1 Korinto 5 - Bibilia Buk na Ŋun nagon koti luŋu a

Toluŋ kata i kiden na kanisa

¹ ’Diri ŋutu gwon i jambu adi toluŋ kata kasu kiden; ŋina toluŋ a naron ma ’di Iwolwoŋ ŋo na kon paganojin na; adi ŋuto gwon ko narakwan na monye lonyit.

² A kirut ta bu ’ye ’börik ada? Kölumbö ta ködyö dedelya, anyen ŋuto lo koŋdya ŋo gwoso ŋina lo kodyö riköji kaŋo kasu kiden.

³ Ma ’di ködyo nan ko mugun nio ’bayin ŋini, ama köyö i töili yi gwon ko ta i pirit na geleŋ, a nan iŋge ’duŋökin putet

⁴ i karin ti Matat Yesu i ŋuto lo koŋdya ŋo gwoso ŋina lo, gwoso nagon nan ’diri kata ŋini. Na momori ta nu, a toili lio gwe kasu ŋini, se ko riŋit na Matat likaŋ Yesu,

⁵ a ta ködyö ŋutö kiŋdye ŋilo ŋuto ko Satani i riŋit anyen kökör mugun nanyit, anyen ködudwö nanyit böŋö lwölwökö i lor lo pöri Matat lu.

⁶ Bu ’ya nasu na kusik ’bayin a na ’but. Ta a ko den le adi kape ku ’dik toyujö wi ’di liŋ?

⁷ Nyenagon ’bukörö ta kape logon a ŋoroko kilo kaŋo anyen ta böŋö gwon a ambata ludukötyo. Ta gwon gwoso ambata nagon ’bak kape nagon nyei i Pasaka; kogwon rorwe likaŋ lo Pasaka aje suluki, kilolor aje ’duŋö logon a Kristo.

⁸ Nyena ti yi koŋdi ta rorwe, ’bayin ko ambata nagon ko kape poroko logon a ŋisa ko toron, ama ko ambata nagon ’bak kape, iŋkoi, ambata nagon a kelan se ko kulya ’diri.

⁹ I leta nagon nan aje wurökin ta nu, nan aje takin ta adi, an ta ko momora ta ko Ŋutu kalupok.

¹⁰ Nan ’bayin jambu adi ta ködyö paju Ŋutu liŋ ti na kak logon a kalupök, kode logon a kagomak, kode a karyakak, kode a kakwakwasak ti nyömuejin; ko ködyö nan a jambu adi ta kodyö paju lepeŋat, a ta ködyö wuddye wuddya i na kak asut.

¹¹ Ama kulya na wur nan kunu kweja adi, ta ködyö ti mora ko lele Ŋuto logon luŋgu mugun a luŋaser lo yubbö ko nye a kalupönit, kode a kagomanit, kode a kakwakwasanit lo nyömuejin, kode a kamomoronit, kode a kamere, kode a karyakanit. An ta ko si ’da ta ma ’di i nyesu ko Ŋuto gwoso ŋilo i pirit na geleŋ.

¹² Kulya kwe a nyo i ’duŋgö na kulya ti Ŋutu ti kaŋo? Ama ta a ka ’duŋok ti Ŋutu lo gwon i momoret na kayupök.

¹³ Ŋun lepeŋ a ka ’duŋonit lo kulya ti Ŋutu lo gwon kaŋo kilo. Nyena riköddi ta ŋuto loron kaŋo kasu kiden.