1 Moran 11 - Bibilia Buk na Ŋun nagon koti luŋu a

Solomona kwakwaddu kulye ŋunyen a gwe ko merok

¹ A mor Solomona nyare nyar ŋutu wate jore ti kulye jurön: ti gwon a ŋuro na Paro geleŋ nagon ŋutu wate ti Moaba, ko ti Amon, ko ti Edom, ko ti Sidona, ko ti Kiti,

² i kilu jurön logon MATAT a takin ŋutu ti Yisaraele adi, Ta ködyö ti yemba ŋwajik kase köti se ti yemba ŋwajik kasu, kogwon ’diri se mo totogirara töilyet kasu anyen keŋoddu ŋunyen kase; a Solomona ’depakiŋdye i nyaŋu na se parik.

³ A nye gwe ko wate miajin buryo nagon a ŋwajik ti kulye moran, ko kunie julin miajin musala; a wate kanyit iŋge togirara töili lonyit.

⁴ A gwe sona, i diŋit nagon Solomona gwe a modoŋ nu, a wate kanyit iŋge togirara töili lonyit i keŋoddu na kulye ŋunyen; a töili lonyit tine gwon a lo rigwo ko MATAT Ŋun lonyit gwak, gwoso na gwoŋdi töili lo Dawidi monye lonyit nu.

⁵ A Solomona kepoddi Asatoret ŋun na ŋutu ti Sidona, ko Milikom ŋun logon lo ŋutu ti Amon.

⁶ A Solomona iŋge koŋdya ŋo nagon a naron ko MATAT i metet, a nye gwe a ko keŋoddu MATAT ko töili lonyit liŋ, gwoso na kepoddi Dawidi monye lonyit nu.

⁷ Nagon a Solomona ’duŋge piritön kwakwasesi i ko ’du na mere lo gwon i swöt lo ’yure lo Yerusalema nagon kwakwasari Kemosa ŋun logon lo Moaba, ko Molek ŋun logon lo ŋutu ti Amon.

⁸ A nye köti konakiŋdye wate kanyit liŋ ti kulye jurön kune sona, nagon keriat kase a ’yuŋa na bökur ko a ’duŋgö na rubaŋgajin ti ŋunyen kase.

⁹ A MATAT wore woran ko Solomona, kogwon töili lonyit aje löpuköddu kaŋo ko MATAT ŋun lo Yisaraele, logon a pukökin ko lepeŋ daŋin murek lo,

¹⁰ ko a sarakin lepeŋ i kine kulya adi ti nye gwe ti keŋoddu kulye ŋunyen; ama nagon lepeŋ a ko ’deŋ saret lo MATAT.

¹¹ Nyenagon a MATAT kulyani ko Solomona adi, Kogwon do aje koŋdya sona, a tine ’debba tomoret nio ko saresi kwe lo wurö logon nan aje sarakin do kulo, nan mo ’diri kekeren tumatyan inot, a mo tiki köliŋönit ilot.

¹² Ama kogwon kulya ti Dawidi monye ilot nan mo ti koŋdya ŋina ŋo i perok kulök, ama nan mo kerenyaddu kaŋo tumatyan i könin lo ŋuro ilot.

¹³ Ma ’di sona nan mo ti kerenyara tumatyan ŋina liŋ; ama nan mo tiŋdu ŋuro ilot kötumit geleŋ kogwon kulya ti Dawidi köliŋönit lio, köti kogwon kulya ti Yerusalema nagon nan aje wulun na.

¹⁴ A MATAT toŋiuŋdye Adada ŋuto lo Edom i mörö ko Solomona; a nye gwe a lele lo kötumit na mor lo Edom.

¹⁵ A gwe sona i diŋit nagon Dawidi aje te ’ya Edom nu, a Yöaba duma lo kamörök iti i nugga na ŋutu lo tatua kulu, a nye tatuje ŋutu lyan liŋ ti Edom

¹⁶ (kogwon Yöaba ko Yisaraele liŋ a mönuŋdyö nyu ko yapala buker, tojo ko nye a toggu ŋutu lyan liŋ ti Edom);

¹⁷ ama Adada a wökun Ejipeto i pirit na geleŋ ko kulye ŋutu ti Edom logon a köliŋönök ti monye lonyit; a i nu diŋit Adada nyuŋ a ŋuro lo ’dit.

¹⁸ A se ŋiörö Midiyan a ’dure Paran yu, a joŋgi kulye ŋutu Paran yu a se ’dure Ejipeto, a iti ko Paro mor lo Ejipeto yu. A Paro tiŋdi lepeŋ kadi, a korakiŋdye lepeŋ kinyo, a tiŋdi nye pirit.

¹⁹ A Adada ryeji ’busan duma ko Paro i komor, a Paro tiŋdi lepeŋ kiaser na nakwan nanyit a narakwan, ŋina a kiaser Takapenesa nagon a mor.

²⁰ A kiaser Takapenesa ta ’dukiŋdye lepeŋ ŋuro lonyit Genubat, a Takapenesa teŋgi lepeŋ i nöggu na gwoŋdi se ko Paro i ’baŋ nu; a Genubat gwe ko Paro i ’baŋ ko ŋwajik ti Paro i pirit na geleŋ.

²¹ A Adada ko yiŋge Ejipeto yu adi Dawidi aje nukaki ko merenyejin kanyit i merete yu ko köti adi Yöaba duma lo kamörök aje twan nu, a Adada kulyani ko Paro adi, Koloro nan anyen böŋö yitö kayaŋ i jur.

