ti Basa, ko ŋo nagon nye a kon, ko riŋit nanyit na, kine ’bayin a se nagon a wuröki i Buk na Dekat ti moran ti Yisaraele le?

⁶ A Basa dotoni ko merenyejin kanyit, a se nuŋge lepeŋ Tiresa; a Ela ŋuro lonyit lo ruddye tumatyan nanyit.

⁷ Köti a kulyaet lo MATAT ŋoki ko nebi Yeu ŋuro lo Kanani i riŋga na Basa kokötumit nanyit, kogwon ŋo narok liŋ nagon nye a kon ko MATAT i metet kune, i towoŋa na lepeŋ ko konesi kanyit, i gwon gwoso kötumit na Yerobama, ko Köti kogwon nye a tukaŋu se.

Tumatyan na Ela

⁸ A i kiŋa tomerya murek wot buker na gwoŋdi Asa a mor lo Yuda nu, a Ela ŋuro lo Basa suluje gwon a kasaranit lo Yisaraele Tiresa yu, a nye saŋi ko kipajin murek.

⁹ Ama a Jimiri köliŋönit lonyit, duma lo swöt lo arabiajin kanyit lo jijiko, momori ko kulye ŋutu a Iwon i mwön ko lepeŋ. A nagon Ela gwon Tiresa ko Aresa kadi logon a kametanit lo kadi nanyit Tiresa, i möju tojo lepeŋ a meran nu,

¹⁰ a Jimiri luŋoni kadi a gwutökiŋdye lepeŋ kak a tatuje lepeŋ, a ruddye tumatyan nanyit. Kine kulya a kona i kiŋa tomerya murek wot buryo na gwoŋdi Asa a mor lo Yuda nu.

¹¹ A gwe sona na suluje nye gwon a kasaranit, nagon nye nyuŋ si ’dakine i si ’daet nanyit na tumatyan nu, a nye tatuje kötumit na Basa liŋ, a nye gwe a ko pitökin lepeŋ ma ’di ŋuto lalet geleŋ lo karu kanyit kode lo julin kanyit.

¹² A Jimiri tukaŋi kötumit na Basa liŋ, gwoso kulyaet lo MATAT logon nye a jam i riŋga na Basa ko nebi Yeu i kutuk lu,

¹³ kogwon toronjin liŋ ti Basa ko ti Ela ŋuro lonyit nagon se a toroŋdi, ko köti se a tiŋdu Yisaraele i toroŋdya kune, i towoŋa na MATAT Ŋuro lo Yisaraele ko nyömuejin kase.

¹⁴ A pitönö ti konesi ti Ela, ko ŋo liŋ nagon nye a kon, kine ’bayin a se nagon a wuröki i Buk na Dekat ti moran ti Yisaraele le?

Tumatyan na Jimiri

¹⁵ A i kiŋa tomerya murek wot buryo na gwoŋdi Asa a mor lo Yuda nu, a Jimiri iŋge saŋu perok buryo Tiresa yu. A ŋutu kanyit aje teteŋdya mera nase anyen mörö ko Gibeton, nagon a na ŋutu ti Pelesete;

¹⁶ a ŋutu lo teteŋdya mera kulu ko yiŋge adi Jimiri aje momora ko kulye ŋutu a Iwon, a nye aje tatuja mor; nyenagon i ŋilu lor i mera kata, a ŋutu liŋ ti Yisaraele tiŋdi Omiri logon a duma lo kamörök lo a mor lo Yisaraele.

¹⁷ A Omiri se ko ŋutu liŋ ti Yisaraele piörö kaŋo Gibeton, a iti i gömbu na Tiresa.

¹⁸ A gwe sona, a Jimiri ko meddi adi nu köji aje moka. a nye luŋöni i pirit nago na kadi na mor, a ’yurakiŋdye nu kadi kanyit loki, a nye twane twan.

¹⁹ Kine kulya a ŋokin kogwon toronjin kanyit nagon nye a toroŋdi kune, i koŋdya na ŋo nagon a naron ko MATAT i metet, i wörö i kiko lo Yerobama, ko i toron nanyit nagon nye a toroŋdi ko köti a tiŋdu Yisaraele i toroŋdya na.

