1 Korinto 3 - Bibilia Buk na Ŋun nagon koti luŋu a

Kölipönök ti Ŋun

¹ Ama luŋasirik, i nu diŋit nan tibulo jambu ko ta gwoso ta a Ŋutu logon gwon ko Mulokotyo Loke, ama nan aje jambu ko ta gwoso ta a Ŋutu kana ti na kak, iŋkoi, ta gwon gwoso lupudiet ko Kristo i mugun.

² Nan aje wowoja ta ko le ’bayin ko ’dilor, kogwon ta a ko nyuŋ jukin i nyesu na kinyo;iŋkoi, ma ’di soŋinana ta ti bulö,

³ kogwon ta nyuŋ kebbu ŋo nagon mugunya kasu ’de ’deggi kune. Kogwon na gwoŋdi ta ko be ’ya ko rerenyesi nu, ta ŋona ’bayin kebbu ’dekesi kasu ti mugunya a gwolore gwoso Ŋutu kana ti na kak le?

⁴ Kogwon na kulyari lele losu adi, Nan a lo Paulo, a lele kulyani adi, Nan a lo Apolo, ta ŋona ti gwon a Ŋutu kana ti na kak le?

⁵ Nyena Apolo ŋona a ŋa? A Paulo gwe a pa? Yi tuŋ a kolipönök ti Ŋun a ta iŋge yubbo lepeŋ kogwon kulya kaŋ. Matat a wulökin yi kitajin kaŋ ka ’de ka ’de.

⁶ Nan lo ’yuddu, a Apolo lo popoggi, ama a Ŋun lo to ’duŋe.

⁷ Nyenagon nye lo ’yuddu lo se ko kapopokanit lo ’bayin a nene go, ama Ŋun a duma logon tiŋdu ŋo liŋ i ’duŋö lo.

⁸ Tuka ’de ’bayin i kiden na ka ’yutunit se ko kapopokanit; Ŋun mo roropakin se liŋ geleŋ geleŋ gwoso i kitajin na kon se kune.

⁹ Kogwon yi paŋu kita na Ŋun i pirit na geleŋ, a ta gwe a melesen na Ŋun. A ta koti gwe a kadi nagon Ŋun ’du ’duk na.

¹⁰ Nyenagon gwoso nagon Ŋun a wulökin nan i ’busan na nyaŋu nanyit na, a nan ’boggi pipilisi gwoso nan a bodo ka ’dukonit, a lele ŋuro lo ’duŋge kata, ama Ŋutu liŋ agu ködyö meddya ’bura ko se gweyuŋdya ada i kilo pipilisi.

¹¹ Kogwon Ŋutu ti bulo ’bogga kulye pipilisi ake logon aje ’boka kilo logon a Yesu Kristo lepeŋ.

¹² Ama ko ŋuto a gweyuŋdya kilo pipilisi ki ko dakap, kode ko podo. kode ko ŋurupö na gwöro go, kode ko kaden, kode ko doru, kode ko kuku,

¹³ a kitajin ti Ŋutu liŋ geleŋ geleŋ mo kweyani kweya i lor lo ’dutet. Kogwon kimaŋ na Ŋilu lor molu na kweja, a ŋinu kimao mo na tembi ko kitajin a nyo nagon Ŋutu liŋ geleŋ geleŋ a kon kune.

¹⁴ A ko kita nagon lele ŋuto a gwekin i kilo pipilisi na a pituŋdyö i kimaŋ, a lepeŋ mo wuji ropet.

¹⁵ Ama ko kita na lele ŋuto a nokan, a nye mo tine ryeju nene ŋo, ama lepeŋ ko mugun nanyit mo lwolwoko gwoso nagon nye tunyuŋdyo kaŋo i kimaŋ na.

¹⁶ Iŋkoi, ta ŋona ti den le adi, ta a kadi na Ŋun a Mulokotyo lo Ŋun gwolore kasu i mugunya?

¹⁷ A ko lele Ŋuto a koŋu kadi na Ŋun, a Ŋun mo köti koŋi lepeŋ. Kogwon kadi na Ŋun a nake, a ta ko ’börik kasu gwe a kadi nanyit.

¹⁸ Ti lele ŋuto gwe ti mumulugga mugun. Ko lele ŋuto kasu kiden yeyeju adi nye a lokoŋ gwoso na yeyeji ŋutu ti na kak na, a ti nye worani a lu ’boŋ anyen nye boŋo gwon a lokoŋ.

¹⁹ Kogwon kopon na na kak meta a tu ’boŋon ko Ŋun i komor. Kogwon a wuro adi, Ŋun morga ŋutu lokoŋ i mumulukesi kase,

²⁰ a koti iŋge wuro adi, Matat deden adi yeyeesi ti ŋutu lokoŋ ’bak ’bulit.

²¹ Nyena ti lele ŋuto ködyö gwe ti bu ’ya mugun kogwon kulya ti Ŋutu. Kogwon ŋo liŋ a kasu,

²² kode nye a Paulo, kode a Apolo, kode a Kepa, kode a na kak, kode a ru, kode a twan, kode a ŋo ti soŋinana, kode a ti molu, ŋo liŋ a kasu.

²³ Ama ta a ti Kristo, a Kristo gwe a lo Ŋun.