1 Moran 10 - Bibilia Buk na Ŋun nagon koti luŋu a

Mor na Seba a ’yö ’yu Solomona

¹ A mor na Seba ko yiŋge A kuörö na Solomona i kulya ti karin ti MATAT, a nye poŋdi i temba na lepeŋ ko piyesi nago.

² A nye poŋdi Yerusalema ko lodir duma parik, ko kamilojin nagon ’dukuŋdyö welesi na momon ’bura, ko dakaŋ jore parik, ko torok lo gwörö go; a nye ko ’dure ko Solomona ni, a takiŋdye lepeŋ kulya liŋ nagon kanyit i töili.

³ A Solomona rukökiŋdye lepeŋ piyesi kanyit liŋ; a nene ŋo gwe ’bayin nagon a puja mor i tokurukiŋdyö na ŋinu ŋuto.

⁴ A mor na Seba ko meddi koŋon liŋ na Solomona, ko kadi nagon nye a ’duk nu,

⁵ ko kinyo lo nyei kanyit i ’baŋ lo, ko si ’da na kametak kanyit, ko köliŋönök kanyit lo mömöŋdu kulo, ko jupu nase, ko katumatak kanyit, ko rubaŋgajin kanyit lo ’yu ’yura ’buluŋ, logon nye a wukin i kadi na MATAT kulo, a nye gwo ’de a tukuyu kana.

⁶ A ŋinu ŋuto kulyani ko mor adi, Loŋe lo yiŋ nan koyo i jur i kulya kunök ko i kopon inot lo a gwak ’diri,

⁷ ama nan köju a ko yuŋ kilu lopio tojo ko nan a po a nan aje met ko konyen kwe; mete, ŋutu a ko tukökiŋdyö nan ma ’di swöt na kulya kunök; kogwon kopon inot ko tukwörien inot a lwöŋ lore logon nan a yiŋ lo.

⁸ Ŋutu kulök a kalyöŋök, kilo köliŋönök kulök köti a kalyöpök logon yeŋon gwo ’dan konut i komor i yiŋuŋdya na kopon inot!

⁹ Ti MATAT Ŋun ilot purani pura, logon a lyöpön ko do lo, a tiŋdi do i si ’daet na tumatyan na Yisaraele! Kogwon MATAT nyanyar Yisaraele ŋupi, a nye aje tiŋdu do a mor anyen do jojo ’duŋgö putesi gwogwo.

¹⁰ A ŋina ŋuto tiŋdi mor talentajin mia geleŋ ko merya murek ti dakaŋ, ko welesi na momon ’bura jore parik, ko torok lo gwörö go; a kunie welesi na momon ’bura jore parik gwoso nagon mor na Seba a tin mor Solomona kunu gwe a ko jwe köti kwöŋ.

¹¹ Köti a teŋ na ki ’bojin ti Kiram logon joŋdya dakaŋ Opir yu kulu köti a joŋdya kaden alamuga jore ko torok lo gwörö go Opir yu.

¹² A mor tetenakiŋdye kadi na MATAT ko kadi nanyit tökisi ko kulu kaden alamuga, nye köti a teteŋdya tomon ko rababajin a ti kayolok. A kulye kaden alamuga gwoso kulu gwe a ko jwe, köti a ko meta tojo ko lo lor.

¹³ A mor Solomona tiŋdi mor na Seba ŋo liŋ nagon nye ’de ’deggi, nagon nye a luŋ kine, wat kunu ’dokesi nagon dika a tiki nye i tukwörien nanyit na mor. A kirut nye yitöni bot kanyit i jur se ko köliŋönök kanyit.

Solomona a kwörinit parik a iŋge kuön

¹⁴ A dakaŋ nagon a jaki Solomona ti kiŋa geleŋ temuŋdye a talentajin miajin buker ko merya buker wot buker,

¹⁵ kökö kunie nagon jwe ko kadöyök ko i katugwörök lo wöwörötu, ko i moran liŋ ti jur lo Arabi ko i mödirön ti jur lonyit.