²⁰ A pitönö ti konesi ti Jimiri, ko momora nanyit ko ŋutu a lwön i mwön ko mor, kine ’bayin a se nagon a wuröki i Buk na Dekat ti moran ti Yisaraele le?

Tumatyan na Omiri

²¹ A ŋutu ti Yisaraele koŋi a teŋon murek; a nene teŋ kepoddi Tibini ŋuro lo Ginat anyen tiŋdu lepeŋ a mor, a nene teŋ na kepoddi Omiri.

²² Ama a kakepok ti Omiri kulu te ’yi kakepok ti Tibini ŋuro lo Genat; a Tibini twane twan a Omiri lo gwe a mor.

²³ A i kiŋa tomerya musala wot geleŋ na gwoŋdi Asa a mor lo Yuda nu, a Omiri suluje gwon a kasaranit lo Yisaraele, a nye saŋi ko kipajin puök wot murek. A lepeŋ saŋi Tiresa yu ko kipajin buker.

²⁴ A nye gwöruŋdye mere lo Samaria ko Semer i könin ko talentajin murek ti pödö; a nye tetenakiŋdye ŋilu mere mariŋ nago, a gweŋ köji nagon nye a ’duk nu a Samaria, ko karin ti monye ŋilu mere, logon a Semer.

²⁵ A Omiri koŋdi ŋo nagon a naron ko MATAT i metet, lwölwöŋ se liŋ lo gwon kanyit ŋerot kulu.

²⁶ Kogwon nye wörö i kikolin liŋ ti Yerobama ŋuro lo Nebat, ko i toronjin kanyit nagon nye a tiŋdi Yisaraele i toroŋdya kune, i towoŋa na MATAT ŋun lo Yisaraele kogwon nyömuejin kase.

²⁷ A pitöno ti konesi ti Omiri nagon nye a kon, ko topurwan nanyit, kine ’bayin a se nagon a wuröki i Buk na Dekat ti moran ti Yisaraele le?

²⁸ A Omiri dotoni ko merenyejin kanyit, a se nuŋge lepeŋ Samaria yu; a Aba ŋuro lonyit lo ruddye tumatyan nanyit.

Tumatyan na Aba

²⁹ A i kiŋa tomerya musala wot budök na gwoŋdi Asa a mor lo Yuda nu, a Aba ŋuro lo Omiri suluje gwon a kasaranit lo Yisaraele, a nye saŋi Yisaraele Samaria yu kipajin merya murek wot murek.

³⁰ A Aba ŋuro lo Omiri koŋdi ŋo nagon a naron ko MATAT i metet, lwölwöŋ se liŋ lo gwon kanyit ŋerot kulu.

³¹ A ŋina gwe gwoso ŋo nagon pölilyö kanyit i wörö i toronjin ti Yerobama ŋuro lo Nebat, kölum a nye moröddi ŋerot a joŋdi ŋebele, ŋuro na Ete-bala mor lo ŋutu ti Sidona a narakwan nanyit, a nye iti tu a kitakiŋdye Bala, a kwakwaddi lepeŋ.

³² A nye togwi ’dikiŋdye pirit ’yuret na rubaŋgajin ti Bala i ŋinu kadi na Bala nagon nye a ’duk Samaria nu.

³³ A Aba teteŋdi ködini lo mian logon a Asera. A Aba koŋdi kunie ŋo jore i towoŋa na MATAT Ŋun lo Yisaraele lwölwöŋ moran liŋ ti Yisaraele lo gwon kanyit ŋerot kulu.

³⁴ A i perok kanyit a Kiele lo Betele nyöggi ’duggö Yeriko; a na togwi ’dikiŋdye nye gwo ’diesi ti na köji nu, a Abiram ŋuro lonyit kayu iŋge twan, a na togwi ’dikiŋdye nye kötumitön ti nu köji nu, a Seguba nyakwari lonyit iŋge twan, gwoso na kulyari MATAT ko Yosua ŋuro lo Nun i kutuk nu.