1 Moran 14 - Bibilia Buk na Ŋun nagon koti luŋu a

s Akiya a kikiŋdyö Yerobama ŋo narok

¹ A i nu diŋit a Abiya ŋuro lo Yerobama gilö ni gilö.

² A Yerobama kulyani ko nakwan nanyit adi, Böŋö ŋine ki, ko koŋdi mugun a lepetyo anyen do gwon ti dena adi do a nakwan nio na Yerobama, ko iti Silo; mete, nebi Akiya ŋilu nyu, logon a jamakin nan adi nan ködyö lo gwon a mor lo kilo ŋutu.

³ Iti ko lepeŋ yu ko baraddi ambatajin puök, ko kima lo kelo ko tuli lo siwatat; a nye de tatakin do ko nyo nagon de ŋoŋokin i lo luŋudi.

⁴ A nakwan na Yerobama koŋdi sona; a nye ŋine ŋien a iti Silo, a ’dure ko Akiya kadi. A Akiya tine bulö meddya, kogwon konyen kanyit mu-sweni muswe kogwon nye gwe a modoŋ.

⁵ A MATAT kulyani ko Akiya adi, Mete, nakwan na Yerobama ŋina ŋoŋo i pija na do kogwon kulya ti ŋuro lonyit logon a gilö lu. A do de jambi ko lepeŋ ko kulyaesi gwoso kilo. A gwe sona na pori lepeŋ nu a nye koŋdi mugun a lepetyo.

⁶ Ama a Akiya ko yiŋge mokosi ti nu ŋuto nagon nye luŋe ’i i kötumit nu, a nye kulyani adi, Lupene kadi nakwan na Yerobama; ko nyo nagon do koŋdya mugun a lepetyo? Po kogwon nan a saraki i takiŋdya na do liŋio lorok.

⁷ Iti ko taki Yerobama adi, MATAT ŋun lo Yisaraele lo kulya sona adi, Nan a töduma ’yu do i kiden na ŋutu a tiŋdi do a kasaranit lo ŋutu kwe Yisaraele,

⁸ a iŋge kerenyara tumatyan kaŋo i kötumit na Dawidi a tiki do. Ama a do tine gwon gwoso köliŋönit liŋ Dawidi, logon a ’debba saresi kwe, ko a keŋoddu nan ko töili lonyit liŋ i koŋdya na ŋo nagon a na ’but tuŋ köyö i metet;

⁹ ama do aje koŋdya a naron lwölwöŋ kasarak liŋ logon konut ŋerot kulu, do aje girara i tetenakiŋdya na mugun kulye punyen, ko pöjinö nagon ninitö, a iŋge towoŋa nan, a lopukökiŋdye nan ki ’diŋ.

¹⁰ Nyenagon mete, nan mo jakiŋdya kötumit na Yerobama ŋo naron, nan mo tatuja ŋutu lyan liŋ ti Yerobama i Yisaraele, ’duŋi kode lui, a nan mo tukaŋi kötumit na Yerobama asut, gwoso nagon ŋuto ’yuŋa woro tojo nene ŋo a ko kölöki na.

¹¹ Nye logon a lo kötumit na Yerobama ko a twan köji kata a ’dioŋin mo nyesi lepeŋ; a nye logon twa mu ’diŋ lo a kwen ti ki mo nyesi lepeŋ; kogwon MATAT lo jambu kine kulya.

¹² Nyenagon pine ki, ko iti konut i ’baŋ. A ko ’daŋan kunök a ’bo kurön ti köji a ŋilu ŋuro de twane twan.

¹³ A ŋutu liŋ ti Yisaraele mo gwine lepeŋ a nuŋge lepeŋ, nye geleŋ tuŋ lo kötumit na Yerobama logon öpu nanyit mo nunuka, kogwon MATAT ŋun lo Yisaraele a ryeju nene ŋo na tulyöŋgu lepeŋ ko ŋilu luŋudi i kötumit na Yerobama.

¹⁴ Köti a MATAT mo ’bilikiŋdye mugun lele mor lo Yisaraele, logon mo tatuja kötumit na Yerobama i na diŋit.

¹⁵ Molu a MATAT riŋge ŋutu ti Yisaraele, gwoso nagon pa ’duŋi dödöŋgi i pioŋ kata na, a nye mo gwunyuŋdye ŋutu ti Yisaraele i ŋilo jur lo ’but logon nye a tin merenyejin kase lo, a mo toreaddi se i nu pele na kare Perat, kogwon se a teteŋdya kaden kase ti mian logon a Asera, a towopi MATAT.

