1 Moran 13 - Bibilia Buk na Ŋun nagon koti luŋu a

Nebi lo Yuda a kunyaŋu Yerobama

¹ A nagon Yerobama nyuŋ gwogwo ’dan i pirit ’yuret na rubaŋgajin ’yuŋa bökur nu, mete, a ŋuto lo ŋun ŋoŋdi kaŋo Yuda kogwon kulyaet lo MATAT, a iti Betele.

² A ŋilo ŋuto woŋoro ki i kulya ti pirit ’yuret na rubaŋgajin jambu kulyaet lo MATAT adi, Do ŋina pirit ’yuret. MATAT a kulya sona adi, Mete, kötumit na Dawidi mo yuyuŋweki ŋuro logon karin kanyit a Yosia; a nye mo ’duŋge rubaŋgajin konut loki logon a kilo koanejin ti piritön kwakwasesi na gwon i ko ’dulan ti merya kune, logon ’yu’yuŋa bökur konut loki kulo, a kuyu ti ŋutu mo ’yurakine konut loki.

³ A ŋuto lo Ŋuro tiŋdi kweyet i ŋilu lor, a kulyani adi, Na a kweyet nagon kwe-kiŋdya adi MATAT ’diri aje jambu. Mete, ŋina pirit ’yuret de kikiladdu tojo ko kak, a kurök na gwon kanyit loki kune de ’buköjine kaŋo.

⁴ A mor ko yiŋge kulyaesi ti lu ŋuto lo Ŋuro, na woŋgi nye ko nu pirit ’yuret na rubaŋgajin na gwon Betele nu, a Yerobama riuŋdye könin lonyit kaŋo i nu pirit ’yuret na rubaŋgajin kulya adi, Moke ta lepeŋ. A könin lonyit logon nye a rikin lu ŋuto lu iŋge twan, a nye tine bulö nyököddu kanyit yu.

⁵ A pirit ’yuret köti iŋge kiladdu tojo ko kak, a kurök kunu iŋge ’buköŋ kaŋo i nu pirit ’yuret, gwoso kweyet nagon ŋuto lo Ŋun aje tiŋdu na jambi nye kulyaet lo MATAT na.

⁶ A mor kulyani ko lu ŋuto lo Ŋun adi, Momo ’yi MATAT Ŋun ilot anyen komŋo nanyit gwon a nake ko nan, ko kwakwaddi ko nan anyen riŋit na könin liŋ böŋö nyököki nan. A ŋuto lo Ŋuro mo ’yi MATAT; a riŋit na könin lo mor nyökökine lepeŋ, a gwe a lo ’but gwoso na ’beron nu.

⁷ A mor kulyani ko ŋuto lo Ŋuro adi, Ti yi iti i ’baŋ ko do, anyen do böŋö yuyukan, a nan de tiŋdi do ’doket.

⁸ A lu ŋuto lo Ŋuro kulyani ko mor adi, Ma ’di do a tiŋdu nan swöt na toro ’bo kulök nan de ti luŋö konut kadi. A nan de köti tine nyesu kinyo ko ti möju pioŋ i na pirit;

⁹ kogwon kulyaet lo MATAT a saraki nan adi ti nan gwe ti nyesu kinyo, ko ti möju pioŋ, ko ti yitöri i kiko lo pori nan lo.

¹⁰ A nye tiri lele kiko, a gwe a ko yitöri kiko lo pori nye Betele lu.

¹¹ A lele nebi modoŋ si ’dani nyu Betele. A ŋwajik kanyit ko poni i takiŋdya na lepeŋ kulya liŋ nagon ŋuto lo Ŋun aje kon Betele i ŋilu lor kune; se köti a nyönyökokin monye lose kulyaesi logon lu ŋuto lo Ŋuro a jamakin mor kulu.

¹² A monye lose pipije se adi, Lepeŋ a tiri lon kiko? A ŋwajik kanyit kwekiŋdye lepeŋ kiko logon ŋuto lo Ŋun lo ŋo Yuda a tiri lo.

¹³ A nye kulyani ko ŋwajik kanyit adi, Toraki ta nan kaine. A se torakiŋdye lepeŋ kaine nu, a nye kije kanyit loki.

¹⁴ A nye galaddi lu ŋuto lo Ŋun, a ryeji lepeŋ sisi ’da i mukök na ködini logon a ri, a nye pipije lepeŋ adi, Do nye ŋilo ŋuto lo Ŋun lo ŋo Yuda lo? A nye ruŋge adi, Ee, nan a nye.

¹⁵ a nye kulyani adi, Ti yi iti i ’baŋ ko do anyen do nyesu kinyo.

¹⁶ A lu ŋuto renyani adi, A ’a, nan ti bulö yitö ko do, kode luŋö konut kadi; nan de köti ti nyesu kinyo ko ti möju pioŋ ko do i na pirit;

¹⁷ kogwon kulyaet lo MATAT a jamaki nan adi ti nan gwe ti nyesu kinyo, ko ti möju pioŋ nyu, ko ti yitö i kiko lo pori nan lo.

