1 Korinto 7 - Bibilia Buk na Ŋun nagon koti luŋu a

Jujuwesi i kulya ti toyem

¹ Nyena nan Ŋilo waddu kulya kasu na wur ta kine. A na ’but ko Ŋuto lalet ködyö ti ’bo ’yu ŋuro nakwan,

² ama kogwon Ŋutu jore towutön parik na, ti Ŋutu lyan liŋ geleŋ geleŋ ti ŋadi gwe ko nakwan nanyit, ko ti Ŋutu wate liŋ geleŋ geleŋ ti ŋadi gwe ko lalet lonyit.

³ Ti lalet kodyo rukokiŋdye nakwan mugun nanyit i koŋdya na kita nanyit na Ŋuto lalet. Koti ti nakwan rukokiŋdye lalet mugun nanyit gwoso i kita nanyit na Ŋuto nakwan.

⁴ Kogwon mugun na nakwan ti gwon i riŋit nanyit, ama gwon i riŋit na lalet. Koti mugun na lalet ti gwon i riŋit nanyit, ama gwon i riŋit na nakwan.

⁵ An ta ko torenyakin ta ko ’borik, ake ko ta kiyaŋ a torukokin i joŋga na nene diŋit i kwakwaddu, ama i mukok a ta koti mori mora. Nan kulya sona an Satani tem ta, kogwon ta a lomunyak i kulya ti ’dekesi kasu ti mugunya.

⁶ Nan a rukokin ta adi a na ’but, ama nan a ko tiŋdu ta saret.

⁷ Nan ködyö ’de ’dekan Ŋutu liŋ gwon gwoso nan lepeŋ ko mugun nio, ama Ŋun ’dogga Ŋutu ko ’dokesi ka ’de ka ’de, kulye totoyem, a kulye tine toyem.

⁸ Nan kulya ko Ŋutu logon a ko yemba se ko karu ’bejin adi, ködyö a na ’but kase ko se yeŋon gwon ka ’de gwoso nio na.

⁹ Ama ko lepeŋat ti bulö teŋgu ’dekesi kase ti mugunya, a ti se ködyö yembi yemba. Kogwon yemba a na ’but lwölwöŋ tomie ko ’dekesi ti mugun.

¹⁰ Nan saŋu Ŋutu logon aje yemba kilo, ’bayin a nan lo saŋu ama a Matat lo saŋu, adi, nakwan nagon aje yema na ködyö ti bulö yaŋdu lalet lonyit,

¹¹ ama ko nye a yaŋdu lalet lonyit, a ti nye gwe ti yema ko lele ŋuto, bia ti nye köti moruŋdye ko lalet lonyit ni. Ti lalet lonyit ködyö gwe ti yaŋdu nakwan nanyit.

¹² Ŋilo a nan lo jambu leŋe Matat, nan kulya ko kulye Ŋutu kilo adi, ko lele luŋaser lo yubbo lo gwon ko nakwan nagon ’bayin a kayupönit, ko Ŋina nakwan a ruk si ’da ko lepeŋ, a ti lalet gwe ti yaŋdu lepeŋ.

¹³ A ko nene nakwan gwon ko lalet logon ’bayin a kayupönit, ko ŋilo Ŋuto a ruk si ’da ko lepeŋ, a ti nakwan gwe ti yaŋdu lepeŋ.

¹⁴ Kogwon lalet logon ’bayin a kayupönit lo aje gelwe a lo Ŋun kogwon nakwan nanyit, a nakwan nagon ’bayin a kayupönit na iŋge gelwe a na Ŋun kogwon lalet lonyit, a ko ködyö ’bayin sona a Ŋwajik kasu ködyö gwe a paganojin, ama ko Ŋina kwe se gwe a ti Ŋun.

¹⁵ Ama ko lalet kode nakwan nagon a ko yubbö na ’de ’dekan tu a ti nye iti. Luŋaser lo yubbö kode kiaser na yubbö a ko ri ’diki i kulya gwoso kine. Kogwon Ŋun a luŋ ta anyen si ’da ko taliŋ kasu i midijik.

¹⁶ Do nakwan, do den ada kode do ŋona mo lwölwök lalet ilot? Do lalet, do den ada kode do ŋona mo lwölwök nakwan inot?

Ŋutu ködyö yeŋon gwon gwoso i diŋit na luŋgi Ŋun se nu

¹⁷ Nyena ti Ŋutu liŋ geleŋ geleŋ ŋadi ködyö yeŋe gwon gwoso na ’doggi Matat nye na, köti gwoso na gwoŋdi nye i diŋit na luŋgi Ŋun nye nu. Ŋilo a saret logon nan todinikin kanisajin liŋ.

¹⁸ Ŋuto ŋona kata logon a tawero i diŋit na luŋgi Ŋun nye nu le? A na ’but, ti lepeŋ gwe ti muggö tawero nanyit. Ŋuto ŋona kata logon a ko tawero i diŋit na luŋgi Ŋun nye nu le? A na ’but, ti nye gwe ti ga ’yu tawero.

¹⁹ Kogwon ko Ŋuto a tawero ’bayin a nene ŋo, köti ko ŋuto a ko tawero ’bayin a nene ŋo, ama ŋo geleŋ tuŋ a ’debba na saresi ti Ŋun.

²⁰ Ti ŋutu liŋ geleŋ geleŋ padi ködyö yeŋe gwon gwoso na gwoŋdi nye i diŋit na luŋgi Ŋun nye nyu.

