1 Korinto 11 - Bibilia Buk na Ŋun nagon koti luŋu a

¹ Mirakiŋdye ta nan gwoso nagon nan mirakiŋdye Kristo na.

Kulya ti muggöna kwe i diŋit na kwakwaddu

² Nan pupurja ta kogwon ta ŋupi yeye nan, a ta ’depakiŋdye i saresi logon yeŋon a keri logon nan aje todinikin ta kilo.

³ Ama nan ’de ’dekan ta deden adi Kristo a kwe lo ŋuto lyan liŋ, a lalet gwe a kwe lo nakwan nanyit, a Ŋun gwe a kwe lo Kristo.

⁴ Nyenagon ko lele ŋuro kwakwaddu kode tokujö ko kwe nanyit a mukö, lepeŋ lauŋdya kwe lonyit,

⁵ a ko nene ŋuro kwakwaddu kode totokujö ko kwe nanyit a ko mukö, lepeŋ lauŋdya kwe lonyit, lepeŋ gwon gwoso ŋuro nagon kwe a ’barinu.

⁶ A ko ŋuro nakwan ti muggö kwe nanyit a bia ti kupir kanyit ’duŋoni ’dupo; ama ko kwe na ŋuro nakwan yuyu i ’duŋgö kode i ’bariŋdu na kupir kanyit, a ti lepeŋ ködyö muke muk kwe nanyit.

⁷ Ŋuto lalet ködyö ti muggö kwe nanyit, kogwon nye a gwuluet na Ŋun ko a bulet lonyit. Ama ŋuro nakwan a bulet na ŋuro lalet.

⁸ Kogwon ŋuro lalet a ko gweye i ŋuro nakwan, ama ŋuro nakwan a gweye i ŋuro lalet.

⁹ Kogwon lalet a ko gweki i kulya ti ŋuro nakwan, ama ŋuro nakwan a gweki i kulya ti ŋuro lalet.

¹⁰ Nyenagon kogwon kulya ti malaikajin, ŋuro nakwan ködyö gwon ko muket na kwe anyen kwekiŋdya adi lepeŋ gwon i saret lo lalet.

¹¹ Ama na gwoŋdi yi ko Matat i mugun na, ŋuro nakwan ti gwon a nene po ’bak ŋuro lalet, köti ŋuro lalet ti gwon a nene po ’bak ŋuro nakwan.

¹² Kogwon gwoso nagon ŋuro nakwan gweye i ŋuro lalet nu, sona köti ŋuro nakwan na yupuŋdyö ŋuro lalet, ama po liŋ po ko Ŋun yu.

¹³ Lilije ta ko ’börik, ŋona a na ’but ko ŋuro nakwan kwakwaddu Ŋun ’bak muggö kwe nanyit le?

¹⁴ Gwiliŋit lo ŋuro ŋona ti todinikin ta adi ko ŋuro lalet gwon ko kupir a lojo lepeŋ lalawe, ti gwon sona le?

¹⁵ Ama ko ŋuro nakwan gwon ko kupir a lojo lepeŋ bubula, ti gwon sona le? Kogwon kupir kanyit lojo kulo a tiki lepeŋ a mukesi kanyit.

¹⁶ Ama ko lele ŋuto ’de ’dekan rerenya i kine kulya, a ti nan kulyani adi, yi ko kanisajin ti ŋun gwon ’bak lele keri i kulya ti kwakwaddu.

Nyeŋ na Matat likaŋ a ko kona ’bura

¹⁷ Ama na sarakiŋdye nan ta na, nan ti puŋa ta, kogwon na momoruŋdye ta i pirit na geleŋ nu, ta koŋu ’borik ti gwon i parakiŋdya na ’borik.

¹⁸ ŋo togeleŋ, nan a yiŋ adi ko ta a momoruŋdya i, pirit na geleŋ a kanisa a ta gwe i kökoroja na ’borik; a nan iŋge yuŋ kine kulya a swot.

¹⁹ (’Diri kunie koresi agu ködyö gwon kata kasu kiden anyen liliuŋdya ŋutu ti to ’diri.)

²⁰ Ama ko ta a momora i pirit na geleŋ, ta ’bayin nyesu Nyeŋ na Matat likaŋ;

²¹ kogwon na nyesi ta nu, ŋutu liŋ geleŋ geleŋ möröddu ŋerot i nyesu na kinyo lose, a kulye gwe ko magor, a kulye mere meran.

²² Ta ’bak midijik anyen ta nyesu ko möju kata le? Kode ta ŋona lauŋdya kanisa na Ŋun, a toyuje kusik ti ŋutu lomerika lo gwon kasu kiden? Ti nan ködyö jamaki ta nyo i kine kulya? Ti nan ködyö pupurje ta le? ’Bayin kwöŋ, nan ti pupurja ta asut.

Suluki na nyeŋ na Matat likaŋ

²³ Kogwon saresi logon nan todinikin ta kilo nan a wu ko Matat, adi, i tukwaje lo tiki ’e Matat Yesu i tatua lu, lepeŋ a ’dumuŋdya ambata,

²⁴ a tiŋdi Ŋun tinate, a pipiŋdye pipiŋdya, a kulyani adi, Ŋina a mugun nio nagon a pipinyaki ta na. Koŋdi ta sona anyen yeyeori nan.

²⁵ A i mukök na nyesu, a nye köti ’dumuŋdye kopo, a kulyani adi, Ŋina a tomoret ludukötyo nagon tetena ko rima kwe anyen tomor a Ŋun ko ŋutu kanyit. Koŋdi ta sona temba i möju nasu anyen yeyeori nan.

²⁶ Kogwon temba i diŋitan liŋ na nyesi ta ŋina ambata ko na möji ta i ŋina kopo nu, a ta tukökiŋdye twan na Matat likaŋ tojo ko nye a po.

Nyesu na ŋina Nyeŋ ko do a kokwe a temba mugun

²⁷ Nyena ko lele ŋuto a nyesu na ambata kode möju i ŋina kopo na Matat i kiko logon ti jukin, lepeŋ a toroŋdya mugun na Matat se ko rima kanyit.

²⁸ Ti ŋuto agu ködyö teme tem mugun i ŋerot nagon nye nyesu ŋina ambata koi möju i ŋina kopo.

²⁹ Kogwon ŋuto logon nyesu ko möju ’bak timuŋdya mugun na Matat likaŋ lo, lepeŋ nyökiŋdyö ko matakiŋdya mugun ’duŋöki na putet.

³⁰ Ko ŋina kwe jore kasu a lomunyak ko a gigilötu, a kulye iŋge twatwa.

³¹ Ama koyi kiyaŋ a lilija ’börik, a yi ködyö tine ’duŋöki putet;

³² ama Matat lo lilija kulya kaŋ, a nye lo riŋge yi, anyen yi mo gwon ti ’duŋöki putet loron i pirit na geleŋ ko ŋutu ti na kak.

³³ Nyenagon luŋasirik kwe lo yubbö, ko ta momoruŋdya i nyesu na kinyo, tumöni ta tumön ko ’börik.

³⁴ Ko ŋuto logon ko magor, a ti nye ködyö nyesi kanyit midi, an momora nasu jakiŋdya ta putet loron. Nyena ko nan a tu kasu ŋini a nan mo tu teteŋdi kunie kulya kine.