¹⁶ A nye mo wukiŋdye ŋutu ti Yisaraele kogwon toronjin ti Yerobama, nagon nye a toroŋdi ko nagon nye a tiŋdi ŋutu ti Yisaraele i toroŋdya kune.

¹⁷ A nakwan na Yerobama pine ŋien a iti tu, a ’dure Tiresa. A na ’durökiŋdye lepeŋ i kötumit na kadi nu, a luŋudi lu twane twan.

¹⁸ a ŋutu liŋ ti Yisaraele nuŋge lepeŋ a gwine lepeŋ, gwoso kulyaet lo MATAT logon nye a jam ko köliŋönit lonyit nebi Akiya i kutuk lo.

¹⁹ A pitöno ti konesi ti Yerobama, i kulya ti mörö nanyit ko saŋu nanyit, kine a wuröki i Buk na Dekat ti moran ti Yisaraele.

²⁰ A perok ti tumatyan na Yerobama gwe a kipajin merya murek wot murek; a nye nukakine ko merenyejin kanyit i merete, a Nadaba ŋuro lonyit lo ruddye tumatyan nanyit.

Tumatyan na Rabama

²¹ A Rabama ŋuro lo Solomona gwe a kasaranit lo Yuda: A nye gwe ko kipajin merya iŋwan wot geleŋ na suluje nye gwon a kasaranit nu, a nye saŋi Yerusalema yu ko kipajin puök wot buryo. Ŋinu gwon a köji nagon MATAT aje wulun i kiden na kötumitön liŋ ti Yisaraele anyen tiŋdu karin kanyit nyu. A karin ti ŋote nanyit gwe a Nama ŋuto na Amon.

²² A ŋutu ti Yuda koŋdi ŋo nagon a naron ko MATAT i metet, a toronjin kase nagon se a kon kune tiŋdi lepeŋ i yinö lwölwöŋ ŋo liŋ nagon merenyejin kase aje kon kunu.

²³ Kogwon se köti a tetenakiŋdya ’börik piritön kwakwasesi i ko ’dulan ti merya, ko ŋurupö logon a togwi ’diki ki anyen kwakwasa kulo, ko a tiŋdu kaden ti mian logon a Asera i merya lojo liŋ ko i mukökö ti kaden lo rurwan liŋ;

²⁴ koti a ŋutu lyan gwe kata i lu jur logon totoluŋ ko ’börik gwoso keri kwakwaset lose lo nyömue. A se koŋdi gwoso konesi manat liŋ ti jurön logon MATAT köju a rikörö kaŋo ko ŋutu ti Yisaraele i komor kulu.

²⁵ A gwe sona i kiŋa tomukanat na gwoŋdi Rabama a mor nu, a Sisak mor lo Ejipeto kiyaddi i mörö ko Yerusalema;

²⁶ a nye ryakaddi tukwörien liŋ na ’dela a ti kadi na MATAT, ko tukwörien liŋ na ’dela a ti kadi na mor; a nye iŋge ryakara ŋo liŋ. Nye köti a ryakara ’bukwö nagalaŋak liŋ nagon a dakaŋ nagon Solomona a teten kune;

²⁷ a mor Rabama ruddye se ko kunie ’bukwö nagalaŋak nagon a mölwö, a nye tiŋdi se i könisi ti kametak ti katiyuk ti kötumit na kadi na mor i meddya na se ’bura.

²⁸ A gwe sona temba i diŋitan liŋ nagon mor luŋöri i kadi na MATAT kunu, a kilu katiyuk yekaddi se a toyituŋdye se bot i mukök tojo ko kadi na katiyuk.

²⁹ A pitönö ti konesi ti Rabama ko ŋo liŋ nagon nye a kon kune, kine ’bayin a se nagon a wuröki i Buk na Konesi ti lor ti moran ti Yuda le?

³⁰ A möro gwe kata i kiden na Rabama ko Yerobama i diŋitan liŋ.

³¹ A Rabama dotoni ko merenyejin kanyit, a se nuŋge lepeŋ i pirit nuket na merenyejin kanyit i köji na Dawidi. A karin ti ŋote nanyit gwe a Nama ŋuto na Amon. A Abiyam ŋuro lonyit lo ruddye tumatyan nanyit.