1 Korinto 1 - Bibilia Buk na Ŋun nagon koti luŋu a

Romesi

¹ Nan Paulo a luŋu ko ’deket na Ŋun anyen gwon a luyökie lo Kristo Yesu. Yi se ko luŋaser likaŋ Sosetene

² a roman ko ta ŋutu ti Ŋun lo momora Korinto a kanisa kilo. Ŋun a geluŋdya ta a Ŋutu kanyit ko Kristo Yesu i mugun, mora ko Ŋutu liŋ lo gwon i piritön liŋ lo ’diŋdya karin ti Matat likaŋ Yesu Kristo i kwakwaddu kilo. Lepeŋ a Matat lose ko a likaŋ koti.

³ Yi roman ko ta adi, Ti ’busan se ko talip na po ko Ŋun Baba likaŋ na po ko Matat Yesu Kristo na gwe ko ta.

Ŋun a ’boroja yi ko Kristo i mugun

⁴ Nan ŋupi titiŋdu Ŋun tinate kogwon kulya kasu. Nan tiŋöju lepeŋ tinate kogwon lepeŋ a tiŋdu ta ’busan nanyit na nyaŋu ko Kristo Yesu i mugun.

⁵ Koti nan tiŋdu Ŋun tinate kogwon nye a tukwörieŋöju ta ko Kristo i mugun i ŋo liŋ. Kweja adi kegga ta a kwörinikö i deŋdya na Ŋo liŋ ko i tukuŋdyo na se kaŋo,

⁶ kogwon tokoret nikaŋ i kulya ti Kristo rye a gwak kasu i gwiliŋisi.

⁷ Nyena a ta gwe ti yaŋan i wuju na nene ’doket nagon Ŋun a ’doggi Ŋutu kanyit i toili, na momordi ta kweya na Matat likaŋ Yesu Kristo nu.

⁸ Lepeŋ mo titin ta i gwo ’dan go tojo ko ’dutet, anyen ta mo rye ’bak kulya i lor lo pöri Matat likaŋ Yesu Kristo lu.

⁹ Ŋun logon a lupuŋdya ta i tojulin ko Ŋuro lonyit Yesu Kristo Matat likaŋ lo, lepeŋ a Ŋun lo yiyiniki i koŋdya na ŋo nagon nye a jambu adi nye kökon kune.

Kayupok a koŋa

¹⁰ Nyena luŋasirik, nan mo ’yu ta i karin ti Matat likaŋ Yesu Kristo, toruköki ta ko ’borik i ŋo na jam ta kine, anyen ta gwon ti koŋa ko ’borik. Gwe ta a ŋo geleŋ ko toili geleŋ ko yeyeet geleŋ.

¹¹ Kogwon kulye ŋutu logwon ko Kuloe midi kulo a kwekiŋdya nan adi ŋisa kata kasu kiden luŋasirik kwe.

¹² Nan a yiŋ adi ta liŋ geleŋ geleŋ ŋadi kulya adi, Nan a lo Paulo, a lele kulyani adi, Nan a lo Apolo, a lele kulyani adi, Nan a lo Kepa, a lele kulyani adi, Nan a lo Kristo.

¹³ Kristo ŋona a kora le? Nan Paulo ŋona a ’bikiki i kodini na goro kogwon kulya kasu le? Ta ŋona a batisa i karin kwe ti Paulo le?

¹⁴ Tinate lo Ŋun kogwon nan a ko batiddya lele losu, ake nan batiddya Krisipo se ko Gayo,

¹⁵ an lele ŋuto kodyo kulya adi ta aje batisa i karin kwe.

¹⁶ ’Diri nan koti aje batiddya mede na Setepano, ama nan ti den ko nan Ŋona a batiddya lele ŋuto koti.

¹⁷ Kristo a ko sonyoddu nan i batiddya, ama lepeŋ a sonyoddu nan i tokuddu na Loŋe Lo ’but ko kulyaesi logon köke, ti gwon ko kulyaesi logon ŋo ’ya ko koŋon na ŋutu ti na kak, an twan na Kristo i kodini na goro wora a ŋo kana.