¹⁸ A nebi modoŋ kulyani adi, Nan köti a nebi gwoso do, malaikatat a jamakin nan kulyaet lo MATAT adi, ti nan nyömörö do köyö i ’baŋ anyen do böŋö nyesu kinyo a möji pioŋ. Ama nye a mumulugga lepeŋ.

¹⁹ A ŋuto lo Ŋun moraddi ko lepeŋ, a nyesi kinyo kanyit i ’baŋ, a möji pioŋ.

²⁰ A gwe sona na si ’dari se i pirit nyeŋ nu, a kulyaet lo MATAT ŋoki ko nebi lo joŋdya nye kanyit ni lo;

²¹ a nye maraŋgi ko ŋuto lo Ŋun lo ŋo Yuda lo adi, MATAT a kulya sona adi, Kogwon do a renya kulyaet lo MATAT, a tine ’debba saret logon MATAT Ŋun ilot a sarakin do lo,

²² ama do aje yitwe bot, do aje nyesu kinyo a möji pioŋ i pirit nagon nye a takin do adi do ti nyesu kinyo ko ti möju pioŋ kata nu; nyenagon mugun inot mo ti nuka i gulöm na merenyejin kulök.

²³ A gwe sona i mukök nagon nebi lo Yuda aje nyesu kinyo ko aje möju nu, a lu nebi modoŋ lo Betele logon a joŋdya nye kanyit ni lo iŋge torakin lepeŋ kaine.

²⁴ A na tiri lepeŋ nu, a kömiru ryeji lepeŋ i kiko a köji lepeŋ tojo nye a twan. A öpu nanyit iŋge gubaki i kiko, a kaine gwo ’de nyona; a kömiru köti gwo ’de nyona ko öpu na lepeŋ na.

²⁵ Mete, a kulye ŋutu wöröri nyu, a meddi öpu na lepeŋ a gubaki i kiko, a kömiru lu köti gwo ’de nyona ko nu öpu. A se ŋoŋdi i nu köji na si ’dani lu nebi modoŋ nu a jambi kine kulya.

²⁶ A lu nebi logon a joŋdya lepeŋ bot i kiko lo tiri nye lu ko yiŋge kine kulya, a kulyani adi, Ŋilu a ŋuto lo Ŋun logon a renya kulyaet lo MATAT lo; nyenagon MATAT aje ŋutukiŋdye lepeŋ ko kömiru, logon a kekereŋdya lepeŋ a tatuje lepeŋ, gwoso kulyaet logon MATAT a jamakin lepeŋ lu.

²⁷ A nye kulyani ko ŋwajik kanyit kulo adi, Toraki ta nan kaine. A se toŋi toŋa.

²⁸ A nye iti tu a ryeji öpu na lepeŋ na a gubaki i kiko, a kaine ko kömiru gwogwo ’dan nyona ko nu öpu. A lu kömiru gwe a ko nyö öpu na lepeŋ ko a ko kekeren nu kaine.

²⁹ A nebi ’duku-ŋdye öpu na lu ŋuto lo Ŋun a tiŋdi i kaine loki a joŋgi kanyit köji, i gwien ko i nugga na lepeŋ nyu.

³⁰ A nye topirikiŋdye öpu na lepeŋ i gulöm nanyit; a se gwine lepeŋ adi, Wöidiö, luŋaser likaŋ gwe ’bayin!

³¹ A gwe sona i mukök nagon nye aje nugga lepeŋ nu, a nye kulyani ko ŋwajik kanyit kulo adi, Ko nan aje twan, nuke ta nan i gulöm nagon ŋuto lo Ŋun a nuka kata na; topirikiŋdye ta öpu nio i merete na kuyu kanyit.

³² Kogwon kulyaesi ’diri mo kökona, logon nye a woŋoro ki jambu kulyaet lo MATAT kulo, i kulya ti pirit ’yuret na rubaŋgajin na gwon Betele, ko i kulya ti kadijik liŋ ti piritön kwakwasesi na gwon i ko ’dulan ti merya na gwon i köjinö ti Samaria kune.

³³ A i mukök na kine kulya, a Yero-bama tine löpuggö i kiko lonyit loron, ama a nye nyöggi wuluŋdyö koanejin a ti piritön kwakwasesi na gwon i ko ’dulan ti merya kune i kiden na ŋutu liŋ abur, a nye ’boroji ŋutu liŋ logon nyanyar gwon a koanejin ti piritön kwakwasesi na gwon i ko ’dulan ti merya kune.

³⁴ A kine kulya ŋoŋdi a toron i kötumit na Yerobama, i ’duŋö-ddu na lepeŋ kaŋo ko i tukaŋu na lepeŋ asut i kak ’bukuluŋ.