²¹ Do ŋona a gwon a ’dupiet i diŋit na luŋgi Ŋun do nu le? Kulya ’bayin, ko yeyeju, ama ko do gwon ko komor na ’but i gwon a luitöt a ti do koŋdi sona.

²² Kogwon ŋuto logon a luŋu ko Matat i mugun na gwoŋdi nye a ’dupiet nu, a nye gwe a luitöt lo Matat. Sona köti, nye logon a luŋu na gwoŋdi nye a luitöt nu, a nye gwe a ’dupiet lo Kristo.

²³ Ta aje gwö rwe ko ropet duma, an ta ko wora ta a ’dupi ti ŋutu.

²⁴ Nyenagon luŋasirik, ta liŋ geleŋ geleŋ gwolore ta ko Ŋun i gwiliŋit logon nye a luŋgi ta kata lu.

Kulya ti ŋutu logon a ko yemba ko nagon a ko yema se ko karu ’bejin

²⁵ Man ’bak lele saret lo Matat i kulya ti ŋuto logon a ko yemba kode nagon a ko yema, ama nan tiŋdu yeyeet nio gwoso nan a ŋuto logon Matat a yatakin logon jujukin yiniki.

²⁶ Nan yeyeju adi a ŋo na ’but ko ŋuto yeŋon gwon gwoso na gwoŋdi nye na, kogwon delyaesi ti na diŋit.

²⁷ Do aje yemba nakwan le? A na ’but, ko do aje yemba an do ko ga ’yu kolokiŋdyo lepeŋ. Do a ko yemba le? A na ’but, ko do a ko yemba an do ko ga ’yu nakwan.

²⁸ Ama ko do yeyemba, do a ko koŋdya toron; a ko ŋuro ’diet ’dek yema, lepeŋ a ko koŋdya toron. Kolumbo ŋutu logon totoyem kulo mo gwon ko delyaesi ti na kak, ama nan ’dek lwokuŋdyo ta i ŋo gwoso kine.

²⁹ Luŋasirik kwe, nan kulya sona adi, diŋit gwe a naŋutut. Suluja soŋinana tojo ko ŋerot, ti ŋutu logon ko wate kilo ti gwe gwoso ŋutu logon ’bak wate;

³⁰ ti se lo gwigwien kilo gwe gwoso logon ti gwien; ti ŋutu logon lyolyoŋi kilo gwe gwoso logon ti lyolyoŋi; ti ŋutu logon gwogworuŋdyo kilo gwe gwoso logon ’bak tito;

³¹ ti ŋutu logon kita ko ŋo ti na kak kulo ti se gwe gwoso ŋutu logon a ko kitari se. Kogwon na kak se ko ŋo kanyit liŋ ’ba ’bakaara.

³² Nan kodyo ’de ’dekan ta gwon ’bak wiwinyesi. Ŋuto logon a ko yemba lo tiŋdu yeyeesi kanyit i kulya ti Matat ko nye tulyoŋgu Matat ada;

³³ ama ŋuto logon a yemba lo tiŋdu yeyeesi kanyit i kulya ti na kak ko nye tulyoŋ nakwan nanyit ada,

³⁴ a lepeŋ dyadya ’yi dyadya ’yu. Ŋuto nagon a ko yema na kode ko ’disityo tiŋdu yeyeesi kase i kulya ti Matat ko se gwon a ŋutu kanyit ada i mugun ko i kodudwo. Ama ŋuto nagon a yema na tiŋdu yeyeesi kanyit i ŋo ti na kak ko nye tulyoŋ lalet lonyit ada.

³⁵ Nan Tambu kine kulya kogwon nan ’de ’dekan parakiŋdya ta, ’bayin adi nan yoŋo ri ’dikiŋdya ta, kolumbo nan ’de ’dekan ta koŋdya ŋo na rigwo ko a na ’but, anyen ta tiŋdu ’borik asut i kitakiŋdya na Matat ’bak dyadya ’yu.

³⁶ Ko lele ŋuto gwon ko ’diet nagon nye si ’da ko lepeŋ ama ’bayin i gwiliŋit na toyem, a ko ŋilo ŋuto yeyeju adi ’dekesi kanyit ti mugun gwon pape parik, nyena ti lepeŋ koŋdi ŋo na ’deggi nye na; ti se toyeme toyem, ŋina ’bayin a toron.

³⁷ Ama ko ŋilo ŋuto bubulo gwo ’dan go kanyit i toili, a ’dekesi kanyit ti mugun gwe ti tomijo lepeŋ, a gwe ko riŋit teŋet na se, kweja adi lepeŋ koŋdya ’bura ko nye a yeyeju adi ti nu ŋuro yeŋe gwon a ’diet nanyit geleŋ ’bak yema.

³⁸ Nyena ŋuto logon a yemba ’diet nanyit lo a koŋdya ’bura, ama ŋuto logon a ko yemba ’diet nanyit lo a koŋdya ’bura bia parik.

³⁹ Ŋuto nakwan agu kodyo si ’da ko lalet lonyit nagon lalet nyuŋ gwon jörun nu, ama ko lalet a twan, a ŋina nakwan gwe a luitöt i yema ko lele ŋuto logon nye ’de ’dekan, ama tuŋ ko Matat i mugun.

⁴⁰ Ama nan ko mugun nio yeyeju adi lepeŋ ködyö gwon ko lyöŋön ko nye yeŋön gwon a karu ’be ti yema. A nan köti yeyeji adi nan gwon ko Mulökötyo lo ŋun.