²² A Paro pipije lepeŋ adi, Ŋo a nyo nagon nan a ko tin do anyen do ga ’yi yitö kasu i jur na? A nye waddi adi, Ŋo ’bayin, kölörö nan i tu.

²³ A ŋun köti toŋiuŋdye Rejon ŋuro lo Eliada i mörö ko Solomona, ŋilo ŋuto aje wökun kaŋo ko matat lonyit Adadejer mor lo Soba.

²⁴ a nye mo-moruŋdye ŋutu kanyit ni, a nye gwe a duma lo teŋ na kamörök i diŋit nagon Dawidi gwon i tatuja na se nu. A Rejon iti Damaseke, a si ’dani yu, a gwe a mor lo Damaseke.

²⁵ a lepeŋ gwe a miriku lo Yisaraele i perok liŋ ti Solomona, a yöyöŋgi se gwoso Adada; a nye mane man ŋutu ti Yisaraele, a gwe a kasaranit lo Suria.

²⁶ A Yerobama ŋuro lo Nebat köti ga ’yi mörö ko mor, a ŋilo ŋuto gwe a ŋuto lo Epuraima lo Sereda ko a köliŋönit lo Solomona, a karin ti ŋote nanyit nagon a karu ’be na gwe a Serua.

²⁷ A ŋina gwe a kwe nagon nye ga ’yi mörö ko mor: kogwon Solomona gwon i ’duggö na Milo ko i kiŋdu na kwake na köji na Dawidi monye lonyit.

²⁸ A ŋilo Yerobama gwe a wa, a Solomona ko meddi adi lepeŋ kikita ’bura, a tiŋdi lepeŋ a kametanit lo ŋutu liŋ ti kötumit na Yosepa lo ri ’diki i kita kulo.

²⁹ A gwe sona i nu diŋit nagon Yerobama a tu kaŋo Yerusalema nu, a nebi Akiya Silotyo ryeji lepeŋ i kiko. A Akiya aje jupukiŋdya boŋgo ludukötyo; a se murek liŋ gwe ka ’de mu ’diŋ, lele ŋuto ’bayin.

³⁰ A Akiya morgi nu boŋgo ludukötyo nagon kanyit i mugun na, a kekereŋdi nye i tupesi puök wot murek.

³¹ A nye kulyani ko Yerobama adi, ’Dumakiŋdye mugun tupesi puök; kogwon MATAT ŋun lo Yisaraele a kulya adi, Mete, nan de kekeren tumatyan i könin lo Solomona, a de tiŋdi do kötumitön puök

³² (ama nye de wuji kötumit geleŋ, kogwon kulya ti Dawidi köliŋönit lio ko i kulya ti Yerusalema, nu köji nagon nan aje wulun i kötumitön liŋ ti Yisaraele na),

³³ kogwon nye aje paju nan, a kwakwaddi Asatoret ŋun na ŋutu ti Sidona, ko Kemosa ŋun lo ŋutu ti Moaba, ko Milikom ŋun lo ŋutu ti Amon, a tine wörö i kikolin kwe, i koŋdya na go nagon a na ’but köyö i metet, ko i ’debba na saresi kwe lo wurö ko kulya na ’duŋ nan kune. gwoso na koŋdi Dawidi monye lonyit nu.

³⁴ Ma ’di sona, nan de ti ’dumara tumatyan ŋina liŋ kanyit i könin; ama nan de tiŋdu lepeŋ a kasaranit i perok liŋ ti gwiliŋit nanyit, kogwon kulya ti Dawidi köliŋönit lio logon nan a wulun logon ’de ’deŋ saresi kwe ko saresi kwe lo wurö lo;

³⁵ ama nan de ’du ’dumara tumatyan i könin lo ŋuro lonyit, a nan de tiŋdi do kötumitön puök.

³⁶ a nan de tiŋdi ŋuro lonyit kötumit geleŋ, anyen Dawidi köliŋönit lio böŋö gwon ko kötumit nagon gwoso lombo lo tutule ŋupi köyö i komor Yerusalema yu, nagon a köji na wulun nan anyen tiŋdu karin kwe nyin na.

³⁷ a nan mo joŋgi do, a do mo saŋi ŋo liŋ gwoso na ’deggi do na, a do mo gwe a mor lo Yisaraele.

³⁸ a ko do yiyiŋ ŋo liŋ nagon nan a sarakin do kine, a ko do wöwörö köyö i kikolin, i koŋdya na ŋo nagon a na ’but köyö i metet i ’debba na saresi kwe ko saresi kwe lo wurö, gwoso na koŋdi Dawidi köliŋönit lio nu, a nan mo gwe ko do, a nan mo pipilikiŋdye do kötumit na yeyeŋon, gwoso na pipilikiŋdye nan Dawidi nu, a nan mo tiŋdi do Yisaraele.

³⁹ a nan mo yöyöŋgi nyakwariat ti Dawidi i ŋina kwe, ama ti gwon ŋupi.

⁴⁰ a Solomona ga ’yi tatuja Yerobama; ama a Yerobama ŋine ŋien a wöki Ejipeto, a iti ko Sisak mor lo Ejipeto yu, a gwe nyu tojo ko twan na Solomona.

Twan na Solomona

⁴¹ A kunie konesi ti Solomona, ko ŋo liŋ na kon nye kunu, ko koŋon nanyit, kine liŋ a wurö i buk na konesi ti Solomona.

⁴² a Solomona gwe a kasaranit lo Yisaraele liŋ Yerusalema yu kiŋajin merya iŋwan.

⁴³ a Solomona dotoni ko merenyejin kanyit, a se nuŋge lepeŋ i köji na Dawidi monye lonyit; a Rabama ŋuro lonyit ruddye tumatyan nanyit.