Kristo a riŋit na Ŋun ko a koŋon na ŋun

¹⁸ Kogwon ŋutu logon kakaran kilo lalaun kulyaesi ti twan na Kristo i kodini na goro adi a ŋo na ’boŋ, ama yi logon lwölwökö kulo kilo kulyaesi gwon kayaŋ a riŋit na Ŋun.

¹⁹ Kogwon a wuro adi, Nan Ŋun mo totolikin koŋon na ŋutu lokoŋ, a mo gubaddi kaŋo kuruŋdyo na ŋutu logon deden kulya kilo.

²⁰ Nyena Ŋutu lokoŋ kuliya? Katodinök ti Saresi ti Mose kuliya? Kuliya ŋutu logon tokurukiŋdyo kulya ko koŋon nase na ŋutu ti na diŋit? Ŋun aje tin koŋon na na kak i meta a ŋo na ’böŋ.

²¹ Kogwon Ŋun i koŋon nanyit a kon ŋutu ti na kak adi se ti bulo deŋdya lepeŋ ko koŋon nase, ama a lepeŋ mete a ŋo na ’but i Iwoggu na ŋutu lo yubbo kulo ko tokujö nikaŋ na ŋilo Loŋe logon ŋutu met adi a ŋo na ’böŋ lo.

²² Kogwon Yudayaki ga ’yu meddya kweyesi sörösi, a Giriki ga ’yi koŋon,

²³ ama yi a tokujo kulya ti Kristo adi nye a ’bikiki i kodini na goro. Kine kulya a köpuggö Yudayaki, a ŋuto ti kulye juron yeyeji adi kine kulya a Ŋo na ’boŋ,

²⁴ ama ŋutu logon Ŋun a lun kilo, kode se a Yudayaki kode a ŋutu ti kulye juron, lepeŋat deden adi Kristo a riŋit na Ŋun ko a koŋon na Ŋun.

²⁵ Kogwon tu ’bonon na Ŋun a nakoŋ lwölwoŋ kopon na Ŋutu, a tomunyan na Ŋun gwe ko riŋit Iwolwoŋ riŋit na Ŋutu.

²⁶ Nyena luŋasirik, yeyeji ta gwon nasu i diŋit nagon Ŋun koju a luŋgu ta nu. Ku ’dik kasu a lokoŋ gwoso na yeyeji Ŋutu ti na kak na, ku ’dik kasu gwon a ŋuto ti riŋitön, ku ’dik kasu gwon a Ŋutu temejik lokukwon.

²⁷ Ama Ŋun a wuluŋdyo Ŋo nagon ŋutu ti na kak a yeyeju adi a na ’boŋ kune anyen toyujo kusik ti Ŋutu lokoŋ, iŋkoi, nye a wuluŋdyo ŋo nagon Ŋutu ti na kak yeyeju adi a namunyak kune anyen toyujo kusik ti Ŋutu ti riŋiton.

²⁸ Ŋun a wuluŋdyo ŋo nagon Ŋutu ti na kak yeyeju adi gwon ’bak ’bulit, lepeŋ a wuluŋdyo ŋo nagon se lalaun kulya adi a ŋo kana kune, anyen tu ’baka ’yu ŋo nagon kata kune,

²⁹ anyen lele ŋuto kodyo gwon ti bu ’ya mugun ko Ŋun i komor.

³⁰ Ŋina a kita na Ŋun nagon ta gwon ko Kristo Yesu i mugun na. Ŋun a tiŋdu Kristo i gwon a koŋon nikao, nye a tiŋdu yi gwon rigwo kanyit i komor kogwon Kristo. Nye aje tiŋdu yi i gwon a Ŋutu kanyit loke, ko aje Iwoggu yi. Kine ŋo liŋ Ŋun a kon ko Kristo i mugun.

³¹ Nyenagon gwoso nagon a jama i kulyaesi ti Ŋun lo wuro kulo adi, Ti Ŋuto logon bubu ’ya lo, ti nye bu ’ye ko Matat i mugun.