¹⁶ A mor Solomona ni-tuŋdye ’bukwö nagalapak miajin murek nagon a dakaŋ; a ’buku geleŋ joŋgi roto-lan merya murek wot iŋwan ti dakaŋ i tetena nanyit.

¹⁷ A nye nituŋdye kunie ’bukwö na ’di ’dik miajin musala nagon a dakaŋ; a ’buku geleŋ joŋgi rotolan musala ti dakaŋ i tetena nanyit; a mor tiŋdi se i kadi na luŋu a Rudu lo Libanon.

¹⁸ A mor köti teteŋdi si ’daet duma na tumatyan ko kala ti tome, a muluje nye ko dakaŋ nake parik.

¹⁹ A si ’daet na tumatyan nu gwe ko kiyesi buker, a pöjinöti na kwe na tagwok iŋge gweki i ki ’diŋ na nu si ’daet. A ŋinu si ’daet gwe ko tökisi ti könisi i swötön murek, a pöjinö murek ti kömiruöt lo gwogwo’dan iŋge tetenaki i mara ti kinu tökisi,

²⁰ a kunie pöjinö puök wot murek ti kömiruöt lo gwogwo ’dan a tetenaki geleŋ geleŋ i ’dutesi ti swötön murek liŋ ti kinu kiyesi buker. A nene si ’daet na tumatyan gwoso ŋina gwe a ko tetena asut i nene na tumatyanjin liŋ.

²¹ A toro ’bo liŋ matesi logon a ti mor Solomona gwe a dakaŋ, ko toro ’bo liŋ lo gwon i kadi na luŋu a Rudu lo Libanon kulo a tetena ko dakaŋ nake; a kunie ŋo gwe ’bayin nagon a tetena ko pödö, kogwon ŋutu ti yeye pödö a nene ŋo i perok ti Solomona.

²² Kogwon mor gwon ko teŋ na ki ’bojin lo dööddu Tarasisa logon wörö i tör na ’balaŋ ko teŋ na ki ’bojin ti Kiram i pirit na geleŋ. A nu teŋ na ki ’bojin lo dööddu Tarasisa kilo yeŋon ’durökin nyu daŋ geleŋ i kiŋajin musala ’dukuŋdyö dakaŋ, ko pödö, ko kala ti tome, ko ’darulan, ko joman.

²³ A mor Solomona iŋge lwöŋ moran liŋ ti kak i tukwörien ko i koŋon.

²⁴ A ŋutu liŋ ti kak ga ’yi meddya komor na Solomona, anyen se yiŋuŋdya koŋon nanyit nagon Ŋun aje tin kanyit i kwe na.

²⁵ A se liŋ geleŋ geleŋ joŋdi ’dokesi kase gwoso temet nase temba i kipajin, gwoso toro ’bo logon a pödö, ko a dakaŋ, ko boŋgwat, ko mur, ko welesi na momon ’bura, ko kusanjin, ko kaineki.

Solomona a dööddu ko kusanjin se ko arabiajin lo jirikö

²⁶ A Solomona momori i pirit na geleŋ arabiajin lo jirikö ko kajopak ti kusanjin; a nye gwe ko arabiajin lo jirikö miajin puök wot iŋwan ko kajopak ti kusanjin aliŋan puök wot murek, a nye soŋdi kulye kase i si ’da i köjinö ti arabiajin lo jirikö ko kulye anyen gwon ko nye mor Yerusalema yu.

²⁷ A mor tiŋdi pödö gwon a röki gwoso torok Yerusalema yu, ko a tiŋdu kaden logon gwoso tika anyen gwon a röki gwoso ki ’biet ti ’dir na merya.

²⁸ A Solomona gwöruŋdye kusanjin Musiri ko Kue; a katugwörök ti mor wuji se Kue yu ko ropet.

²⁹ a arabia geleŋ lo jirikö, lo jwe Musiri yu gwöröni ko pödöjin miajin buker, a ropet na kusan geleŋ gwe a ŋodöjin mia geleŋ ko merya mukanat; a kine ŋo iŋge tugwöröki i moran liŋ ti Kiti ko ti Suria i könisi ti kilo katugwörök.